Taitus 2:12 - Aria New Testament

¹² Ida Tapolngon ila makaingan nis ite ke elio ka itopul dogur ke elio ka Ida Tapolngon aitno soulu ine. E nis ite ma itepli elio soulu bitna bitna ka taklak ane ina. E nis ite ma itaplau ite itau e itodue elio itau vala ka Ida Tapolngon aitno itau ine alo ka itodong ke taklak ane.

Taitus 2:12 ပူးပေါင်းရင်းမြစ်များ

Matyu 12:32

E langka gute gesa wai soulu ke Gute Ka Polou Langka Osep io Ida Tapolngon karanga sak ila elio tonari. E langka iye wai soulu ke Ano Itau Ida Tapolngon ma sak ila elio langare kovok ke mosongon ane koke ke mosongon ka ma me.”

Matyu 16:24

Deka Yesus wai ke ila disaipel langane. “Langka gute waiki didi ngong ma iye pli tarna e didi ngong. Iye due langane e langka osep tidue elio soulu ke iye e iye mete are wan gesa kovok.

Matyu 28:20

E umaparere isak ma tini wan ka pula keniye ka ngawai dagar ke umu ine. E ma ngadong kap umu e ngalua umu aling aling la lama taklak ane yagos.”

Luk 1:6

Isak orwo tidong itau e osuk ke Ida Tapolngon bitna e tididi Moses ila sogongon lokono e tididi wan ka Ida Puda wai ine e wan gesa vri ke isak kovok.

Luk 1:75

Ma alo ka itodong ke udo mosongon itodue elio isuk isuk ka itau lokono e elio ka due ite itodong itau ke Ida Tapolngon bitna.

Jon 14:30

Ma ngawai ke umu dau tauni kovok kesua Satan ka plau osep ka pula keniye ke taklak me. E iye karanga mole ngong kovok.

Jon 6:25

Alo ka tipado iye ke elim burla tipmi iye langane. “Rabai lesen ompolou ke omur ane?”

Aposel 24:16

Eknikane ngong arit ngong ma ngadong itau lama ngadue elio soulu ke Ida Tapolngon bitna e ke osep amtarsak blang.”

Aposel 24:25

Pol wai pula ke elio ka itau e osuk e ke elio ka osep tiplau isak itau. Silang iye palongo Feliks ila ke elio ka mase Ida Tapolngon ma wade osep ka pula keniye urok elio. Feliks klingen ila pelengon deka ulou tarna ine e wai langane. “Yagos. Ngaklingen lem pelengon iding ke ane deka yagos. Amla omdong la lama aling gesa alo ka ngawaiki ngaklingen lem pelengon blang deka ma ngapalongo lem ine.”

Pas ka Pol sogoe uti la ke osep Rom ina 12:2

E umakana elio bitna bitna ka osep taklak ina tidue sakam. Umosongon Ida Tapolngon ma iye due aitno lumu tilumus tipolou oku. Alo ka aitno lumu tilumus tipolou oku ma umeile lokono ke Ida Tapolngon aitno. E ma umeile ke elio ka itau ka Ida Tapolngon aitno itau ine e ka wan gesa mole kovok.

Pas ka Pol sogoe uti la ke osep Rom ina 6:12

Eknikane aitno lumu itau ke elio epmes ina bitna bitna kovok lama iye plau pampamu lumu. Umadangdang ine vala lama umawaiki umodue elio epmes ina bitna bitna blang.

Pas ka Pol sogoe uti la ke osep Rom ina 6:19

­Ma ngakar pelengon ane ke umu ma kere lou pelengon tonari. Kesua lou pelengon tonari lana ine opru umu. Oglou aitno lumu itau ke elio epmes ina bitna bitna vala e umodue elio epmes ina pula ka soulu lokono. E eknikane aitno lumu itau ke elio itau vala. E ngawaiki elio itau plau pampamu lumu vala ma umopolou Ida Tapolngon ila osep ka itau.

Pas ka Pol sogoe uti la ke osep Rom ina 8:13

Langka umedidi lumu elio oglou ina vala ma umemete ine. E langka umedidi Ano Itau ila plaungan vala ma umodue elio oglou ina mete deka umodue elio epmes ina bitna bitna kovok. Deka ma umodong itau vala.

2 Korin 1:12

Aitno lungong itau ke elio kene. Ke aitno lungong ngaile Ida Tapolngon lua ngong ma ngadue elio osuk lokono e elio itau. Ida Tapolngon makai ngong deka ngadidi elio tonari e ngadidi ilengen ka taklak ane ina kovok. Ngadidi elio itau ke osep pula e dau ngadidie kap umu lokono.

2 Korin 7:1

Lou saten. Imodue Ida Tapol-ngon ila promis kodong. Deka ma itopul dogur ke elio soulu bitna bitna ka tidue pampamu lite e ante amum. Ma itodue anit ke Ida Tapolngon e itodue elio itau ka aitno itau ine.

Galesia 1:4

Krais didi Ida Tapolngon ka Pmada aitno e soro pampamu ine ma lua ite ke udo elio epmes ina. Iye due langane ma lua ite ke elio soulu ka dong ke taklak ane.

Galesia 5:24

Osep ka tidong ke Krais ila osua tidue aitno lisak oglou ina kap elio soulu ka pampamu lisak waiki due e tinilim isak nepek mana ke Ida Puda ina akai e timete kodong.

Efesus 1:4

Oglou oglou ari alo ka Ida Tapolngon dau tapol taklak ka pula keniye kovok iye rere ite ka ila osep kodong ma iteneklep ke Krais. Iye rere ite ma itodong itau lokono e ma elio kene gesa vri lite kovok.

