Pas ka Pol sogoe uti la ke osep Rom ina 9:4 - Aria New Testament

⁴ Ida Tapolngon rere osep Israel ina ila osep e tivati ila bublongon ka bublo omba. Iye wai promis dagar ke isak e ma iye tona didie. Iye kar isak Moses ila sogongon. Iye kar isak sogongon tonari e iye waiki tididie e ma aitno lisak la ke iye.

Pas ka Pol sogoe uti la ke osep Rom ina 9:4 ပူးပေါင်းရင်းမြစ်များ

Matyu 21:33

“Umoklingen e ma ngawai pelengon ano silang ke umu. Gute kene usak ila yage galou wain ina e uri ari lelei yage e yas ovuk ma wan ka por galou wain toru ine dong ine e iye uri ninu ka dong egim ma osep tidong ine e tiplau yage. E iye due osep leklou ma tidong tiboko ke yage ma tidue galou wain toru ine leklou. Deka iye la ke langan ke omur mawa.

Jon 1:17

Oglou Moses sogo Ida Tapolngon ila pelengon dagar e kare ke ite e oku ane Yesus Krais kar Ida Tapolngon ila makaingan e ila pelengon ka lokono ke ite.

Jon 1:47

Alo ka Yesus vati Nataniel me olwo boto iye wai langane. “Gute ane gute Israel ina lokono e elio yakngan dong ke iye kovok.”

Aposel 2:39

Oglou Ida Tapolngon wai dagar ma iye pagei Ano Itau ke umu e wai Ano Itau karanga ke umu ka pula keniye e titopmu ka pula keniye e karanga ke osep ka pula keniye ka tidong ke omur ka pula keniye. E karanga ke osep keniye ka Ida Puda ka Ida Tapolngon mter aitno lisak ine.”

Pas ka Pol sogoe uti la ke osep Rom ina 3:2

Umoklingen. Osep Yuda ina urok elio leklou mole osep ka pula keniye urok elio leklou. Elio kene ina langane. Oglou ari Ida Tapolngon kar ila pelengon ke osep Yuda ina ma tiplaue itau.

Pas ka Pol sogoe uti la ke osep Rom ina 8:15

Ida Tapolngon tuktuk Ano Itau ke ite kente kente ma lua ite. E Ano Itau dangdang ite ke elio ka itoulou tarna lite ke wan bitna bitna e ma elio tonari plau ite blang kovok. Ida Tapolngon tuktuk Ano Itau ke ite ma itopolou titno vala. Deka Ano Itau due ite ka titno aitno lite e itawai ke Ida Tapolngon langane. “Abo. Livou.”

Pas ka Pol sogoe uti la ke osep Rom ina 9:6

Gute Israel ila napakngan isak keniye Ida Tapolngon ila osep kovok. Lama langane Ida Tapolngon ila pelengon dagar ka la ke isak dau dong lokono.

2 Korin 11:22

Tiwai pelengon Hibru i? Ngong blang ngawai pelengon Hibru. Isak osep Israel ina i? Ngong blang gute Israel ina. Isak Abraham ila napakngan i? Ngong blang Abraham ila napakngan gesa.

Galesia 3:16

Oglou Ida Tapolngon wai ke wan itau ka mase ma polou. Ida Tapolngon kar promis dagar tonari ke Abraham orwo otno. Ida Tapolngon ila pelengon wai ke Abraham titno pula kovok. Aurou. Iye wai ke otno kene vala. Otno tonari Krais.

Efesus 2:12

Alo ari umu dau umeneklep ke Krais kovok. E ari umodong ke osep Israel ina urok osua kovok e umeneklep ke osep Israel ina kovok. Ari Ida Tapolngon ila kontrak ka iye wai promis ka la ke osep Israel ina ine me ke umu kovok. Umu tona umodong adai vala e umeile Ida Tapolngon kovok. E umapara ke wan gesa ka itau ka mase ma polou kovok.

Hibru 9:1

Moses ila sogongon iye Ida Tapolngon ila kontrak oglou ina e wai ke elio bitna bitna ka osep tidue alo ka tilotuim Ida Tapolngon. E wai ke ninu ka osep tilotuim Ida Tapolngon ine blang.

Hibru 9:10

E wan tonari la ke ngangon ka itakaranga itangen e ke aki ka itakaranga iteinim e ke elio bitna bitna ka osep tidue ma tidong itau e eip ke Ida Tapolngon bitna. Isak wan ke tarna lite vala e dong la lama iding ke wan oku polou.

Hibru 9:3

E molo ka botom lokono mana airavu ke eliang kene ina e eliang orwo ina. E tisir eliang orwo ina ka dong dogur ke molo tonari Eliang Ka Itau Lokono.

Hibru 9:5

E ke karoro tonari tona tisapi ensel orwo e pena lisak klou karoro. Ensel tonari nisngen Ida Tapolngon dong ke omur tonari. E omur tonari omur ka Ida Tapolngon klok osep urok elio epmes ina. E dau eknikane itakaranga itawai pula ke wan tonari kovok.

Hibru 9:6

Osep tidue wan keniye tonari yagos e ke oklou kene kene osep loulou ina tisep ke eliang kene ina ka Eliang Ka Itau ke ninu molo ina e tidue urok bokongon ka Ida Tapolngon kare ke isak.