Pas ka Pol sogoe uti la ke osep Rom ina 8:2 - Aria New Testament

² Eknikane Ida Tapolngon Ano Itau plau ite kesua iteneklep ke Krais Yesus kodong. Iye plau ite e elio epmes ina e metengen karanga kis ite ma tiplau ite blang kovok.

Pas ka Pol sogoe uti la ke osep Rom ina 8:2 ပူးပေါင်းရင်းမြစ်များ

Jon 4:10

E Yesus koli wai langane. “Langka emile presen ka Ida Tapolngon waiki kare ke wom e langka emile gute sei iye wai ke wom ma amkar iye aki deka amkaranga empmi iye e ma iye kar aki ka mosongon ina ke wom.”

Jon 4:14

E gute sei ka inim aki ka ngakare ke iye ma aki vel iye blang kovok. Aurou. Aki ka ngakare ke iye ma dong langka aki ina ovuk ka polou ke aitno ka kar iye mosongon ka dong vala dong.”

Jon 6:63

Ano Itau kar mosongon oku ke osep e pampamu lite karanga lua ite ke mosongon oku kovok. Lou pelengon ane ka ngawai ke umu due Ano Itau sep ke aitno lumu deka umodue mosongon ka dong vala dong.

Jon 8:32

E ma umeile pelengon lokono e pelengon lokono ma due umu umopolou fri.”

Jon 8:36

E langka Ida Tapolngon Otno Arang due umu umodong fri ma umodong fri lokono.

Pas ka Pol sogoe uti la ke osep Rom ina 16:3

Umawai “oklou itau” ke gute Akwila orwo esna Prisila. Isak orwo tiboko kap ngong ke Krais Yesus ila bokongon.

Pas ka Pol sogoe uti la ke osep Rom ina 3:27

Deka ite ka udo mosongon itau ite sei ma itakakai angainte ine? Aitno lumu lange? Ma itedidi Moses ila sogongon e itopolou itau e osuk ke Ida Tapolngon bitna? Aurou lokono. Eknikane itopolou itau e osuk ke Ida Tapolngon bitna kesua aitno lite la dagar ke Yesus kodong.

Pas ka Pol sogoe uti la ke osep Rom ina 5:21

Oglou elio epmes ina kading itosep e itosep keniye itemete ine. E eknikane Ida Tapolngon ila makaingan due ite e kading ite. E Ida Tapolngon due ite itopolou itau e osuk ke bitna. Deka udo mosongon ka itau lokono ina yagosngon kovok batne ke Ida Puda Yesus Krais dong.

Pas ka Pol sogoe uti la ke osep Rom ina 6:14

Umadangdang elio epmes ina ma iye dong upu puda kovok. Kesua eknikane umedidi elio langka Ida Tapolngon ila makaingan. E umedidi Moses ila sogongon kovok.

Pas ka Pol sogoe uti la ke osep Rom ina 6:18

Ngakakai Ida Tapolngon angaine tito kesua iye klok lumu elio epmes ina e elio epmes ina plau umu kovok. Deka eknikane elio itau vala plau umu.

Pas ka Pol sogoe uti la ke osep Rom ina 6:22

E eknikane elio epmes ina plau umu kovok. Aurou. Ida Tapolngon klok lumu elio epmes ina kodong deka iye plau umu. Deka umodue elio itau vala. E elio itau ka umodue lua umu ma umopolou osep ka tidong itau e osuk ke Ida Tapolngon bitna. Ma umodong kap Ida Tapolngon e umodue lumu mosongon ka dong vala dong.

Pas ka Pol sogoe uti la ke osep Rom ina 7:21

Ngadong langane. E nga-ile omur ke elio gesa ka dong ke pampamu lungong langane. Ngawaiki ngadue elio itau e ngadue elio soulu vala.

Pas ka Pol sogoe uti la ke osep Rom ina 7:23

Aitno lungong dagar ma ngadue elio itau vala e elio gesa dong ke pampamu lungong ka para pulu kap aitno lungong ma ngadue elio soulu vala. Deka aling pula elio tonari mole aitno lungong e ngadue elio soulu vala.

Pas ka Pol sogoe uti la ke osep Rom ina 7:4

Sipmi. Umoklingen lou pele-ngon. Umogosok Yesus umemete kodong. Deka Moses ila sogongon plau umu kovok. Kesua umeneklep ke Yesus ka oglou mete e Ida Tapolngon due poga tito ke ina denga. Deka iye Upu Puda e plau umu kesua iye waiki umodue Ida Tapolngon ila bokongon itau vala.

Pas ka Pol sogoe uti la ke osep Rom ina 8:1

E eknikane Ida Tapolngon aitno engil ke itosep ka iteneklep ke Krais Yesus kodong kovok. Aurou. Aitno epen ke ite vala e ma iye mulu ite kovok.

1 Korin 15:45

Ida Tapolngon ila pelengon wai langane. “Gute ka mgongon ina angaine Adam. Ida Tapolngon due polou deka iye dong.” E Ano Itau due gute Adam ka orwo ina ka me batne polou deka iye dong ma iye kar mosongon lokono ke ite.

2 Korin 3:17

Ida Puda ka imawai ine iye Ano Itau e Ida Puda Ano Itau due ite ma itodong fri.

2 Korin 3:6

Iye vala due imi imopolou ila osep bokongon ina ke kontrak oku. Kontrak oku iye wan ka tisogoe ke buk kovok. Aurou. Iye wan ka me ke Ano Itau. Kesua wan ka tisogoe ke buk paur metengen e wan ka me ke Ano Itau kar mosongon ka dong vala dong ke osep.

Galesia 2:19

E Moses ila sogongon paur ngong ke ekreng ka la ke metengen e Moses ila sogongon nis ngong ngadong langka gute ka mete kodong.

Galesia 5:1

Krais due ite itopolou osep ka itodong fri deka itodong moli ke Moses ila sogongon kovok. Aurou. Deka aling aling umevri dagar ine. Ma itosongon osep tidue ite ma itopolou wokboi nating blang kovok.

Galesia 6:2

E umolua supmu leklou ke elio ka polou ka opru ka isak. Langka umodue elio langane ma umeini e umedidi Krais ila elio.

Jems 1:25

E gute ka klingen Ida Tapolngon ila pelengon dagar ka itau lokono deka meit ine e bitna uli ine kovok ma Ida Tapolngon kere iye itau ke ila elio isuk isuk ka iye due. Kesua pelengon dagar tonari karanga due ite itodong fri.

Pelengon kukwopngon 11:11

E oklou epmes eklu emkil mela yagos deka Ida Tapolngon due isak orwo urok mosongon bauluk e dong ke isak blang. Deka titito tivri blang e osep aitno lisak nesik e tiulou tarna lisak ke isak.

Pelengon kukwopngon 22:1

Deka ensel tonari nis ngong ke aki ka suong e langka osep tinim aki tonari tidue mosongon itau ine. E aki tonari malak langka glas. Aki tonari polou ke kova ka Ida Tapolngon e Sipsip Otno tidong ine e suong la.