Pas ka Pol sogoe uti la ke osep Rom ina 8:17 - Aria New Testament

¹⁷ E ma Ida Tapolngon kere ite ka titno langka iye kere Krais. Ila kerengen ka la ke Krais kodong ma me ke ite ka titno blang. E silang blang langane. Langka oglou agegeng polou ke Krais agegeng ma polou ke ite blang. E silang blang langane. Eriar langka Ida Tapolngon kakai Yesus ma iye kakai ite kap iye blang.

Pas ka Pol sogoe uti la ke osep Rom ina 8:17 ပူးပေါင်းရင်းမြစ်များ

Matyu 16:24

Deka Yesus wai ke ila disaipel langane. “Langka gute waiki didi ngong ma iye pli tarna e didi ngong. Iye due langane e langka osep tidue elio soulu ke iye e iye mete are wan gesa kovok.

Matyu 25:21

Deka ina puda wai ke iye langane. ‘Wom wokboi nating ka itau e emdidi lou pelengon keniye. Omdue elio itau. Emdidi lou pelengon keniye ke wan daudeng e oku ane ngadue wom ommgo ke wan pula. Ngawaiki aitno lugom neser kap ngong.’

Luk 12:32

“Lumu osua sasi boto e ngawaiki umelim kovok. Kesua Pmomu aitno itau ke umu e rere umu ma umodong kap iye ke omur ka iye plaue.

Luk 24:26

Umeile langane kovok i? Gute ka Ida Tapolngon rere Krais ma iye lua osep ma namani elio soulu paide deka ma iye dong itau lokono kap Ida Tapolngon.”

Jon 17:24

“Livou ngawaiki osep ka amkar isak ke ngong ma tidong kap ngong ke omur ka ngadong ine. Ma tivati lou elio itau lokono e lou arit ka omba ka amkare ke ngong. Kesua wom lana wom ke ngong mgo ke alo ka amtapol wan ka pula keniye ke taklak.

Aposel 14:22

E tilua Yesus ila disaipel ke armok armok tonari ma aitno lisak dong dagar lokono ke iye. Tiwai ke isak langane. “Aitno lumu dong dagar lokono ke Yesus. Umopul dogur ke iye sakam. Ma agegeng polou ke umu mgo deka mase ma umodong ke omur ka Ida Tapolngon plaue.”

Aposel 20:32

“E eknikane ngawai ke umu langane. Ida Tapolngon kis umu dagar e kere umu itau. E ila pelengon ka didi ila makaingan karanga due umu umodong dagar lokono e ma iye lua umu ke ila kerengen langka iye lua osep keniye ka iye rere isak ila osep.

Aposel 26:18

Ngapagei wom ke isak ma lem pelengon due osep ari amtarsak pal ma tibauluk aitno lisak ke urok elio epmes ina e aitno lisak la ke elio itau. E ma tisongon Satan limla e tidong ke Upu Tapolngon limla vala. Ma aitno lisak la dagar ke ngong e ma ngasak urok elio epmes ina la e ma tidong kap osep ka Upu Tapolngon rere isak ila osep itau lokono kodong.’”

Pas ka Pol sogoe uti la ke osep Rom ina 5:17

Oglou ari Adam due elio epmes ina deka metengen duru ke osep ka pula keniye e due isak timete. E elio ka Yesus Krais lua ite ine mole elio ka oglou Adam due e duru dong ke ite. Deka osep ka Ida Tapolngon makai isak omba e due isak tipolou itau e osuk ke bitna kodong urok mosongon itau lokono. E osep ka tipolou itau e osuk ke Ida Tapolngon bitna kodong ma tidong itau kap Yesus blang.

Pas ka Pol sogoe uti la ke osep Rom ina 8:3

Oglou osep ka tididi Moses ila sogongon vala tipolou itau e osuk ke Ida Tapolngon bitna kovok. Kesua elio epmes ina dong ke pampamu lisak e tidar sogongon tonari vala. E Ida Tapolngon due ite itopolou itau e osuk ke bitna batne ke Otno Arang Yesus. Oglou Ida Tapolngon pagei Yesus ke itosep e ari iye dong langka itosep blang. E iye polou Ida Kasipngen ka kli itosep udo elio epmes ina.

1 Korin 2:9

Imawai ke pelengon ane ka Ida Tapolngon ila pelengon wai ine langane. “Wan ka oglou osep tivati kovok e tiklingen pelengon ine kovok e ka polou ke osep aitno lisak kovok isak wan itau lokono. Ida Tapolngon rere isak ke osep ka isak lana isak ke iye ma urok wan.”

