Pas ka Pol sogoe uti la ke osep Rom ina 9:5 - Aria New Testament

⁵ Osep Israel ina tiduru ke urok seia ka angainsak omba urok osua. E Krais ila osua ka didi itosep dong ke osep Israel ina. Krais tona Ida Tapolngon lokono e plau wan ka pula keniye. Ma itakakai angaine tito la egim lokono dong vala dong. Lokono.

Pas ka Pol sogoe uti la ke osep Rom ina 9:5 ပူးပေါင်းရင်းမြစ်များ

Matyu 28:20

E umaparere isak ma tini wan ka pula keniye ka ngawai dagar ke umu ine. E ma ngadong kap umu e ngalua umu aling aling la lama taklak ane yagos.”

Matyu 6:13

Omlua imi ma imoulou ke tokngon e ma elio soulu due imi kovok.’” “Kesua wom tona emvri mgo ke wan ka pula keniye. E lem arit e lem bublongon dong vala dong. Lokono.”

Luk 20:44

Devit sir iye ‘Ngau Puda’ deka ina lange iye karanga dong Devit otno arang?”

Jon 10:30

Ngong e Livou imi eriar vala.”

Aposel 20:28

Eknikane umu ka Ano Itau rere umu Ida Tapolngon ila osep inarak plaungan umaplau umu itau. Umekere Ida Tapolngon ila osep itau lokono. Kesua Otno Arang ina marau kli inarak elio epmes ina.

Aposel 3:13

“Ida Tapolngon ka Abra-ham Ina Tapolngon e Aisak Ina Tapolngon e Jekop Ina Tapolngon e udo seia Inarak Tapolngon iye tona due elio arit ina ane. Elio arit ina ane kakai gute Yesus ka Ida Tapolngon ila gute bokongon ina angaine. Oglou umodue agegeng ke iye e umesin elio pula vri ke iye e umepli iye ke Pailat bitna. Pailat klingen lumu sinngen elio deka mgo aitno mter Yesus ila elio vri ke iye kovok deka waiki songon Yesus la.

Pas ka Pol sogoe uti la ke osep Rom ina 1:25

Tipli Ida Tapolngon ila pelengon ka lokono e tipalele ila pelengon ke pelengon yakngan vala. Deka tilotuim wan bitna bitna ka Ida Tapolngon due e tiwaiki wan bitna bitna tonari inarak puda. Aitno lisak langane e Ida Tapolngon waiki aitno lisak langane kovok. Iye waiki osep ka pula keniye tikakai angaine vala. E aitno itau itau dong vala dong. Lokono.

Pas ka Pol sogoe uti la ke osep Rom ina 1:3

Omon tonari lana ine la ke Ida Tapolngon Otno Arang Yesus. Iye tona gute Devit ka oglou vri mgo ke osep Israel ina ila napakngan.

Pas ka Pol sogoe uti la ke osep Rom ina 10:12

Pelengon ane la ke osep Yuda ina e ke osep ka isak osep Yuda ina kovok blang. Kesua osep keniye tonari Inarak Puda kene ka kere osep keniye itau ka tiwai itau ke iye.

Pas ka Pol sogoe uti la ke osep Rom ina 11:28

Osep Israel ina tipul dogur ke Ida Tapolngon ila omon itau deka tidong langka Ida Tapolngon ina oul. Deka elio tonari lua umu ka osep Yuda ina kovok. E silang blang langane. Ke oglou kodong Ida Tapolngon rere isak ila osep e aitno itau lokono ke isak. E aitno la ke urok seia deka iye due langane.

1 Korin 14:16

Deka langka umawai tokples gesa ka osep tile ine kovok e umawai ke Ida Tapolngon langka aitno lumu itau ke wan gesa. E langka gute gesa dong e iye ile tokples ka umawai ine kovok lange ma iye ile langka umawai aitno lumu itau ke Ida Tapolngon ke wan gesa e iye karanga wai lokono ke lem pelengon? Kesua iye ile ke pelengon ka umawai ine kovok.

2 Korin 11:31

Ngawai lokono e Ida Tapolngon ile ngawai pelengon yakngan kovok. Ma itakakai Ida Tapolngon ka Ida Puda Yesus Timla angaine tito la egim dong vala dong.

1 Timoti 3:16

E iteile langane. Ida Tapolngon ila pelengon langka wan ka omba lokono. Ida Tapolngon nis ite ine langane. Krais polou langka itosep e osep pula tivati iye. E Ano Itau nis ine langane. Ila elio keniye itau lokono e ensel tivati iye. Osep kla tipalongo ila ke osep pula ke omur omur. Deka osep ka taklak ina aitno lisak la dagar ke iye. E Ida Tapolngon due bauluk tito la ke omur Heven e iye dong kap Ida Tapolngon.

1 Timoti 6:15

Iye ma polou alo ka Ida Tapolngon rere. Kesua ila elio keniye itau me e iye kene vala plau wan ka pula keniye. Iye mole osep ka pula keniye ka tivri mgo ke omur omur e iye Ida Puda ka plau wan ka pula keniye.

2 Timoti 2:8

Aitno lugom mter itau ke Yesus Krais. Iye gute Devit ila napakngan gesa e iye mete deka poga tito ke ina denga. Ane omon itau ka nganapapra osep ine.

Hibru 7:24

E Yesus dong udo gute loulou ina dong vala dong. Iye mete e gute silang kasip amune kovok. Aurou. Iye dong vala dong.

1 Jon 5:20

Iteile Ida Tapolngon Otno Arang duru me ke taklak e kar ilengen ke ite ma itakaranga iteile Ida Tapolngon ka lokono. E itodong kap iye ka lokono e itodong kap Otno Arang Yesus Krais. Ida Tapolngon iye tona Tapolngon ka lokono e itodue mosongon ka dong vala dong batne ke iye.

Pelengon kukwopngon 1:18

E ngong gute ka mosongon itau batne. Ke oglou ngamete e eknikane ngadong vala ngadong. E lou arit dong e ngaplau osep ka timete kodong e ngaplau omur ka osep ansak tidong ine.

Pelengon kukwopngon 22:16

“Ngong Yesus e ngapagei lou ensel ke wom ma ampalongo pelengon ane ke sios ke armok kene kene. Ngong tona gute Devit ila napakngan gesa e silang blang ngong langka gigimo marupo.”

Pelengon kukwopngon 22:20

Gute ka palongo ke elio bitna bitna ka polou wai langane. “Ngawai lokono langane. Isuk boto ma ngame.” E ngong Jon ngawai langane. “Lokono. Ida Puda Yesus omo.”

Pelengon kukwopngon 5:14

Deka wan apanal ka tidong langka ansak dong lisak tiwai langane. “Lokono.” E osep namor-mor tigrum kamsak e tilotuim Ida Tapolngon e Sipsip Otno.