Pas ka Pol sogoe uti la ke osep Rom ina 9:23 - Aria New Testament23 Iye dong dau tauni ine kesua batne ke osep leklou ka iye waiki aitno due isak. Iye waiki osep tonari tidong itau ke ila bublongon ka itau lokono. Kesua oglou ari kodong iye rere osep tonari ma tidong itau ke ila bublongon. အခန်းကိုကြည့်ပါ။ |
Ida Tapolngon dong para ke umu e iye waiki due mada ke umu. Dau tauni kodong iye dong e makai umu e lokono koli lumu elio soulu kovok. Aurou. Iye dong para ke umu vala. Kesua iye waiki aitno lumu mter ila makaingan ma umabauluk aitno lumu ke lumu elio epmes ina. Lama dau tauni iye makai umu kodong aitno lumu mter ila makaingan langka wan adai vala e umodue elio soulu vala.
E angain ngong omba kovok. Aurou. Ida Tapolngon ila osep keniye angainsak timole angain ngong. Lama langane Ida Tapolngon kere ngong ke ila makaingan. E ngapaur Ida Tapolngon ila omon itau ke umu ka osep Yuda ina kovok. Omon tonari palongo udo ke wan keniye ka itau lokono ka Krais kare ke ite e itakaranga iteile aikovoli ine kovok.
Ida Tapolngon didi aitno e nis ila osep ke pelengon ka oglou dong kukwop ma tile omur ine. Pelengon tonari itau lokono e karanga lua osep ka pula keniye. Pelengon ka kukwop langane. Krais dong kap umu e ma umapara ke iye ma iye me kum umu e umala umodong kap iye ma umodue wan ka pula keniye ka omur heven ina.