Pas ka Pol sogoe uti la ke osep Rom ina 8:30 - Aria New Testament

³⁰ Ida Tapolngon rere ite ila osep e wai langane. “Osep ka ngarere umu kodong umu lou osep.” Iye wai ke ite langane kodong e due ite itopolou itau e osuk ke bitna. Deka osep ka tipolou itau e osuk ke bitna iye kakai isak.

Pas ka Pol sogoe uti la ke osep Rom ina 8:30 ပူးပေါင်းရင်းမြစ်များ

Jon 17:22

Lou elio itau lokono e lou arit ka omba ka amkare ke ngong ngakare ke isak ma aitno lisak karanga dong kene pulu eriar langka aitno lite dong kene pulu.

Jon 17:24

“Livou ngawaiki osep ka amkar isak ke ngong ma tidong kap ngong ke omur ka ngadong ine. Ma tivati lou elio itau lokono e lou arit ka omba ka amkare ke ngong. Kesua wom lana wom ke ngong mgo ke alo ka amtapol wan ka pula keniye ke taklak.

Jon 5:24

“Ngawai lokono ke umu langane. Gute sei ka klingen lou pelengon e aitno la dagar ke Ida Tapolngon ka pagei ngong ngame iye due mosongon ka dong vala dong e Ida Tapolngon ma wade iye kovok. Aurou. Iye mole metengen kodong e due mosongon ka dong vala dong.

Pas ka Pol sogoe uti la ke osep Rom ina 1:6

E umu blang Ida Tapolngon rere umu Yesus Krais ila osep kodong.

Pas ka Pol sogoe uti la ke osep Rom ina 11:29

Langka Ida Tapolngon rere isak ila osep e kar kerengen ke isak ma iye palele aitno kovok. Kesua ila pelengon karanga segesege kovok.

Pas ka Pol sogoe uti la ke osep Rom ina 8:1

E eknikane Ida Tapolngon aitno engil ke itosep ka iteneklep ke Krais Yesus kodong kovok. Aurou. Aitno epen ke ite vala e ma iye mulu ite kovok.

Pas ka Pol sogoe uti la ke osep Rom ina 8:21

Alo ka Ida Tapolngon ma due ila duengen tipolou itau lokono blang e ma isak tikaranga tipolou okus blang kovok. Aurou. Ma tidong itau vala. Deka alo ari alo ka elio ane polou ma iye due ite ka titno ite ma itodong itau lokono kap iye ke omur heven.

Pas ka Pol sogoe uti la ke osep Rom ina 8:28

E iteile omur ine langane. Ite ka ite lana ite ke Ida Tapolngon iye rere ite ila osep kodong. E elio keniye ka polou ke ite batne langane. Ida Tapolngon due isak tipolou ke ite ma tilua ite ma udo mosongon polou itau lokono e ma itodue wan ka iye rere ke ite.

1 Korin 1:2

Imosogo pas ane uti la ke umu ka Yesus ila osep ka umodong ke Korin. Ida Tapolngon rere umu ka umeneklep ke Krais Yesus ila osep ka itau lokono. Ida Tapolngon rere umu kap osep keniye ka aitno lisak la dagar ke Ida Puda Yesus Krais e ka tiwai itau ke iye ma umu ila osep ka itau lokono.

1 Korin 1:9

E langane. Ida Tapolngon rere ite ma iteneklep ke Otno Arang Yesus Krais ka Ida Puda. Deka iye due ite iteneklep ke iye. Kesua iye tona didi ila pelengon keniye deka due polou lokono.

1 Korin 2:7

Imanapapra pelengon itau e Ida Tapolngon ila ilengen itau ka oglou iye kukwope ke osep ke umu. Alo ka Ida Tapolngon dau tapol taklak kovok iye ile kodong e iye rere oklou ka ma iye due umu umodong kap iye ke omur heven.

1 Korin 6:11

Ke oglou umu leklou umodong langka osep tonari. E Ida Tapolngon ris umu kodong e rere umu ila osep lokono. Deka ke Ida Puda Yesus Krais angaine e ke Ida Tapolngon Ano Itau iye due umu umopolou itau e osuk ke bitna.

2 Korin 4:17

Imeile elio ka polou ka opru imi tidong isuk boto vala e isak wan gesa kovok. Elio tonari kere imi ma imodue mosongon ka itau lokono ka dong vala dong. E mosongon tonari mole wan ka pula keniye.

Galesia 1:15

Alo ka nina dau divir ngong kovok Ida Tapolngon rere ngong kodong e ke ila makaingan iye rere ngong ila gute bokongon ina.

Galesia 1:6

E oku ane ngadigrik lokono ke elio ka umodue. Krais ila bokongon lua umu e Ida Tapolngon due umu umopolou ila osep ine. Deka tauni kovok umosongon iye e umedidi omon silang ka umesire omon itau.

