Taitus 1:3 - Aria New Testament

³ Deka taim ka iye rere kodong iye rere osep leklou ma tinapapra ila omon itau. Deka ke elio langane iye due ila pelengon polou malak ma osep tile omur ine. Deka Ida Tapolngon ka lua ite ke udo elio epmes ina rere ngong ma nganapapra ila omon itau.

Taitus 1:3 ပူးပေါင်းရင်းမြစ်များ

Mak 1:15

Iye napapra ke isak langane. “Eknikane taim ka Ida Tapolngon rere ma iye vri mgo ke osep polou kodong. Deka umabauluk aitno lumu ke lumu elio epmes ina e aitno lumu la dagar ke Ida Tapolngon ila omon itau.”

Mak 13:10

Ma osep tinapapra omon itau ke omur ka pula keniye mgo deka mase alo ka pula ane ina yagosngon ma polou.

Mak 16:15

Deka Yesus wai ke isak langane. “Umala ke omur ka pula keniye ke taklak e umanapapra Ida Tapolngon ila omon itau ke osep ka pula keniye.

Luk 1:47

E anngong neser ke Ida Tapolngon ka Ngau Luangan.

Aposel 10:36

Umeile omon itau ka oglou iye pagei ke imi osep Israel ina. Pelengon tonari la ke Yesus Krais. Deka eknikane imi e Ida Tapolngon aitno limi epen pulu batne ke iye. Iye osep keniye Inarak Puda.

Aposel 17:26

­Itosep ka pula keniye ka itodong udo eia ka oglou dong iye gute kene vala. E eknikane osep ka pula keniye ka tidong ke omur ka pula keniye urok eia ka oglou dong iye gute tonari. Oglou ari kodong Ida Tapolngon rere osep ka pula keniye urok maglakngan e omur ka isak kensak kensak tidong ine.

Pas ka Pol sogoe uti la ke osep Rom ina 15:19

E Ida Tapolngon Ano Itau lua ngong blang deka ngadue elio arit ina ka nisngen ke osep. E langane. Oglou nganogrum ke armok Jerusalem e nganapapra Krais ila omon itau ke osep. E ngalila ngala ke omur omur la lama ngaiding ke omur Ilirikum.

Pas ka Pol sogoe uti la ke osep Rom ina 16:25

Ma itakakai Ida Tapolngon angaine tito la egim. Kesua iye tona karanga due aitno lite ila dagar kis dagar ke Ida Tapolngon ila omon itau ka la ke Yesus Krais ka nganapapra ine. Oglou ari osep tile omur ke Ida Tapolngon ila omon itau kovok. E eknikane iteile ine kesua Ida Tapolngon lua ite ine.

Pas ka Pol sogoe uti la ke osep Rom ina 16:26

Eknikane Ida Tapolngon ka ila poloungon kovok ila omon itau dong kap ite e iteile ine. Iteile ine kesua osep napaprangan ina tisogo ine deka urok sogongon tonari dong ke ite. Ida Tapolngon due aitno lisak deka tisogo ine ma osep ka pula keniye ka tidong ke omur ka pula keniye talsak klingen ine e aitno lisak karanga la dagar ine.

Pas ka Pol sogoe uti la ke osep Rom ina 5:6

Oglou elio epmes ina kading itosep. E ari iteile ke ekreng itau gesa ka karanga lua ite ma itomole udo elio epmes ina kovok. Ari Ida Tapolngon didi aitno e pagei Yesus me polou ke ite ma ina metengen kli udo elio epmes ina.

1 Korin 9:17

Langka ngadidi aitno lungong e ngadue bokongon ane ma ngadue klingen ine. E Ida Puda kar bokongon ane ke ngong ma ngadue.

Galesia 4:4

E alo ka Ida Tapolngon rere iye pagei Otno Arang me. Apmang divir iye e iye polou gute e dong moli ke Moses ila sogongon.

