Taitus 1:6 - Aria New Testament

⁶ Emrere osep ka langane. Gute ka iye due elio itau vala ma osep tikaranga tisin elio soulu vri ke iye kovok. E langka iye gi deka ila asap kene vala e langka gute tonari titno tidong deka aitno lisak dagar ke Yesus blang. E titno tididi elio isuk isuk ka soulu ke Ida Tapolngon bitna kovok e tituk sipmarak e titnarak urok pelengon kovok. Kesua langka tidue langane e osep tivati urok elio soulu are itau kovok.

Taitus 1:6 ပူးပေါင်းရင်းမြစ်များ

Luk 1:5

Alo ka gute Herot vri mgo ke omur Judia gute loulou ina kene dong ka angaine Sekaraia. Iye dong ke gute Abiya ila osua e ila asap angaine Elisabet. E Elisabet dong ke gute Aron ila osua.

Efesus 5:18

E umeinim aki galou wain pula sakam lama omtomu balilu. Langka umodue elio langane ma paiavu umu. E umosongon Ano Itau ma plau umu vala.

1 Tesalonaika 5:14

Sipmi. Imawai dagar ke umu ma umodue langane. Umawai ke osep ropo bitna ma tidue elio langane sakam e tiboko vala. E umolua osep leklou ka tilim ke wan bitna bitna ma tilim kovok. E umolua osep ka aitno lisak dau dagar kovok ma tipolou dagar. E umawai molil e umodue mada ke osep ka pula keniye.

1 Timoti 1:9

Bokongon ka Moses ila sogongon due langka lua osep ka tidue elio itau kovok. Aurou. Ane ma lua osep ka tipul dogur ke Moses ila sogongon e tididi elio ka aitno lisak vri ke isak vala. E lua osep ka tipul dogur ke Ida Tapol-ngon e tidue elio epmes ina. E lua osep ka tididi Ida Tapolngon ila pelengon kovok e tididi ilengen ka taklak ina vala. Moses ila sogongon langka wai dagar ke osep ka timluk sipmarak e titnarak ma timete e osep ka tipagam osep.

1 Timoti 3:12

Gute ka boko ke sios esna kene vala e ma iye plau esna e titno itau.

Taitus 1:10

Emrere osep ka tiplau sios kene kene ke aidunu Krit itau. Kesua Ida Tapolngon ila osep pula ke omur ari urok aiding langka tipul ila pelengon. Tiwai pelengon bitna bitna ka adai e tiyakyak osep ine. Osep leklou tonari urok osua osep Yuda ina. E tiwaiki osep tididi inarak apu langka elio ulangngan ina.