Taitus 1:10 - Aria New Testament

¹⁰ Emrere osep ka tiplau sios kene kene ke aidunu Krit itau. Kesua Ida Tapolngon ila osep pula ke omur ari urok aiding langka tipul ila pelengon. Tiwai pelengon bitna bitna ka adai e tiyakyak osep ine. Osep leklou tonari urok osua osep Yuda ina. E tiwaiki osep tididi inarak apu langka elio ulangngan ina.

Taitus 1:10 ပူးပေါင်းရင်းမြစ်များ

Aposel 11:2

Ari Pita tito la ke Jerusalem deka osep leklou ka tididi inarak apu ka ulangngan ina tiluk iye langane.

Aposel 15:1

Ari osep leklou ka tidong ke omur Judia time ke Antiok e tiparere osep ka aitno lisak dagar ke Yesus langane. “Langka umedidi elio ulangngan ina ka oglou Moses kare ke imi osep Yuda ina kovok Ida Tapolngon karanga lua umu ke lumu elio epmes ina kovok.”

Aposel 15:24

­Imeklingen sipmi leklou tikar pelengon ke umu ka didi aitno lisak vala e aitno lumu kro ine. Imi ane imapalongo urok langane kovok. Aurou. Tididi aitno lisak vala.

Aposel 20:29

Ngaile ma ngala deka ma osep leklou ka isak osep soulu bitna ma time e tiyak umu. Tiyak umu ma tidue pogle ke umu eriar langka gemle kevena tipupru sipsip deka tingen isak.

Galesia 2:4

Osep leklou ka isak sudo yakngan ina time tisep ke limem duningen e tidong langka esim. Ma tivati wansua ka Krais due ke ite alo ka iye lua ite ke udo elio epmes ina e iye pi ite ma itodong moli ke Moses ila sogongon kovok. Osep tonari tiwaiki tidue ite ma itodong ke kalabus ke Moses ila songongon.

Galesia 3:1

Umu osep Galesia ina umu manga manga. Imenis Yesus Krais ke umu kodong. Deka umavati langka iye mana ke ina akai e mete ke osep amtarsak. Deka sei nak aitno lumu?

Efesus 4:14

Deka ite ka aitno lite dagar langane ma itodong langka agau sondia ka aitno lisak ila dagar dau polou dagar kovok? Aurou. E langka osep soulu bitna tiwaiki urok pelengon yakngan pagolgol aitno lite ma itedidie ma urok pelengon bure vala. Ma aitno lite segesege ke pelengon yakngan langka sip ka misuon ina boitini bakulkule kovok. Ma aitno lite dong dagar vala.

1 Timoti 1:4

Ma tisongon elio ka tibasik ke osep ngongle urok pelengon bitna bitna. E tisongon elio ka tibasik ke urok seia angainsak. Pelengon langane ma pagolgol osep aitno lisak vala e due isak ma tituk orsak pulu ine. Ma elio tonari karanga lua isak ma aitno lisak dagar ke Ida Tapolngon e ma tile iye kovok.

1 Timoti 1:6

E osep leklou tisongon elio tonari e eknikane tidong manga manga isak ke pelengon yakngan bitna bitna vala.

1 Timoti 1:9

Bokongon ka Moses ila sogongon due langka lua osep ka tidue elio itau kovok. Aurou. Ane ma lua osep ka tipul dogur ke Moses ila sogongon e tididi elio ka aitno lisak vri ke isak vala. E lua osep ka tipul dogur ke Ida Tapol-ngon e tidue elio epmes ina. E lua osep ka tididi Ida Tapolngon ila pelengon kovok e tididi ilengen ka taklak ina vala. Moses ila sogongon langka wai dagar ke osep ka timluk sipmarak e titnarak ma timete e osep ka tipagam osep.

2 Timoti 3:13

E osep soulu bitna e osep yakngan ina ma urok elio soulu res polou omba. E tiyak osep leklou e Satan yak isak.

2 Timoti 4:4

E ma tipul dogur ke pelengon lokono e aitno lisak la ke basikngen bitna bitna ka adai.

Taitus 1:6

Emrere osep ka langane. Gute ka iye due elio itau vala ma osep tikaranga tisin elio soulu vri ke iye kovok. E langka iye gi deka ila asap kene vala e langka gute tonari titno tidong deka aitno lisak dagar ke Yesus blang. E titno tididi elio isuk isuk ka soulu ke Ida Tapolngon bitna kovok e tituk sipmarak e titnarak urok pelengon kovok. Kesua langka tidue langane e osep tivati urok elio soulu are itau kovok.

Jems 1:26

Osep leklou tiwai langane. “Ngadidi Ida Tapolngon aitno itau lokono e ngadue elio isuk isuk ka itau.” E dau langka iye plau ila pelengon ka iye wai ine kovok iye yak iye tona ke elio ka iye wai iye didi Ida Tapolngon. Deka elio ka iye wai iye didi Ida Tapolngon aitno iye elio adai vala.

1 Jon 2:18

Dirgu ngawai ke umu langane. Isuk boto wan ka pula keniye ina yagosngon ma polou. Umoklingen kodong Krais ina oul kene ina ma polou e oku ane osep pula ka isak Krais ina oul tipolou kodong. Elio ane langka nisngen ke wan ka pula keniye isuk boto yagos.

1 Jon 2:4

Langka gute gesa wai langane. “Ngaile iye.” E dau iye ini ila pelengon dagar kovok iye gute yakngan ina e pelengon ka lokono dong ke iye kovok.

1 Jon 4:1

Sipmi. Ngong lana ngong ke umu e ngawai ke umu langane. Osep napaprangan yakngan ina tidong ke taklak. E langka gute gesa wai ke umu langane. “Ngawai ke Ano Itau ila pelengon.” Deka umawade ila pelengon ma umeile omur langka ila pelengon ka iye wai batne ke Ida Tapolngon koke aurou.

Pelengon kukwopngon 2:14

“E lou pelengon kene ka uti ke umu langane. Osep leklou ke umu ka tidong ke Pergamum tikis dagar ke gute Balam ila elio. Balam ila elio langane. Ke oglou iye nis gute Balak ke elio ka iye yak osep Israel ina pula ma tigene ke elio epmes ina. Deka Balak due osep Israel ina tingen ongwa ka tidue elio opmu ina ke tapolngon yakngan ine e tidue elio okwa blang.

Pelengon kukwopngon 2:6

E dau lumu elio kene ka itau langane. Aitno lumu engil ke gute Nikolas ila osua urok elio. E ngong blang aitno lungong engil ke urok elio.”