Efesus 1:10

Oglou Ida Tapolngon rere oklou ka lesen ma wan ka pula keniye ma polou yagos. Deka mase ma iye due polou yagos. E ma iye tona due Krais ma plau ila duengen ka pula keniye. Ma iye plau wan bitna bitna keniye ka dong ke omur ka egim e ma iye plau wan bitna bitna keniye ka dong ke taklak blang.

Efesus 2:17

E langane. Alo ka Krais me polou ke ite iye napapra Ida Tapolngon ila omon itau e iye napapra ke elio ka aitno lite epen pulu. Iye due langane ke osep Yuda ina ka tidong olwo boto ke iye. E ke osep ka isak osep Yuda ina kovok ka tidong mawa ke iye blang.

Filipai 1:13

Osep ola ina ka tiplau Sisar ila ninu e osep pula leklou tile ngadong ke kalabus ane batne ngadue Krais ila bokongon.

Kolosi 1:23

E ma umevri dagar ke aitno lumu ila dagar. Lama wan gesa nak umu e umosongon elio ka umapara ke wan itau lokono. Umonogrum umapara ke wan itau lokono alo ka umoklingen omon itau. Osep tinapapra omon itau ke osep ka pula keniye ka tidong ke taklak e ngong Pol ngapolou omon itau tonari ina gute bokongon ina blang.

Kolosi 1:6

E Ida Tapolngon ila omon itau kes lila la ke omur pula ke taklak e omon tonari due osep ka aitno lisak dagar ine aitno lisak itau e urok elio isuk isuk tipolou itau. Elio ane eriar langka elio ka polou ke umu alo ka aling kene ina umoklingen omon ke Ida Tapolngon ila makaingan e umeile omur ine.

1 Tesalonaika 2:4

E Ida Tapolngon tok imi deka aitno itau ke imi e iye kar imi bokongon ka imanapapra omon itau ke umu. E aitno limi langka imanapapra omon itau ma imodue osep ma aitno lisak itau ke imi kovok. Aurou. Ida Tapolngon wade aitno limi e imawaiki ma aitno itau ke limem bokongon vala.

1 Timoti 1:1

Ngong Pol ka Krais Yesus rere ngong ila aposel gesa. Ida Tapolngon lua ite ke udo elio epmes ina e itapara ke Krais Yesus ma itavati iye e itodong kap iye.

1 Timoti 1:11

Pelengon lokono tonari Ida Tapolngon ila omon itau ka iye kare ke ngong ma nganapapra ine. Omon itau tonari me ke Ida Tapolngon ka ila elio keniye itau itau. Deka omon tonari itau itau blang.

1 Timoti 2:3

Pmingen ka langane itau lokono ke Ida Tapolngon ka iye Ida Luangan blang bitna e aitno itau ine.

1 Timoti 4:10

Ida Tapolngon dong vala dong e iye waiki lua osep ka pula keniye e dau iye karanga lua osep ka aitno lisak dagar ke iye vala. Aitno lite dagar lokono ke iye e itapara ma iye due elio itau ke ite. Deka aling aling ma itoboko engil ke ila bokongon.

2 Timoti 4:17

Alo ari Ida Puda dong kap ngong e kar ila arit ke ngong. E nganapapra Ida Tapolngon ila omon itau ke osep ka pula keniye ka isak osep Yuda ina kovok. E osep tiwaiki timluk ngong ma ngamete e Ida Puda lua ngong ine.

Taitus 2:10

E tipanako wan ke osep ka tiplau isak kovok. E tidue elio itau e tididi osep ka tiplau isak urok pelengon vala. Langka tidue langane ma osep aitno lisak itau ke Ida Tapolngon ka iye Ida Luangan blang ila pelengon.

Taitus 2:13

E aitno lite dagar ke Ida Tapolngon e itapara ke oklou ka ite ma itavati iye e itapara ke Ida Luangan Krais Yesus ka iye itau lokono. Ma iye polou malak lokono deka itavati iye kap ila bublongon e ila arit.

Pelengon kukwopngon 14:16

Ensel wai langane deka gute ka dong ke gaup uri ila elil ke taklak ka pula keniye e blou wan anino ka nobolbol ke taklak.