Pas ka Pol sogoe uti la ke osep Rom ina 8:39 - Aria New Testament

³⁹ Omur ka egim koke omur ka moli tikaranga tidangdang Ida Tapolngon ma iye lana iye ke ite kovok. Wan kene gesa dong ke omur ka pula keniye ka karanga dangdang Ida Tapolngon ma iye lana iye ke ite kovok. Aurou. Iye lana iye ke ite vala kesua batne ke Ida Puda Krais Yesus dong.

Pas ka Pol sogoe uti la ke osep Rom ina 8:39 ပူးပေါင်းရင်းမြစ်များ

Matyu 24:24

Kesua osep yakngan ina ma tipolou ka tisir isak Krais koke tisir isak osep napaprangan ina. E ma tidue elio arit ina ka omba ma osep tididi isak ke elio soulu. E tiwaiki titok osep ka Ida Tapolngon rere isak ila osep blang.

Jon 16:27

Kesua Livou lana iye ke umu batne umu lana umu ke ngong e aitno lumu dagar ke elio ka ngame ke Livou.

Jon 17:26

Ngapalongo urok ke wom kodong e ma ngapalongo urok ke wom blang ma elio ka wom lana wom ke ngong dong ke isak e ngadong kap isak blang.”

Jon 3:16

“Ida Tapolngon lana iye ke osep ka pula keniye ka tidong ke taklak deka iye pagei Otno Arang ka kene vala ke osep. Ma osep seisei ka aitno lisak la dagar ke iye timete kovok. Aurou. Ma tidue urok mosongon ka dong vala dong.

Pas ka Pol sogoe uti la ke osep Rom ina 1:7

­Eknikane ngasogo pas ane uti la ke umu osep Rom ina ka Ida Tapolngon rere umu ila osep. Ngawaiki Ida Tapolngon ka Pmada e Ida Puda Yesus Krais urok makaingan dong kap umu e tidue aitno lumu epen.

Pas ka Pol sogoe uti la ke osep Rom ina 11:33

Umoklingen. Ida Tapolngon due elio itau lokono ke osep ka pula keniye. E ila ilengen omba lokono e iye ile omur ke elio keniye. Itosep itakaranga iteile ke Ida Tapolngon ila ilengen kovok. Itakaranga iteile ke ila elio keniye batne kovok.

Pas ka Pol sogoe uti la ke osep Rom ina 5:8

Yesus ulou ke ina metengen ka kasip amunte kovok. Aurou. Iye mete vala. Oglou ari itosep ka pula keniye ite osep epmes ina e itodue elio epmes ina vala. E ari Ida Tapolngon pagei Yesus me polou ke ite ma kasip amunte. E Yesus kasip amunte e mete batne ke udo elio epmes ina. Kesua Ida Tapolngon lana iye ke itosep ka pula keniye.

Pas ka Pol sogoe uti la ke osep Rom ina 6:23

E osep ka tidue elio epmes ina bitna bitna ma timete ine. Kesua elio epmes ina ina klingen metengen. E ite ka Ida Tapolngon klok udo elio epmes ina kodong iye kar ite mosongon ka itau ka dong vala dong. Iye lua ite batne ke Ida Puda Yesus Krais dong e itokoli batne la ine kovok.

Pas ka Pol sogoe uti la ke osep Rom ina 8:1

E eknikane Ida Tapolngon aitno engil ke itosep ka iteneklep ke Krais Yesus kodong kovok. Aurou. Aitno epen ke ite vala e ma iye mulu ite kovok.

Pas ka Pol sogoe uti la ke osep Rom ina 8:35

Krais lana iye omba lokono ke osep ka ila osep. E sei dong ka karanga dangdang elio ka iye lana iye ke ite? Aurou. Gute kene gesa e elio kene gesa dong ka karanga dangdang elio ka iye lana iye ke ite kovok. Langka elio soulu e elio ka opru tipolou ke ite ma tikaranga tidangdang elio ka iye lana iye ke ite kovok. Langka agegeng e sapanga ombatno polou ke ite ma tibure blang. Langka udo klos kovok ma Yesus dau lana iye ke ite. Langka elio soulu polou ke ite ka itoulou tarna lite ine ma Yesus dau lana iye ke ite. Langka evlei polou ke ite ma Yesus dau lana iye ke ite blang.

2 Korin 11:3

Oglou mota ka ila aiding yakngan yak Eva e Eva didi iye. E aitno lungong kro lokono lama osep leklou tiyak umu e aitno lumu ila dagar segesege e dong dagar ke Krais kovok.

