Pas ka Pol sogoe uti la ke osep Rom ina 9:30 - Aria New Testament

³⁰ E aitno lite lange ke elio tonari? Kesua oglou ari osep ka isak osep Yuda ina kovok tikrim ekreng ma tipolou itau e osuk ke Ida Tapolngon bitna kovok. Lama langane Ida Tapolngon due isak tipolou itau e osuk ke bitna kesua aitno lisak dagar ke iye.

Pas ka Pol sogoe uti la ke osep Rom ina 9:30 ပူးပေါင်းရင်းမြစ်များ

Pas ka Pol sogoe uti la ke osep Rom ina 10:10

Kesua langka aitno lite la dagar ke Ida Luangan Yesus Ida Tapolngon ma due ite itopolou itau e osuk ke bitna. Deka itapalongo osep ke Ida Luangan Yesus e Ida Tapolngon lua ite ke udo elio epmes ina.

Pas ka Pol sogoe uti la ke osep Rom ina 10:20

Aisaia palongo osep Israel ina ke Ida Tapolngon ila pelengon ka wai langane. “Osep leklou ka tikrim ke ngong kovok isak tipado ngong kodong. E osep leklou ka tipmi isak pulu ke ngong kovok ngapolou ke isak kodong.”

Pas ka Pol sogoe uti la ke osep Rom ina 10:6

E Ida Tapolngon ila pelengon wai itopolou itau e osuk ke bitna kesua aitno lite ila dagar la dagar ke iye. Deka lange? Ma itawai ke aitno lite langane kovok. “Sei ma tito ke omur heven e due Krais duru polou ke ite?”

Pas ka Pol sogoe uti la ke osep Rom ina 3:5

Osep leklou tididi aitno lisak e tiyakyak langane. “Elio soulu ka itodue nis osep pula ke Ida Tapolngon ila elio keniye itau lokono. E langka Ida Tapolngon waiki kot ite ine ma iye due elio soulu kesua udo elio soulu lua iye.” Pelengon ka ngawai ine ane langka itosep udo pelengon vala. Osep ka tiwai langane tiwai lokono kovok e tididi aitno lisak vala.

Pas ka Pol sogoe uti la ke osep Rom ina 4:11

Oglou Abraham aitno dagar lokono ke Ida Tapolngon kodong deka lokono Ida Tapolngon due polou itau e osuk ke bitna. Iye polou itau e osuk ke bitna e mase Ida Tapolngon kar iye elio ulangngan ina. E elio ulangngan ina nisngen gesa ka nis osep Ida Tapolngon aitno itau ke Abraham. Aitno itau ke iye kesua oglou Abraham aitno la dagar ke iye. E eknikane osep ka pula keniye ka aitno lisak dagar ke Ida Tapolngon e tipolou itau e osuk ke bitna pmarak Abraham. Iye pmarak lama oglou tididi elio ulangngan ina kovok.

Pas ka Pol sogoe uti la ke osep Rom ina 4:13

Oglou ari Ida Tapolngon wai promis ke Abraham ma omur ka pula keniye polou ina omur. Iye wai ila promis la ke Abraham gosok ila napakngan blang. Aitno lumu lange? Ida Tapolngon wai ila promis ke Abraham kesua Abraham didi Moses ila sogongon koke aurou? Aurou. Ida Tapolngon wai ila promis ke Abraham kesua Abraham aitno dagar ke iye vala. E ari Ida Tapolngon due polou itau e osuk ke bitna.

Pas ka Pol sogoe uti la ke osep Rom ina 4:22

Alo ari Ida Tapolngon ile omur Abraham aitno dagar lokono ke iye. Deka iye due Abraham polou itau e osuk ke bitna kesua batne Abraham aitno dagar ke iye.

Pas ka Pol sogoe uti la ke osep Rom ina 4:9

Aitno lumu lange? Pelengon ka Devit wai ine la ke osep ka tididi elio ulangngan ina vala koke la ke osep leklou blang? Aitno lumu lange? Ma Ida Tapolngon lua osep ka tididi elio ulangngan ina vala koke ma iye lua osep leklou ka tididi elio ulangngan ina kovok? Devit ila pelengon la ke osep ka pula keniye ka aitno lisak dagar ke Ida Tapolngon lama tididi elio ulangngan ina kovok. Iye wai langane. “Abraham aitno dagar ke Ida Tapolngon deka Ida Tapolngon due polou itau e osuk ke bitna.”

