Pas ka Pol sogoe uti la ke osep Rom ina 8:4 - Aria New Testament

⁴ Yesus polou itosep ka pula keniye Ida Kasipngen e kli udo elio epmes ina. Iye kli ite ma itedidi udo elio oglou ina kovok e ma Ano Itau plau ite itau. Ma itodong itau e osuk ke bitna eriar langka osep ka tidar Moses ila sogongon aling kene gesa kovok.

Pas ka Pol sogoe uti la ke osep Rom ina 8:4 ပူးပေါင်းရင်းမြစ်များ

Luk 1:6

Isak orwo tidong itau e osuk ke Ida Tapolngon bitna e tididi Moses ila sogongon lokono e tididi wan ka Ida Puda wai ine e wan gesa vri ke isak kovok.

Pas ka Pol sogoe uti la ke osep Rom ina 2:26

Si-lang blang langane. Langka osep ka isak osep Yuda ina kovok tididi elio ulangngan ina kovok e dau tididi Moses ila sogongon itau ma Ida Tapolngon aitno itau ke isak koke aurou? Ma aitno itau ke isak langka oglou tididi elio ulangngan ina lokono.

Pas ka Pol sogoe uti la ke osep Rom ina 3:31

Aitno lumu lange? Ida Tapolngon due ite itopolou itau e osuk ke bitna deka Moses ila sogongon yagos koke aurou? Aurou. Ma yagos kovok. Kesua alo ka aitno lite dagar ke Yesus deka itakaranga itedidi Moses ila sogongon tonari itau.

2 Korin 10:2

E ngawai ke umu ma umaplau umu itau lama alo ka ngapolou ke umu ngawai dagar lokono ke umu. Eriar langka ngawai dagar lokono ke osep ka aitno lisak mter imedidi elio isuk isuk ka taklak ane ina.

2 Korin 10:3

Lokono. Imodong ke taklak ane e dau imodue evlei langka osep taklak ina tidue kovok.

Galesia 5:16

Lou pelengon langane. Umedidi Ano Itau ila plaungan ma iye plau umu ke lumu mosongon. Langka umodue langane ma umedidi aitno lumu oglou ina kovok.

Kolosi 1:22

Deka Krais mete e mana ke ina akai kodong. Ke elio langane Ida Tapolngon due umu umodong aitno lumu epen pulu kap iye. Iye due langane ma lumu elio soulu gesa vri ke umu kovok e umodong itau lokono ke bitna.

Hibru 12:23

E umopolou ke duningen ka ila osep aitno lisak neser ine. Osep tonari tidong langka Ida Tapolngon ina sirngen sirngen e angainsak dong ke Ida Tapolngon ila buk ka dong ke omur heven. E umopolou ke Ida Tapolngon ka wade osep ka pula keniye urok elio isuk isuk. E umopolou ke osep ka Ida Tapolngon due isak tipolou itau e osuk ke iye bitna kodong ansak.

1 Jon 3:2

Lou saten. Ngong lana ngong ke umu e ngawai ke umu langane. Oku ane ite Ida Tapolngon titno. E iteile mase ma itodong langka wansua kovok e dau iteile langane. Alo ka Krais me polou ma itodong eriar langka iye kesua ma itavati iye malak deka ma iteile omur ke iye.

Pas ka Jut sogoe 1:24

Ida Tapolngon karanga plau umu itau e lua umu ma umegene ke elio epmes ina kovok. E iye karanga due umu umala ke ila omur ka itau itau lokono e elio gesa vri ke umu kovok. Deka aitno lumu neser omba.

Pelengon kukwopngon 14:5

Tiyakyak kovok e tidong itau deka elio gesa vri ke isak kovok.