Efesus 2:2

Deka ari umodue elio epmes ina bitna bitna eriar langka osep epmes ina ka tidong ke taklak ane tidue. Alo ari Satan ka plau angelo soulu plau umu blang. Iye plau umu kesua iye plau osep ka talsak klingen Ida Tapolngon ila pelengon kovok.

Kolosi 1:22

Deka Krais mete e mana ke ina akai kodong. Ke elio langane Ida Tapolngon due umu umodong aitno lumu epen pulu kap iye. Iye due langane ma lumu elio soulu gesa vri ke umu kovok e umodong itau lokono ke bitna.

1 Tesalonaika 4:7

Ida Tapolngon waiki ite ka ila osep itodue elio soulu kovok. Iye waiki itodue elio itau vala.

1 Tesalonaika 4:9

Ngong ma ngasogo pelengon silang blang ke umu ke elio ka umu lana umu ke supmu kovok. Kesua Ida Tapolngon parere umu kodong ke elio ka umu lana umu pulu.

1 Timoti 4:12

E Timoti. Ngap tobor pula kovok. Deka langka osep tiwaiki tiklingen ke wom kovok are itau kovok. E dau aitno lugom kro ine kovok. Omdue elio itau vala ma osep Kristen tivati lem elio e ma tikanae. Ma omdue elio itau ke lem pelengon e ke lem mosongon e ke elio ka wom lana wom ke osep leklou. E aitno lugom dong dagar ke Yesus e amdangdang pampamu lugom ke elio epmes ina bitna bitna.

1 Timoti 6:17

Ma amwai dagar ke osep ka urok mani pula ke taklak ane ma tikaranga tikakai angainsak kovok. Ma aitno lisak la ke wan ka paide okus langka mani kovok. E ma aitno lisak dagar lokono ke Ida Tapolngon. Kesua iye kar ite wan bitna bitna pula ka due aitno lite neser.

1 Timoti 6:9

E langka osep tiwaiki tidue mani pula vala deka tokngon ma polou ke isak e ma kis isak dagar langka omdu kis ongwa dagar. Deka langka aitno lisak la ke wan bitna bitna are ma due isak manga manga lokono. E elio ane ma due pogle ke isak e tidong sasi lokono.

2 Timoti 3:12

Pelengon ane lokono. Osep ka tineklep ke Krais Yesus e tiwaiki tididi Ida Tapolngon ila elio keniye ma osep tidue agegeng ke isak.

2 Timoti 4:10

Kesua gute Demas aitno la ke wan bitna bitna ka taklak ina e iye songon ngong kodong e la ke armok Tesalonaika. E gute Kresens la ke provins Galesia e gute Taitus la ke omur Dalmesia.

Taitus 3:3

Emile oglou ite blang iteile omur ke Ida Tapolngon kovok e itotuk ila pelengon. Alo ari Satan pagolgol aitno lite deka itedidi Ida Tapolngon ila pelengon kovok. Deka itodong langka elio epmes ina plau ite e itedidi elio soulu. E aitno lite itau ke elio soulu e itedidi pampamu lite. Itedidi elio ka aitno lite amnga e aitno lite soulu ke osep leklou e itangale urok wan bitna bitna. Aitno lite engil ke osep e aitno lisak engil ke ite blang.

Hibru 8:11

Alo ari ma gute parere gute silang ka iye sisrok koke ila osua ma tile ke Inarak Puda kovok. Kesua isak ka pula keniye ma tile ngong. Lama angainsak omba koke angainsak omba kovok.

Jems 1:27

Langka itedidi Ida Tapolngon aitno e itodue elio isuk isuk ka itau vala ke Ida Tapolngon ka Pmada bitna ma itodue elio langane. Iye waiki itolua agau ka bimsei e apmang sasap batne ke elio ka opru isak. E iye waiki itaplau ite itau ma elio ka taklak ina due ite itopolou amum kovok.

2 Pita 2:9

Deka iteile omur langane. Ida Puda karanga lua osep ka tidue elio isuk isuk ka itau ma tikos ke elio ka opru isak. E silang blang iye karanga ules osep epmes ina la lama iding ke oklou ka Ida Tapolngon ma wade osep ka pula keniye ine.

2 Pita 3:11

Ngawaiki aitno lumu mter itau. Mase wan tonari ma polou yagos e oku ane umu kenmu kenmu umodue elio isuk isuk ka lange? Ma umodue elio isuk isuk ka itau ka Ida Tapolngon aitno itau ine.

1 Jon 2:27

E Krais kar umu Ano Itau ka dong ke aitno lumu kodong. Deka Ano Itau parere umu ke wan keniye ke pelengon ka lokono e ila parerengen lokono e gesa yakngan kovok. Ano Itau parere umu e parerengen ane karanga ke umu. E gute gesa parere umu langane kovok. E eriar langka iye parere umu deka umodong kap Krais vala.

1 Jon 2:6

Gute gesa ka wai iye dong kap Ida Tapolngon io wan ka itau ma iye due elio isuk isuk langka Yesus due alo ka iye dong ke taklak.

1 Jon 5:19

E silang blang langane. Iteile Ida Tapolngon ila osep ite e dau Satan ila arit plau osep ka pula keniye ka taklak ina.

Pas ka Jut sogoe 1:18

Tiwai ke umu langane. “Mase alo ka isuk boto wan keniye yagos osep ma tipolou e tidue apok ke umu. Ma tipul dogur ke Ida Tapolngon e tididi aitno lisak ke elio soulu vala.”

Pelengon kukwopngon 14:12

Alo ka elio ane polou Ida Tapolngon waiki ila osep tidong dagar ine. E tini Ida Tapolngon ila pelengon dagar e aitno lisak la dagar ke Yesus e tididi iye.