Pas ka Pol sogoe uti la ke osep Rom ina 8:9 - Aria New Testament

⁹ E langka umu io elio oglou ina pagei pampamu lumu kovok. Kesua Ida Tapolngon Ano Itau ka dong ke aitno lumu plau umu vala. E osep ka Krais Ano Itau dong ke aitno lisak kovok isak Krais ila osep kovok.

Pas ka Pol sogoe uti la ke osep Rom ina 8:9 ပူးပေါင်းရင်းမြစ်များ

Luk 11:13

Umu osep ka umodue elio soulu e dau umakar wan itau ke otopmu. Deka Pmomu ka dong ke omur heven ma mole lumu elio tonari e kar Ano Itau ke osep ka tipmi iye ine.”

Jon 14:17

Luangan tonari Ida Tapolngon Ano Itau ka wai pelengon lokono vala. E osep taklak ina tikaranga tidue kovok kesua tivati iye kovok e tile iye kovok. E umeile iye kesua iye dong kap umu e ma iye dong ke aitno lumu blang.”

Jon 14:23

E Yesus koli wai ke iye langane. “Langka gute lana iye ke ngong ma iye ini lou pelengon e ma Livou lana iye ke gute tonari e ma imorwo imeme ke iye e ma imodong kap iye.

Jon 3:34

Kesua gute ka Ida Tapolngon pagei me napapra ila pelengon e Ida Tapolngon due Ano Itau ila arit bon ke iye.

Jon 3:6

Alo ka titnada tidivir ite tidivir pampamu lite vala e alo ka Ano Itau due ite itopolou oku iye due ante tipolou oku.

Aposel 16:7

Isak kla tipolou ke omur Misia ina olung ma tisep ke provins Bitinia e tisepe kovok kesua Yesus Ano Itau dangdang isak ine.

Pas ka Pol sogoe uti la ke osep Rom ina 7:5

Oglou elio oglou ina pagei pampamu lite e itodue elio epmes ina bitna bitna vala. Alo ari iteile ke Moses ila sogongon kodong. Iteile ila sogongon dangdang ite ke elio epmes ina bitna bitna. Iteile omur ke sogongon tonari e aitno lite dau dagar ke udo elio soulu bitna bitna. E itodue elio epmes ina pula. E udo elio isuk isuk ka pula keniye soulu ma itemete ine.

Pas ka Pol sogoe uti la ke osep Rom ina 8:1

E eknikane Ida Tapolngon aitno engil ke itosep ka iteneklep ke Krais Yesus kodong kovok. Aurou. Aitno epen ke ite vala e ma iye mulu ite kovok.

Pas ka Pol sogoe uti la ke osep Rom ina 8:11

Oglou Yesus mete deka ari Ida Tapolngon due poga tito ke ina denga. E umu ka Ano Itau dong ke aitno lumu ma Ida Tapolngon due umu umopoga umetito ke upu denga. Ma iye due elio ke umu langka oglou iye due ke Yesus. E ma iye due pampamu lumu tipoga titito ke inarak denga.

Pas ka Pol sogoe uti la ke osep Rom ina 8:2

Eknikane Ida Tapolngon Ano Itau plau ite kesua iteneklep ke Krais Yesus kodong. Iye plau ite e elio epmes ina e metengen karanga kis ite ma tiplau ite blang kovok.

1 Korin 15:23

Deka langane. Ite ka pula keniye ma itopoga itetito ke ida denga alo ka Ida Tapolngon rere ke ite ma iye due langane. Mgongon iye due Krais poga tito ke ina denga e mase alo ka iye iding me ite ka pula keniye ka ila osep ma itopoga itetito ke ida denga.

1 Korin 3:16

Umeile umu Ida Tapolngon ila ninu e Ano Itau dong ke aitno lumu kovok? Aurou. Umeile ine.

1 Korin 6:17

E langka gute gesa neklep ke Ida Puda ano ma iye polou langka kene vala kap Krais.

1 Korin 6:19

Lange? Umeile langane kovok? Pampamu lumu Ida Tapolngon Ano Itau ila ninu. Ida Tapolngon kar Ano Itau ke umu e iye dong ke aitno lumu. E pampamu lumu umu tona lumu wan kovok.

