Pas ka Pol sogoe uti la ke osep Rom ina 8:16 - Aria New Testament

¹⁶ Ite kente kente itesir Ida Tapolngon Livou kesua ite titno ite. E Ano Itau ka dong ke aitno lite kodong wai ke ite kente kente ine blang langane. “Wom Ida Tapolngon otno gesa.”

Pas ka Pol sogoe uti la ke osep Rom ina 8:16 ပူးပေါင်းရင်းမြစ်များ

Matyu 5:9

“Osep ka tidue osep leklou aitno lisak tipolou epen pulu aitno lisak itau itau kesua ma osep tisir isak Ida Tapolngon titno.

Luk 20:36

E tikaranga timete blang kovok kesua tidong langka Ida Tapolngon ila ensel. Isak Ida Tapolngon titno kesua iye due isak tipoga titito ke inarak denga.

Jon 1:12

E dau osep ka aitno lisak dagar ke iye e tidue io iye kar isak arit ma tikaranga tipolou Ida Tapolngon titno.

Aposel 5:32

Imi ane e Ano Itau imapalongo osep ke elio tonari. Oglou imavati Yesus ila elio bitna bitna deka eknikane imapalongo osep ine. E eknikane Ano Itau ka Ida Tapolngon kar iye ke osep keniye ka tididi ila pelengon pa-longo osep ine blang.”

Pas ka Pol sogoe uti la ke osep Rom ina 8:14

Osep ka Ida Tapolngon Ano Itau plau isak itau isak Ida Tapolngon titno.

Pas ka Pol sogoe uti la ke osep Rom ina 8:19

Eknikane Ida Tapolngon ila duengen keniye dong e para ke alo ka iye nis osep ka pula keniye ke osep ka isak Ida Tapolngon titno.

Pas ka Pol sogoe uti la ke osep Rom ina 8:23

E ite ka titno lokono aitno lite kro ine blang. Aitno lite kro ine kesua itapara ke alo ka itodong kap Ida Tapolngon. Iye kar Ano Itau ke ite kodong e itapara ke alo ka iye due pampamu lite tipolou itau lokono.

Pas ka Pol sogoe uti la ke osep Rom ina 8:26

Itodong itapara e Ano Itau ka dong ke aitno lite lua ite ine. Ano Itau lua ite kesua aitno lite tipolou dagar lokono dau kovok. E iye lua ite alo ka itawai itau ke Ida Tapolngon. Iye lua ite ine kesua iteile omur ke pelengon ka Ida Tapolngon waiki itawai la ine dau kovok. Deka Ano Itau dong ke aitno lite ma iye loulou ke ite ke Ida Tapolngon. Deka iye wai pelengon ka itakaranga itawai ine kovok.

Pas ka Pol sogoe uti la ke osep Rom ina 9:26

E Hosea wai silang blang langane. “Ida Tapolngon wai ke osep ka tidong ke omur ka oglou ila osep tidong ine kovok ma mase ila osep tidong ine. E ma osep tisir isak Ida Tapolngon ka ila mosongon dong ke iye isak ila osep isak.”

Pas ka Pol sogoe uti la ke osep Rom ina 9:8

E langane. Abraham ila napakngan leklou Ida Tapolngon titno kovok. E Abraham ila napakngan ka tipolou kesua batne ke Ida Tapolngon wai dagar ke Abraham ine iye vati isak kensak kensak langka Abraham ila napakngan lokono.

2 Korin 1:12

Aitno lungong itau ke elio kene. Ke aitno lungong ngaile Ida Tapolngon lua ngong ma ngadue elio osuk lokono e elio itau. Ida Tapolngon makai ngong deka ngadidi elio tonari e ngadidi ilengen ka taklak ane ina kovok. Ngadidi elio itau ke osep pula e dau ngadidie kap umu lokono.

2 Korin 1:22

Iye due ila nisngen ke ite ka nis osep ite ila osep ite e iye kar Ano Itau ke ite ka dong ke aitno lite. Deka iteile omur ma iye kar wan ka itau lokono ke ite kesua Ano Itau dong ke aitno lite.

2 Korin 5:5

E Ida Tapolngon kere ite ke mosongon oku ina tonari e iye kar Ano Itau ke ite ka wan mgongon ina ke wan bitna bitna ka mase ma iye kare ke ite.

2 Korin 6:18

E Ida Puda ka ila arit omba lokono wai langane. “Ma ngadong Pmomu e umodong dirgu arang e apmang.”

Galesia 3:26

Umu ka pula keniye aitno lumu dagar ke Krais Yesus e umeneklep ke iye e ke elio langane umopolou Ida Tapolngon titno.

Galesia 4:6

Eknikane umodong Ida Tapolngon titno. E Ida Tapolngon pagei Otno Arang Ano Itau me dong ke aitno lite deka Ano Itau due ite ma itegi langane. “Abo. Livou.”

Efesus 1:13

E umu blang alo ka umo-klingen Ida Tapolngon ila pelengon lokono ka omon itau aitno lumu la dagar ine. Deka Ida Tapolngon lua umu ke lumu elio epmes ina e umeneklep ke Krais. Deka iye tuk Ano Itau me dong ke aitno lumu. Are eriar langka nisngen umu ila osep umu langka oglou iye wai dagar ine.

Efesus 4:30

Umodue elio soulu ka due Ida Tapolngon Ano Itau kro ine kovok. Kesua Ida Tapolngon due Ano Itau sep ke aitno lumu deka iye rere umu ila osep umu. E Ano Itau ka dong ke aitno lumu iye nisngen umu Yesus ila osep. Deka mase ma Ida Tapolngon due umu ka Ano Itau dong ke aitno lumu ma lumu elio epmes ina munu pes umu kovok e umodong kap iye.

1 Jon 3:1

Umoklingen. Pmada lana iye ke ite omba deka sir ite titno. E lokono ite Ida Tapolngon titno ite. Osep ka taklak ina tile Ida Tapolngon kovok e ke batne langane tile ite blang kovok.

1 Jon 3:10

Ke batne langane itakaranga iteile osep seisei isak Ida Tapolngon ila osep e osep seisei isak Satan ila osep. Osep ka aling aling tidue elio itau e osuk kovok isak Ida Tapolngon ila osep kovok. E silang blang osep ka isak lana isak ke sisrok kovok isak Ida Tapolngon ila osep kovok blang.

1 Jon 3:2

Lou saten. Ngong lana ngong ke umu e ngawai ke umu langane. Oku ane ite Ida Tapolngon titno. E iteile mase ma itodong langka wansua kovok e dau iteile langane. Alo ka Krais me polou ma itodong eriar langka iye kesua ma itavati iye malak deka ma iteile omur ke iye.

1 Jon 4:13

Ida Tapolngon kar Ano Itau ke ite kodong e ke batne langane iteile itodong kap iye e iye dong kap ite.

1 Jon 5:10

Langka gute gesa aitno dagar ke Ida Tapolngon Otno Arang deka Ida Tapolngon ila pelengon dong ke aitno. E langka gute aitno dagar ke Ida Tapolngon ila pelengon kovok ane langka iye sir Ida Tapolngon gute yakngan ina. Kesua aitno dagar ke pelengon ka Ida Tapolngon wai ine ka la ke Otno Arang kovok.

Pelengon kukwopngon 21:7

Langka osep timole elio soulu ma ngakar wan bitna bitna tonari ke isak e ma ngadong Inarak Tapolngon deka ma tidong langka dirgu isak.”