Taitus 1:5 - Aria New Testament

⁵ Oglou alo ka itodong ke aidunu Krit itababrum udo boko-ngon kovok. Deka ngasongon wom omdong ke Krit ma ambabrum bokongon ka dau dong. Ngawaiki emrere osep leklou ma tiplau Yesus ila osep ke armok armok ka tidong ine langka oglou ngawai ke wom ine.

Taitus 1:5 ပူးပေါင်းရင်းမြစ်များ

Aposel 11:30

Deka tipaur urok mani ke Barnabas orwo Sol. Deka isak orwo tipaure la ke osep plaungan ina ka aitno lisak dagar ke Yesus ka tidong ke omur Judia.

Aposel 14:23

Deka ari tirere osep leklou ke armok kene kene ma tiplau Ida Tapolngon ila osep. Deka tiwai itau pula ke Ida Tapolngon ine e tipli inarak ngangon kesua tiwaiki aitno lisak la ke Ida Tapolngon vala. Deka ari tiwai ke osep ka tirere isak Ida Tapolngon ila osep inarak plaungan langane. “Ida Puda ka aitno lumu dagar ke iye kodong ma plau umu e kere umu itau ke lumu elio isuk isuk.”

Aposel 2:11

E imi leklou osep Krit ina e osep Arebia ina. Imi ane ka limem omur pula imeklingen isak tiwai limem pelengon bitna bitna. Tiwai ke imi ke Ida Tapolngon ila elio arit ina bitna bitna.”

Aposel 27:12

Silang blang langane. Alo ari alo ka engen ina taiko ma isuk boto polou. E osep pula ka tidong ke sip aitno lisak mter langka tidong ke molsep ari tauni ma soulu ke isak. Kesua molsep ari molsep itau ke engen ina taiko kovok. E aitno lisak kene ma tisongon omur are e langka tikaranga ma tipolou ke armok Finiks e tidong ine ma engen ina taiko keniye mela yagos. Armok Finiks ka dong ke aidunu Krit ina molsep ene la ke omur ka oklou duru ine.

Aposel 27:13

Imodong ke Molsep Itau la lama oklou gesa polou alo ka engen molil molil polou ke omur saut. Deka osep ka tiplau sip aitno lisak mter ma imakaranga imopolou ke Finiks ina molsep. E tiriri sip ina anka sepe e imosongon omur are e imala. E sip la olwo boto ke aidunu Krit ina dingen batne vala.

Aposel 27:21

Imodong langane e imepli ipem ngangon la lama oklou pula mela yagos. E oklou gesa Pol tito vri ke osep amtarsak e wai langane. “Osep umoklingen. Langka itodong ke aidunu Krit langka oglou ngawai ine eknikane itodong itau e elio soulu ane polou ke sip e ke ina brokngon kovok.

Aposel 27:7

Imodong ke sip tonari e imala molil molil ine oklou leklou e osep ka tiboko ke sip urok bokongon opru isak. Mase imopolou olwo boto ke armok Nidas e imopolou ine kovok. Kesua ari engen pula dangdang imi ine. Deka imala ke aidunu Krit dogur ine e imopolou olwo boto ke armok Salmone.

1 Korin 11:34

Langka sapanga due umu ma umangen ke lumu ninu paide. Lama lumu duningen polou soulu e Ida Tapolngon mulu umu ine. E pelengon leklou dau dong e ma ngawai ine alo ka ngame ngavati umu.

1 Korin 14:40

E ma umedidi elio itau ke lumu duningen vala.

1 Korin 4:17

E ngapagei gute Timoti uti ke umu. Iye langka erigu e aitno lungong itau lokono ke iye e iye didi Ida Puda ila pelengon keniye. Ma iye sruk aitno lumu ke elio ka ngadue kesua nganeklep ke Krais. Elio ka langka nganapapra Yesus ila osep ke sios pula e ke armok ka pula keniye ma tididie.

Kolosi 2:5

Pampamu lungong dong kap umu kovok e dau ke aitno lungong ane langka ngadong kap umu. E aitno lungong itau ma ngavati umu umevri dagar e aitno lumu dagar lokono ke Krais.

1 Timoti 1:3

Eknikane ngawai ke wom eriar langka oglou ngawai ke wom alo ka ngala ke provins Masedonia. Ngawaiki ma omdong dau ke armok Efesus ma amwai pelengon dagar ke osep leklou. Isak osep ka tiwai pelengon yakngan alo ka tiparere Ida Tapolngon ila osep. Amwai ke isak ma tiparere osep langane kovok.

2 Timoti 2:2

Emklingen pelengon ka ngawai ke osep pula kodong. Deka ngawaiki amwai pelengon tonari ke osep ka tikis dagar ke Ida Tapolngon ila pele-ngon ma tikaranga tiparere osep leklou ine blang.

Taitus 1:12

Oglou kodong gute Krit ina gesa ka iye gute ilengen ina wai langane. “Osep Krit ina isak osep yakngan ina. Isak osep soulu lokono langka ongwa kevena. Isak osep ropo vala e aitno lisak mter ke ngangon ma tingen omba vala.”