2 Korin 10:7

Umawade elio bitna bitna ka umavati. Langka gute gesa aitno mter iye Krais ila gute ma aitno mter langane blang. Imi Krais ila osep eriar langka iye Krais ila gute.

2 Korin 6:16

Koke Ida Tapolngon ila ninu e sapingen tikaranga tidong pulu? Kesua ite keniye langka Ida Tapolngon ila ninu. Ila pelengon wai langane. “Ma ngadong kap isak e ngalila kap isak. E ma ngadong Inarak Tapolngon e ma tidong lou osep.”

Galesia 4:6

Eknikane umodong Ida Tapolngon titno. E Ida Tapolngon pagei Otno Arang Ano Itau me dong ke aitno lite deka Ano Itau due ite ma itegi langane. “Abo. Livou.”

Galesia 5:24

Osep ka tidong ke Krais ila osua tidue aitno lisak oglou ina kap elio soulu ka pampamu lisak waiki due e tinilim isak nepek mana ke Ida Puda ina akai e timete kodong.

Efesus 1:13

E umu blang alo ka umo-klingen Ida Tapolngon ila pelengon lokono ka omon itau aitno lumu la dagar ine. Deka Ida Tapolngon lua umu ke lumu elio epmes ina e umeneklep ke Krais. Deka iye tuk Ano Itau me dong ke aitno lumu. Are eriar langka nisngen umu ila osep umu langka oglou iye wai dagar ine.

Efesus 2:22

E umeneklep ke Krais kodong. Deka umogosok Yesus ila osep keniye umopolou Ida Tapolngon ila ninu ka itau. E Ida Tapolngon Ano Itau dong ine.

Efesus 3:17

Ngapmi Ida Tapolngon ma Krais dong vala dong ke aitno lumu. Ngapmi Ida Tapolngon ma aitno lumu ila dagar dong dagar ke iye. Ngapmi Ida Tapolngon ma iye lua umu ma umeile omur iye lana iye omba ke umu. Deka umu langka akai ka vri ke taklak e gigitno kis dagar ke taklak.

Filipai 1:19

Aitno lungong neser kesua ngaile lumu pmingen itau e Yesus Krais Ano ila luangan ma lua ngong ma ngasongon kalabus ane.

2 Timoti 1:14

Ida Tapolngon rere wom ma amnapapra ila omon itau ke osep deka wom amplau omon tonari itau. Ano Itau ka dong ke aitno lite ma lua wom ine blang.

1 Pita 1:11

Ari Krais Ano Itau due aitno lisak deka nis isak ke elio ka mase Krais namani agegeng ka polou ke iye. Ano Itau nis osep napaprangan ina ke elio tonari deka tiwaiki tile omur lesen ma elio tonari polou lokono e elio itau lokono lange ma polou.

1 Jon 3:24

Osep ka pula keniye ka tini ke ila pelengon tidong kap iye e iye dong ke aitno lisak. E iye kar Ano Itau ke ite ma iteile omur iye dong ke aitno lite.

1 Jon 4:13

Ida Tapolngon kar Ano Itau ke ite kodong e ke batne langane iteile itodong kap iye e iye dong kap ite.

1 Jon 4:4

Lou mimi daudeng. Umu Ida Tapolngon ila osep e umomole osep napaprangan yakngan ina kodong. Kesua Ano Itau ka dong ke aitno lumu mole ano ka dong ke osep ka taklak ina.

Pelengon kukwopngon 13:8

Osep ka pula keniye ka tidong ke taklak tilotuim ongwa kevena tonari. E oglou oglou ari alo ka Ida Tapolngon dau due taklak kovok iye sogo osep angainsak ke Sipsip Otno ka timter iye ma iye mete ila buk ka mosongon ina. E osep ka tilotuim ongwa kevena angainsak tidong ke buk tonari kovok.

Pelengon kukwopngon 20:15

Deka osep ka angainsak dong ke buk ka mosongon ina tonari kovok tiuri isak kla ke eiou ombatno blang.