Pas ka Pol sogoe uti la ke osep Rom ina 8:36 - Aria New Testament

³⁶ Oglou ari gute Devit sogo Ida Tapolngon ila pelengon palma ka wai langane. “Oklou aling aling osep tiwaiki tidue burwa ke ite kesua batne ite lem osep. Tivati ite eriar langka sipsip ka tiwaiki timter isak deka timete.”

Pas ka Pol sogoe uti la ke osep Rom ina 8:36 ပူးပေါင်းရင်းမြစ်များ

Jon 16:2

Mase osep ma tisapir umu ke urok duningen ina ninu e ma tidue burwa ke umu. E gute ka due burwa ke umu ma aitno mter iye due Ida Tapolngon ila bokongon.

Aposel 20:24

Lama elio soulu bitna bitna tipolou ke ngong aitno lungong mter ke ngong kovok. Aurou. Aitno lungong dagar ma ngadue bokongon ka Ida Puda Yesus kare ke ngong e ngawaiki ngaboko ine vala. Iye kar bokongon ke ngong ma nganapapra ila omon itau ka didi Ida Tapolngon ila makaingan.”

Aposel 8:32

Pelengon tonari ka iye ritim langane. “Osep tidue elio ke iye eriar langka tipaur sipsip ka tiwaiki timke ma mete. E eriar langka alo ka osep tiblou sipsip titno tarna elilo e sipsip tonari tiwai kovok iye wai kovok blang.

1 Korin 15:30

E ina lange ke imi? Langka osep ka timete kodong tipoga titito ke inarak denga kovok ina lange imi dau imodue limem bokongon e imosongone kovok? Kesua osep pula tiwaiki tidue agegeng ke imi batne ke limem bokongon. E aitno limi dagar ke limem bokongon.

1 Korin 15:31

Sipmi. Aitno lungong langka oklou aling aling osep tiwaiki tidue burwa ke ngong batne ke lou bokongon. Ite ka pula keniye itodong ke Ida Puda Yesus ila osua deka aitno lungong neser omba ke umu. E ngabisi pelengon ane ke umu kovok.

1 Korin 4:9

E imodong langane kovok. Aitno lungong langka Ida Tapolngon due imi osep aposel imodong ke batne lokono e imodong langka osep ka kot wai kodong langka imi ma imemete. Ma osep timluk imi ma imemete ke osep pula e ensel blang amtarsak.

2 Korin 1:9

E lokono imanamani langka imi osep ka kot wai ma timete ke urok elio soulu. Elio ane polou ma aitno limi mter ke limem arit kovok. Aurou. Ma aitno limi mter ke Ida Tapolngon ka due osep tipoga titito ke inarak denga.

2 Korin 11:23

Tiwai langka isak Krais ila osep bokongon ina i? Ma ngawai langka gute ka kaka. Ngong Krais ila gute bokongon ina e ngamole isak. Ngaboko engil lokono e aling pula osep tidue ngong ngasep ke kalabus e aling pula osep timluk ngong omba e aling pula isuk boto ngamete.

2 Korin 6:9

Osep leklou aitno lisak mter angainmi omba kovok e dau osep pula tile ke imi. Osep leklou tivati imi langka isuk boto imemete e dau imodong. Osep tidue agegeng ke imi e dau imemete ine kovok.

Filipai 3:10

Ngong lana lungong langane. Ma ngadong kap Krais e ngadue Ida Tapolngon ila arit ka due Krais poga tito ke ina denga. E nganamani elio ka opru ngong langka Krais namani elio ka opru iye. E ngawaiki aitno lungong oglou ina mete langka iye mete.