2 Korin 2:11

Ngadue langane lama Satan karanga yak ite e mole ite. Kesua iteile omur ke Satan aitno e ke ila elio bitna bitna ka iye waiki due.

Efesus 1:4

Oglou oglou ari alo ka Ida Tapolngon dau tapol taklak ka pula keniye kovok iye rere ite ka ila osep kodong ma iteneklep ke Krais. Iye rere ite ma itodong itau lokono e ma elio kene gesa vri lite kovok.

Filipai 3:12

Ida Tapolngon waiki ito-polou itau lokono. E ngapolou langane dau kovok. Aurou. E ngong arit ngong ma ngadue prais eriar langka Krais Yesus due ngong ngapolou ila gute.

Filipai 3:3

Ite vala Ida Tapolngon titno lokono e itolotuim Ida Tapolngon batne ke Ano Itau ka iye kar iye ke ite. Aitno lite neser kesua iteneklep ke Krais Yesus. E aitno lite mter ke elio bitna bitna ka itakaranga itodue kovok. Aurou.

Filipai 3:8

E silang blang langane. Aitno lungong mter wan ka pula keniye ka oglou ngadue isak yagos la kodong. E elio ka ngaile Krais Yesus iye Ngau Puda are wan ka omba e mole wan ka pula keniye. Deka aitno lungong mter elio ka oglou ngadue isak wan adai e langka tokonkon. Kesua ngawaiki ma ngadong kap Krais.

2 Tesalonaika 2:4

Ma iye wai soulu ke wan ka pula keniye ka osep aitno lisak la ine e tisir isak langka inarak tapolngon. Ma iye wai iye omba e isak wan adai vala. E iye ma la ke Ida Tapolngon ila ninu e dong ine e wai langane. “Ngong tona Upu Tapolngon.”

1 Jon 4:16

Deka iteile Ida Tapolngon lana iye ke ite e aitno lite dong dagar ine. Aling aling Ida Tapolngon lana iye ke osep. E osep ka isak lana isak ke osep leklou tidong kap Ida Tapolngon e iye dong kap isak.

1 Jon 4:19

Ite lana ite ke osep leklou batne Ida Tapolngon lana iye ke ite mgo.

Pelengon kukwopngon 12:9

Deka Maikel isak tisapir mota isak ke omur heven. E mota ina sirngen orwo. Sirngen kene Satan e sirngen silang Gute Ka Sin Elio Vri Ke Osep. Iye yak osep ka pula keniye e due isak tidue elio epmes ina. Maikel kap ila ensel tiuri mota kap ila angelo soulu tiduru ke taklak.

Pelengon kukwopngon 13:14

Ida Tapolngon songon iye ma iye due elio arit ina bitna bitna ke ongwa kevena kene ina bitna. Ke elio langane iye yak osep ka pula keniye ka tidong ke taklak. E iye wai ke osep langane. “Umodue sapingen ke ongwa kevena kene ina ka oglou timter iye ke elil omba e eknikane iye dong. Ma umodue anit ke iye.”

Pelengon kukwopngon 19:20

Tidue evlei deka gute tonari kap ila osep ola ina tikis ongwa kevena kene ina kap ila gute napaprangan yakngan ina. Gute napaprangan yakngan ina tonari iye gute ka due elio arit ina pula ke ongwa kevena kene ina bitna. E ke elio ane iye yak osep ka pula keniye ka tidue nisngen ke ongwa kevena kene ina e ka tilotuim ila sapingen. Isak orwo dau tidong e timete kovok deka tidue isak e tiuri isak kla ke eiou ombatno ka engil lokono ka opmu salfa ka eiou ngene dong ine blang.

Pelengon kukwopngon 2:24

“Deka eknikane ngawai ke umu leklou ke sios ke Taiataira langane. Umedidi apmang are ila pelengon kovok. E umeile ke parerengen ka tisire Satan ila pelengon ka kukwop kovok. Deka ma ngadue elio silang ka opru umu kovok.

Pelengon kukwopngon 20:3

E ensel uri iye la ke ovuk ka duru moli lokono deka iye diva ekreng bitna ke ovuk tonari e poue dagar. Ma mota tonari karanga polou e yak osep ka tidong ke taklak ka pula keniye blang kovok la lama iding ke tobor 1,000 mela yagos. Tobor 1,000 mela yagos deka tisongon iye ma iye lila sasi boto vala.

Pelengon kukwopngon 20:7

Alo ka tobor 1,000 tonari mela yagos tiklok ekreng bitna ke ovuk tonari e tisongon Satan la.