Pas ka Pol sogoe uti la ke osep Rom ina 8:10 - Aria New Testament

¹⁰ Umu ka Krais dong ke aitno lumu umopolou itau e osuk ke Ida Tapolngon bitna kodong. Lama pampamu lumu mete batne ke elio epmes ina ka dong ke isak ma anmu tidong itau lokono vala.

Pas ka Pol sogoe uti la ke osep Rom ina 8:10 ပူးပေါင်းရင်းမြစ်များ

Jon 14:23

E Yesus koli wai ke iye langane. “Langka gute lana iye ke ngong ma iye ini lou pelengon e ma Livou lana iye ke gute tonari e ma imorwo imeme ke iye e ma imodong kap iye.

Jon 15:5

“Ngong galou wain palma e umu galou wain tetna. Gute ka dong dagar ke ngong e ngadong ke iye io iye due elio itau langka iye usu otna pula. E langka umosongon ngong deka umakaranga umodue elio itau kovok.

Jon 17:23

Ngadong kap isak e omdong kap ngong. Ma aitno lisak polou kene pulu lokono ma osep taklak ina tile ampagei ngong ngame e wom lana wom ke isak eriar langka wom lana wom ke ngong.”

Jon 4:14

E gute sei ka inim aki ka ngakare ke iye ma aki vel iye blang kovok. Aurou. Aki ka ngakare ke iye ma dong langka aki ina ovuk ka polou ke aitno ka kar iye mosongon ka dong vala dong.”

Jon 6:54

Gute sei ka ngen pampamu lungong e inim ngau marau io mosongon ka dong vala dong ma dong ke iye e ma ngadue tito e dong blang ke oklou ka Ida Tapolngon wade osep ka pula keniye urok elio ine.

Jon 6:56

Gute sei ka ngen pampamu lungong e inim ngau marau ngadong kap iye e iye dong kap ngong.

Pas ka Pol sogoe uti la ke osep Rom ina 5:12

Oglou ari Adam due elio epmes ina gesa ka mgo ke elio epmes ina ka pula keniye. Deka ari elio epmes ina e metengen duru dong ke iye. Deka elio epmes ina e metengen tonari pakes duru ke itosep ka pula keniye. Kesua batne elio epmes ina ka mgongon ka Adam due.

Pas ka Pol sogoe uti la ke osep Rom ina 5:21

Oglou elio epmes ina kading itosep e itosep keniye itemete ine. E eknikane Ida Tapolngon ila makaingan due ite e kading ite. E Ida Tapolngon due ite itopolou itau e osuk ke bitna. Deka udo mosongon ka itau lokono ina yagosngon kovok batne ke Ida Puda Yesus Krais dong.

Pas ka Pol sogoe uti la ke osep Rom ina 8:11

Oglou Yesus mete deka ari Ida Tapolngon due poga tito ke ina denga. E umu ka Ano Itau dong ke aitno lumu ma Ida Tapolngon due umu umopoga umetito ke upu denga. Ma iye due elio ke umu langka oglou iye due ke Yesus. E ma iye due pampamu lumu tipoga titito ke inarak denga.

1 Korin 15:45

Ida Tapolngon ila pelengon wai langane. “Gute ka mgongon ina angaine Adam. Ida Tapolngon due polou deka iye dong.” E Ano Itau due gute Adam ka orwo ina ka me batne polou deka iye dong ma iye kar mosongon lokono ke ite.

2 Korin 13:5

Umawade umu itau ke aitno lumu ila dagar. Langka aitno lumu ila dagar dau dong dagar koke aurou. Umeneklep ke Yesus Krais kodong deka iye dong ke aitno lumu. Langka iye dong ke aitno lumu kovok umu ila osep kovok.

2 Korin 4:11

Aling aling imodong e osep tiwaiki timluk imi ma imemete batne aitno limi dagar ke Yesus. Imawaiki ma osep tivati Yesus ke pampamu limi.

2 Korin 5:21

Alo ka Krais dong ke taklak iye due elio epmes ina kovok. E Ida Tapolngon waiki lua osep deka iye due udo elio epmes ina ina klingen munu pes Krais e iye kasip amunte. Iye due langane ma itakaranga itodong itau e osuk ke bitna batne ke Krais.

Galesia 2:20

E ke elio ka eknikane ngadong itau kap Ida Tapolngon ngamana kap Ida Puda Yesus Krais ke ina akai kodong e ngamete kap iye. Deka ngadue mosongon oku. E mosongon tonari lou mosongon kovok. Aurou. Krais dong ke aitno lungong deka lou elio isuk isuk e lou bokongon ka ngadue ke taklak ngadue ke aitno lungong ila dagar vala. Aitno lungong dagar ke Ida Tapolngon Otno Arang e aitno itau lokono ke ngong e iye soro pampamu ine ma lua ngong.

Efesus 3:17

Ngapmi Ida Tapolngon ma Krais dong vala dong ke aitno lumu. Ngapmi Ida Tapolngon ma aitno lumu ila dagar dong dagar ke iye. Ngapmi Ida Tapolngon ma iye lua umu ma umeile omur iye lana iye omba ke umu. Deka umu langka akai ka vri ke taklak e gigitno kis dagar ke taklak.

Filipai 1:23

Aitno lungong orwo ine. Ngawaiki ngala ngadong kap Krais. Are itau.

Filipai 3:9

Ngadong kap Krais e ngadong itau e osuk ke Ida Tapolngon bitna batne ke elio ka ngadidi Moses ila sogongon kovok. Aurou. Eknikane ngadong itau e osuk batne aitno lungong la dagar ke Krais. Elio ka Ida Tapolngon due ngong ngadong itau ke bitna batne aitno lungong la dagar ke Krais.

Kolosi 1:27

Ida Tapolngon didi aitno e nis ila osep ke pelengon ka oglou dong kukwop ma tile omur ine. Pelengon tonari itau lokono e karanga lua osep ka pula keniye. Pelengon ka kukwop langane. Krais dong kap umu e ma umapara ke iye ma iye me kum umu e umala umodong kap iye ma umodue wan ka pula keniye ka omur heven ina.

1 Tesalonaika 4:16

Alo ari Ida Puda ma songon omur heven e duru ke sirva. E Ida Tapolngon ma daiku omba e ensel ka ila arit omba ma wai omba blang deka Ida Tapolngon ila kuliep ma wai. Deka osep ka aitno lisak dagar ke Yesus e timete kodong ma titito kla mgo.

Hibru 12:23

E umopolou ke duningen ka ila osep aitno lisak neser ine. Osep tonari tidong langka Ida Tapolngon ina sirngen sirngen e angainsak dong ke Ida Tapolngon ila buk ka dong ke omur heven. E umopolou ke Ida Tapolngon ka wade osep ka pula keniye urok elio isuk isuk. E umopolou ke osep ka Ida Tapolngon due isak tipolou itau e osuk ke iye bitna kodong ansak.

Hibru 9:27

Itosep ka pula keniye ma itemete aling kene vala. Deka ma Ida Tapolngon wade udo elio isuk isuk.

Pelengon kukwopngon 14:13

Deka ngaklingen gute kre-ine wai ke omur heven langane. “Omsogo pelengon ane. ‘Eknikane e taim ka la ine osep ka timete kesua aitno lisak dagar ke Ida Puda ma aitno lisak dong itau itau.’” Deka ngaklingen Ano Itau wai blang langane. “Aitno lisak itau itau kesua tikaranga timtong ke elio bitna bitna ka opru isak. E elio itau ka tidue dong kap isak.”