2 Korin 1:5

Eriar langka osep tidue agegeng ke Krais e iye namani ine deka agegeng polou ke imi blang. E silang blang eriar langka Ida Tapolngon lua Krais ke agegeng ma iye lua imi ine blang.

2 Korin 1:7

E imawaiki umodong dagar ma umevri dagar. E ma imeile umevri dagar ke elio ka opru umu eriar langka imevri dagar ke elio ka opru imi e aitno lumu epen blang eriar langka aitno limi epen.

Galesia 3:29

E langka umodong ke Krais ila osua umodong langka Abraham titno blang. E ma umodue wan ka oglou Ida Tapolngon wai dagar ine ke Abraham deka iye kare ke Abraham.

Galesia 4:7

E eknikane itodong langka wokboi nating kovok. Aurou. Ida Tapolngon due ite itopolou titno. Itodong Ida Tapolngon titno deka iteile ma itodue Pmada ila wan ka pula keniye.

Efesus 3:6

Deka langane. Pelengon lokono ka Ida Tapolngon aitno mter ine e palongo osep ine kovok la ke Krais. Ida Tapolngon ila omon itau ka la ke Krais due osua ka isak osep Yuda ina kovok tineklep ke osua ka isak osep Yuda ina. Deka osua kene vala dong. E iye lua osua ka kene ke ila promis ka oglou iye wai promis ke osua ka isak osep Yuda ina ine. Ida Tapolngon wai promis kodong e Krais Yesus due promis tonari polou lokono.

Filipai 1:29

Ida Tapolngon due elio itau ke umu kodong e aitno lumu la dagar ine. E silang blang Ida Tapolngon songon umu ma umanamani elio ka opru umu batne ke Krais.

Filipai 3:10

Ngong lana lungong langane. Ma ngadong kap Krais e ngadue Ida Tapolngon ila arit ka due Krais poga tito ke ina denga. E nganamani elio ka opru ngong langka Krais namani elio ka opru iye. E ngawaiki aitno lungong oglou ina mete langka iye mete.

Kolosi 1:24

Eknikane aitno lungong itau lokono alo ka nganamani elio ka polou ka opru ngong ma ngalua umu. Elio opru tonari langka elio opru ka Krais namani ka ma lua sios ine e elio opru tonari dau yagos kovok. E ngawaiki ngalua Krais ila sios ka pampamu ine. E ke elio opru ka nganamani ke pampamu lungong ngawaiki ma ngalua sios blang.

Taitus 3:7

Ida Tapolngon makai ite e due ite itopolou itau lokono ke bitna. Ke elio langane iye rere ite ma itodong ke udo mosongon ka oku ina aling aling. E itodong itapara ke udo mosongon ka dong vala dong.

Hibru 1:14

E langane. Ida Tapolngon ila ensel isak ansak ka tidue ila bokongon. Iye pagei isak ma tilua osep ka Ida Tapolngon waiki lua isak ke urok elio epmes ina.

Hibru 1:2

E oku ane alo ka isuk boto wan ka pula keniye yagos iye wai ke ite ke Otno Arang. Ke Otno Arang tonari Ida Tapolngon due wan ka pula keniye e iye rere Otno Arang ma iye wan ka pula keniye inarak gute.

Hibru 6:17

Ida Tapolngon waiki ma Abraham ila napakngan tile omur ila pelengon dagar a segesege kovok. Deka iye wai promis e sir iye tona angaine.

Jems 2:5

Sipmi. Umoklingen lou pele-ngon ane. Ida Tapolngon rere osep ka urok wan isuk boto vala ke taklak ane ma aitno lisak ila dagar dong dagar lokono ke iye. E iye rere isak ma mase tidong ke omur ka iye plaue ka iye wai promis ine ke osep ka isak lana isak ke iye.

1 Pita 1:4

E itapara ke kerengen itau ka Ida Tapolngon due dong para ke ila osep. Kerengen tonari dong ke omur heven e karanga polou okus koke polou soulu koke polou yagos kovok. Aurou.

1 Pita 4:13

E aitno lumu neser alo ka umanamani agegeng eriar langka Krais namani agegeng. Ma alo ka Krais ila elio ka itau itau lokono polou malak ke osep amtarsak umu blang aitno lumu neser e aitno lumu itau kap iye.

Pelengon kukwopngon 21:7

Langka osep timole elio soulu ma ngakar wan bitna bitna tonari ke isak e ma ngadong Inarak Tapolngon deka ma tidong langka dirgu isak.”

Pelengon kukwopngon 3:21

“Ma ngasongon gute ka mole elio soulu ma iye dong kap ngong ke lou kova langka oglou ngamole elio soulu e ngadong kap livou ke ila kova.