Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Pas ka Pol sogoe uti la ke osep Rom ina 8:25 - Aria New Testament

25 E eknikane itapara ke alo ka Ida Tapolngon due pampamu lite tipolou itau. Itodong itapara ine e aitno lite kro ine kovok.

အခန်းကိုကြည့်ပါ။ ကော်ပီ




Pas ka Pol sogoe uti la ke osep Rom ina 8:25
26 ပူးပေါင်းရင်းမြစ်များ  

E langka umodong dagar ke aitno lumu ila dagar ma umodue lumu mosongon ka dong vala dong.”


E londo ka tiduru timunu ke taklak itau isak langka osep ka tiklingen omon itau e tikise dagar. E aitno lisak mter osuk e itau e tivri dagar e anino itau.”


Umapara ke Ida Puda ma iye lua umu ke wan bitna bitna e ma aitno lumu itau lokono ine. E langka elio soulu polou ke umu ma umevri dagar ine. E aling aling ma umawai itau ke Ida Tapolngon.


E osep ka tidong dagar ke elio itau tiwaiki ma Ida Tapolngon kar isak urok mosongon ka itau lokono ka dong vala dong. Tiwaiki ma tidong kap iye e ma iye kakai angainsak. E ma Ida Tapolngon due osep urok mosongon itau lokono dong vala dong.


E ite ka titno lokono aitno lite kro ine blang. Aitno lite kro ine kesua itapara ke alo ka itodong kap Ida Tapolngon. Iye kar Ano Itau ke ite kodong e itapara ke alo ka iye due pampamu lite tipolou itau lokono.


E imorwo imawai itau langane. Alo ka umanamani ke elio ka opru umu imawaiki Ida Tapolngon ila arit omba ka itau lokono lua umu ma umevri dagar ine. E ma aitno lumu dong epen e ma umodong umapara ke alo ka elio ka opru umu polou yagos. E ma aitno lumu itau e aitno lumu neser ine.


Aitno limi langane. Imawai itau ke Ida Tapolngon ka Pmada kesua aitno lumu ila dagar sruk aitno lumu deka umodue elio itau. E umu lana umu ke osep ka pula keniye deka umoboko dagar ma umolua osep. E umapara ke Ida Puda Yesus Krais ma iye iding me.


Imawaiki ma Ida Puda lua umu ma umeile langane. Ma umeile omur ke elio ka Ida Tapolngon lana iye ke osep ka pula keniye. E umeile ke elio ka Krais vri dagar alo ka osep tidue elio soulu ke iye. E ma umakaranga umevri dagar ke elio langane blang.


Ma umodong dagar e umedidi Ida Tapolngon aitno ke wan bitna bitna ka iye waiki umodue. Umodue langane deka Ida Tapolngon ma kar umu wan bitna bitna ka iye wai dagar ine kodong.


E imawaiki umodue ropo ke lumu bokongon kovok. Imawaiki umakana osep ka aitno lisak ila dagar dong dagar e tipara ke wan itau. Kesua imawaiki umodue wan ka Ida Tapolngon wai dagar ma iye kare ke osep.


E Abraham dong para e kerker kovok e ile mase ma iye due wan ka Ida Tapolngon wai promis ine.


Ngong Jon e ngong ngagosok umu itodong ke Yesus ila osua. Agegeng ka polou ke umu polou ke ngong blang kesua ngadong langka umu e itodong dagar ke elio ka opru ite. Nganapapra Ida Tapolngon ila pelengon e ngawai pelengon lokono ka la ke Yesus. Deka osep tisapir ngong e tidue ngong ngadong ke aidunu ka angaine Patmos.


Langka Ida Tapolngon rere gute gesa ma iye la ke kalabus deka ma iye la ke kalabus e langka iye rere gute gesa ma osep tiblou iye ke elil omba deka ma tiblou iye ke elil omba. Alo ka elio tonari polou Ida Tapolngon ila osep ma tidong dagar e tikis dagar ke aitno lisak ila dagar.


Alo ka elio ane polou Ida Tapolngon waiki ila osep tidong dagar ine. E tini Ida Tapolngon ila pelengon dagar e aitno lisak la dagar ke Yesus e tididi iye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