Galesia 5:8

Elio tonari me ke Ida Tapolngon kovok. Iye Ida Tapolngon ka gi umu ma umopolou ila osep.

Efesus 1:11

Ida Tapolngon didi aitno ke elio bitna bitna keniye ka iye waiki tipolou. Deka iye due isak keniye tipolou. Oglou iye tona didi aitno e rere imi osep Yuda ina ka imeneklep ke Krais ma imi ila osep imi.

Efesus 1:5

Oglou ari kodong Ida Tapolngon lana iye ke ite e rere ite titno ite kesua batne iye ile ma Yesus Krais lua ite. Deka iye tona didi aitno e rere ite titno ite.

Efesus 2:6

Iteneklep ke Krais Yesus kodong. Deka eriar langka Ida Tapolngon due Krais Yesus poga tito e dong blang iye blang due ite itopoga itetito e itodong blang. Iye due langane ke ite e ma itodong kap Yesus ke omur heven.

Efesus 3:11

Oglou oglou ari alo ka Ida Tapolngon dau due wan bitna bitna keniye kovok iye rere elio keniye ka mase ma tipolou. Deka alo ka Ida Puda Krais Yesus me duru ke taklak elio ka oglou oglou ari Ida Tapolngon aitno mter ine tipolou lokono.

Efesus 4:4

Yesus ila osep keniye isak eriar langka Krais pampamu ine ka kene vala. E Ida Tapolngon Ano Itau ka dong ke aitno lite iye kene vala. Deka Ida Tapolngon wai ke ite ke wan kene vala ka itapara ine.

Kolosi 3:4

Krais iye lumu mosongon itau batne e mase alo ka iye polou malak ke osep amtarsak umu blang ma umodong kap iye ke ila bublongon.

1 Tesalonaika 2:12

Ma umodue elio itau ka Ida Tapolngon aitno itau ine. Iye rere umu ila osep e waiki umodong ke omur ka iye plaue e umavati ila arit e ila bublongon ka omba e umodong ine.

2 Timoti 2:11

Ida Tapolngon ila pelengon ane lokono. Langka itemete kap Krais mase ma itodong kap iye blang.

Hibru 9:15

Krais loulou ke ite deka iye due Ida Tapolngon ila kontrak oku ina polou kesua Ida Tapolngon waiki osep ka iye rere isak ila osep tidue wan ka iye wai dagar ma tidue e wan tonari dong vala dong. Yesus ina marau e ina metengen kli urok elio epmes ina bitna bitna ka tidue alo ka oglou tididi Moses ila sogongon.

1 Pita 2:9

E Ida Tapolngon rere umu ma umodong ila osep. E Ida Tapolngon ka vri mgo ke ite e plau ite rere umu ila osep loulou ina. E iye rere umu ila osua ka itau itau lokono. Iye rere umu ila osep kesua iye waiki umanapapra osep pula ke ila elio itau ka iye due. Iye gi umu ma umosongon lumu elio epmes ina e umesep ke ila bublongon ka itau lokono. Ila bublongon tonari itau itau lokono.

1 Pita 3:9

Alo ka osep tidue elio soulu ke umu deka umokoli urok elio soulu kovok. E alo ka osep tiwaiki tiluk umu umokoli e umeiluk isak blang kovok. Umawai itau ke Ida Tapolngon ma iye kere isak vala. Kesua alo ka Ida Tapolngon rere umu ila osep iye wai ma iye kar umu ila kerengen.

1 Pita 5:10

Ida Tapolngon iye makaingan batne e iye gi umu ke Krais angaine ma umodong kap iye ke ila bublongon ka dong vala dong. Lama oku ane umanamani agegeng mase ma agegeng yagos e Ida Tapolngon ma due umu umodong itau blang. E iye due aitno lumu ila dagar dong dagar lokono e due umu ma umevri dagar.

2 Pita 1:10

Sipmi. Ida Tapolngon gi umu e rere umu ila osep kodong. Deka umu arit umu ma umodue elio isuk isuk ka itau ma umeile omur Ida Tapolngon rere umu ila osep umu. Langka umodue langane ma umopul dogur ke iye kovok.

Pelengon kukwopngon 17:14

E ma tidue evlei ke Sipsip Otno deka Sipsip Otno kap ila osep ma timole isak. Timole isak kesua Sipsip Otno iye Ida Puda ka mole puda ka pula keniye e iye gute ka vri mgo ke omur ka mole osep ka pula keniye ka tivri mgo ke omur omur. E osep ka tididi iye isak osep ka Ida Tapolngon gi isak e rere isak ma aitno lisak dong dagar ke iye.

Pelengon kukwopngon 19:9

Deka ensel wai ke ngong langane. “Omsogo pelengon ane. ‘Osep ka Ida Tapolngon wai ke isak ma time ke Sipsip Otno ila gingen ina rogo aitno lisak itau itau ine.’” Deka iye wai ke ngong blang langane. “Pelengon ane Ida Tapolngon ila pelengon ka lokono.”