Taitus 2:10 - Aria New Testament

¹⁰ E tipanako wan ke osep ka tiplau isak kovok. E tidue elio itau e tididi osep ka tiplau isak urok pelengon vala. Langka tidue langane ma osep aitno lisak itau ke Ida Tapolngon ka iye Ida Luangan blang ila pelengon.

Taitus 2:10 ပူးပေါင်းရင်းမြစ်များ

Matyu 24:45

E Yesus wai blang langane. “Wokboi nating sei iye ile itau e didi ina puda ila pelengon alo ka ina puda la ke langan? E ina puda ma due iye plau osep bokongon ina leklou ma iye kar isak inarak ngangon alo ka ina puda rere.

Matyu 5:16

Umobublo langka lam ma osep tikaranga tivati lumu elio itau e tikakai Pmomu ka dong ke omur heven angaine.”

Luk 1:47

E anngong neser ke Ida Tapolngon ka Ngau Luangan.

Luk 1:80

E mimi tonari polou omba e ano polou dagar blang. Iye dong ke omur ka dong adai vala la lama alo ka iye polou malak ke osep Israel ina amtarsak.

Luk 16:10

“Gute ka karanga plau wan daudeng itau karanga plau wan omba itau blang. E gute ka didi elio ka osuk kovok alo ka iye plau wan daudeng ma iye didi elio ka osuk kovok alo ka iye plau wan omba blang.

Jon 12:6

E Judas wai langane kesua aitno mter ke osep ka urok wan isuk boto vala kovok. Aurou. Iye wai langane kesua iye gute panakongon ina e iye plau karoro ka urok mani dong ine. E aling pula iye panako mani ka tidue sep ke karoro tonari.

1 Korin 4:2

Langka gute gesa plau gute silang ila bokongon deka lokono ma iye didi pelengon ka ina gute kare ka la ke ila bokongon.

Efesus 4:1

Osep leklou tidue ngong ngadong ke kalabus ane kesua ngaboko ke Ida Puda ila bokongon. E Ida Tapolngon rere umu ila osep umu deka ngawai dagar ke umu langane. Umodue elio itau ka iye waiki umodue ma lumu elio isuk isuk keniye itau.

Filipai 1:27

Wan ka omba langane. Ngawaiki lumu mosongon didi pelengon ka Krais ila omon itau wai ine. Ngawaiki langka ngauti ke umu koke ngauti kovok ma ngaklingen pelengon langane. Umevri dagar e aitno lumu kene pulu e lana lumu kene vala. E umoboko dagar pulu ma umosruk osep ma aitno lisak la dagar ke omon itau.

Filipai 4:8

Sipmi. Ngawaiki ngawai ke umu sasi boto blang deka lou pelengon yagos. Ngawaiki aitno lumu mter ke elio ka lokono vala e elio ka osep tidue anit ine e elio ka osuk ke osep amtarsak. E elio ka Ida Tapolngon aitno itau ine e elio ka due osep lana isak pulu e elio ka osep aitno lisak itau ine. Aitno lumu mter ke elio ka itau lokono e elio ka due osep aitno lisak itau ine.

1 Timoti 1:1

Ngong Pol ka Krais Yesus rere ngong ila aposel gesa. Ida Tapolngon lua ite ke udo elio epmes ina e itapara ke Krais Yesus ma itavati iye e itodong kap iye.

1 Timoti 5:17

Umu ma umakar osep plaungan ina inarak klingen ke bokongon itau ka tidue. Osep ka tidue wan langane. Osep ka tiplau sios itau e tinapapra osep ke Ida Tapolngon ila pelengon e tiparere isak ke lana ine.

1 Timoti 6:1

Osep Kristen ka isak wokboi nating ma tidue anit ke inarak plaungan lama urok elio due Ida Tapolngon angaine duru e osep tiwai soulu ke aitno lite ila dagar.

1 Timoti 6:3

Ida Puda ila pelengon parere ite ke Ida Tapolngon ila elio. Langka gute gesa songon pelengon ane e parere osep ke pelengon silang blang ka eriar langka Ida Puda Yesus Krais ila pelengon kovok deka emile langane. Gute tonari aitno itau ke iye tona e tala klingen kovok. E iye ile omur gesa kovok. Aitno soulu e iye waiki tuk pelengon e mole osep leklou urok pelengon. Elio langane ma due osep aitno lisak rim e aitno lisak soulu ke osep leklou. E tiblou osep leklou dogursak e aitno lisak mter osep leklou tidue elio soulu.

Taitus 1:3

Deka taim ka iye rere kodong iye rere osep leklou ma tinapapra ila omon itau. Deka ke elio langane iye due ila pelengon polou malak ma osep tile omur ine. Deka Ida Tapolngon ka lua ite ke udo elio epmes ina rere ngong ma nganapapra ila omon itau.

Taitus 3:4

Itodong langane deka Ida Tapolngon ka iye Ida Luangan blang lana iye omba ke ite. Iye makai ite e nis ite ke wan ka iye due ke ite kodong.

1 Pita 2:12

Umodong airavu ke osep epmes ina e ngawaiki umodue elio isuk isuk ka itau vala. Umodue elio itau vala e langka tisin elio soulu vri ke umu ma tivati lumu elio itau e ma tikakai Ida Tapolngon angaine tito la egim ke oklou ka iye ma me e wade osep ine.

1 Pita 3:16

E ngawaiki umodue elio itau vala ma elio gesa pes umu kovok. Deka langka osep tisin elio soulu vri ke umu e tiwai soulu ke lumu elio itau ka umodue batne ke Krais ma isak mnak isak ke urok pelengon.

2 Jon 1:9

Langka gute gesa kis Krais ila pelengon dagar kovok e didi pelengon silang iye dong kap Ida Tapolngon kovok. E gute ka kis Krais ila pelengon dagar vala dong kap Pmada e Otno Arang.