Pas ka Pol sogoe uti la ke osep Rom ina 5:1

Eknikane itopolou itau e osuk ke Ida Tapolngon bitna kodong kesua batne aitno lite ila dagar la ke Ida Puda Yesus Krais mgo. Deka iye lua ite e due Ida Tapolngon aitno epen ke ite batne ke iye.

Pas ka Pol sogoe uti la ke osep Rom ina 9:14

Ida Tapolngon due elio langane e aitno lite lange ine? Ma itawai Ida Tapolngon due elio soulu ine koke aurou? Aurou. Ma itawai langane kovok.

Pas ka Pol sogoe uti la ke osep Rom ina 9:31

E osep Israel ina ka tiwaiki tididi elio ka due isak tipolou itau e osuk ke Ida Tapolngon bitna tibure.

Galesia 2:16

Iteile Ida Tapolngon aitno mter ke gute ka didi Moses ila sogongon e ke batne langane iye sir iye gute itau kovok. Aurou. Gute ka aitno dagar ke Krais Yesus vala Ida Tapolngon sir iye gute itau. Ite blang aitno lite dagar ke Krais Yesus kesua iteile ekreng ane ekreng kene vala ma Ida Tapolngon sir ite osep itau. E ke ekreng ka itedidi Moses ila sogongon kovok. Kesua gute gesa karanga didi Moses ila sogongon e Ida Tapolngon sir iye gute itau kovok. Aurou.

Galesia 3:24

Moses ila sogongon dong langka plaungan ka plau ite la lama Krais polou. Ma aitno lite dagar ke Krais deka itodong itau ke Ida Tapolngon bitna.

Galesia 3:8

Ke oglou lokono Ida Tapolngon ile langane. Mase osep ka isak osep Yuda ina kovok ma aitno lisak la dagar ke omon itau. Deka elio langane polou e iye due isak ma tipolou itau lokono ke bitna. Oglou iye palongo Abraham ke omon itau e Ida Tapolngon ila pelengon wai langane. “Mase ma ngakere osep ka pula keniye itau batne ke wom.”

Galesia 5:5

Ke Ano Itau ila arit aitno lite dagar ke Ida Tapolngon e itapara ma iye sir ite osep itau.

Efesus 2:12

Alo ari umu dau umeneklep ke Krais kovok. E ari umodong ke osep Israel ina urok osua kovok e umeneklep ke osep Israel ina kovok. Ari Ida Tapolngon ila kontrak ka iye wai promis ka la ke osep Israel ina ine me ke umu kovok. Umu tona umodong adai vala e umeile Ida Tapolngon kovok. E umapara ke wan gesa ka itau ka mase ma polou kovok.

Filipai 3:9

Ngadong kap Krais e ngadong itau e osuk ke Ida Tapolngon bitna batne ke elio ka ngadidi Moses ila sogongon kovok. Aurou. Eknikane ngadong itau e osuk batne aitno lungong la dagar ke Krais. Elio ka Ida Tapolngon due ngong ngadong itau ke bitna batne aitno lungong la dagar ke Krais.

1 Timoti 6:11

Deka Timoti wom ka Ida Tapolngon ila gute ompul dogur ke elio soulu bitna bitna e ma omulou ine vala. E omboko engil ma omdue elio itau e omdue Ida Tapolngon ila bokongon e aitno lugom dagar lokono ke Krais. E wom lana wom itau lokono ke osep leklou e omdong dagar ke elio bitna bitna ka opru wom e omdue mada ke osep pula.

Hibru 11:7

Noa aitno dagar ke Ida Tapol-ngon e Ida Tapolngon palongo iye ke wan ka mase ma polou ka iye ile ine kovok. Ida Tapolngon wai deka Noa due anit ke iye e uri sip ombatno ma iye kap ila osua tidong itau ine. Noa aitno dagar deka ila elio tonari nis osep ka tidong ke taklak urok elio soulu. E Noa polou itau e osuk ke Ida Tapolngon bitna langka osep leklou ka aitno lisak dagar ke iye.

1 Pita 4:3

Ke oglou kodong umodue elio epmes ina bitna bitna ka osep epmes ina tidue. Ari umodue elio epmes ina e elio ulik ulik ka pampamu lumu waiki umodue. Umeinim aki dagar ma omtomu balilu e umodue rogo ka umodue elio okwa ine. E umodue rogo omba ka umeinim aki dagar e umodue elio soulu ine. E aitno lumu la ke sapingen bitna bitna ka Ida Tapolngon aitno soulu lokono ke isak.