Pas ka Pol sogoe uti la ke osep Rom ina 8:1 - Aria New Testament

¹ E eknikane Ida Tapolngon aitno engil ke itosep ka iteneklep ke Krais Yesus kodong kovok. Aurou. Aitno epen ke ite vala e ma iye mulu ite kovok.

Pas ka Pol sogoe uti la ke osep Rom ina 8:1 ပူးပေါင်းရင်းမြစ်များ

Jon 14:20

E alo ka elio tonari polou ma umeile ngadong kap Livou e umodong kap ngong e ngadong kap umu.

Jon 15:4

Deka umodong kap ngong e ma ngadong kap umu. Langka galou wain tetna dong dagar ke palma ma iye karanga usu otna. E langka galou wain tetna dong dagar ke palma kovok iye karanga usu otna kovok. E eriar langane ke umu blang. Langka umodong dagar ke ngong kovok umakaranga umodue elio itau kovok.”

Jon 5:24

“Ngawai lokono ke umu langane. Gute sei ka klingen lou pelengon e aitno la dagar ke Ida Tapolngon ka pagei ngong ngame iye due mosongon ka dong vala dong e Ida Tapolngon ma wade iye kovok. Aurou. Iye mole metengen kodong e due mosongon ka dong vala dong.

Pas ka Pol sogoe uti la ke osep Rom ina 16:3

Umawai “oklou itau” ke gute Akwila orwo esna Prisila. Isak orwo tiboko kap ngong ke Krais Yesus ila bokongon.

Pas ka Pol sogoe uti la ke osep Rom ina 16:7

Umawai “oklou itau” ke gute Andronikus orwo gute Junias. Isak lou osua e oglou tidong ke kalabus kap ngong. Isak orwo osep aposel blang e osep pula tile ke isak. E aitno lisak la dagar ke Krais mgo ke ngong.

Pas ka Pol sogoe uti la ke osep Rom ina 5:1

Eknikane itopolou itau e osuk ke Ida Tapolngon bitna kodong kesua batne aitno lite ila dagar la ke Ida Puda Yesus Krais mgo. Deka iye lua ite e due Ida Tapolngon aitno epen ke ite batne ke iye.

Pas ka Pol sogoe uti la ke osep Rom ina 5:16

E Ida Tapolngon ila makaingan ka iye pagei me polou ke ite ane elio itau lokono. E elio ka Adam due elio epmes ina ane elio soulu lokono. Elio orwo tonari la pulu kovok. Oglou Adam dong e iye due elio epmes ina gesa. Deka dau tauni osep ka pula keniye ka tipolou batne ke iye tidue elio epmes ina bitna bitna pula e timete ine. Kesua urok elio vri ke isak. La lama mase Ida Tapolngon didi ila makaingan e pagei Yesus me polou ke ite. E iye due elio itau vala e due ite itopolou itau e osuk ke Ida Tapolngon bitna.

Pas ka Pol sogoe uti la ke osep Rom ina 7:17

Lama ngawaiki ngadue elio epmes ina bitna bitna kovok ngong dau ngadue elio epmes ina pula. Kesua elio epmes ina dong ke pampamu lungong kodong.

Pas ka Pol sogoe uti la ke osep Rom ina 7:20

Ngawaiki ngadue elio epmes ina bitna bitna kovok e dau ngadue. E lou elio nis ngong ngaplau pampamu lungong itau kovok e elio epmes ina dau dong ke ngong.

Pas ka Pol sogoe uti la ke osep Rom ina 8:11

Oglou Yesus mete deka ari Ida Tapolngon due poga tito ke ina denga. E umu ka Ano Itau dong ke aitno lumu ma Ida Tapolngon due umu umopoga umetito ke upu denga. Ma iye due elio ke umu langka oglou iye due ke Yesus. E ma iye due pampamu lumu tipoga titito ke inarak denga.

Pas ka Pol sogoe uti la ke osep Rom ina 8:14

Osep ka Ida Tapolngon Ano Itau plau isak itau isak Ida Tapolngon titno.

Pas ka Pol sogoe uti la ke osep Rom ina 8:2

Eknikane Ida Tapolngon Ano Itau plau ite kesua iteneklep ke Krais Yesus kodong. Iye plau ite e elio epmes ina e metengen karanga kis ite ma tiplau ite blang kovok.

Pas ka Pol sogoe uti la ke osep Rom ina 8:34

Ma sinngen elio keniye tibure vala. Kesua Yesus Krais mete e kasip amunte kodong. Ari Ida Tapolngon due poga tito ke ina denga deka eknikane iye lua ite e dong ke Ida Tapolngon limla odung e loulou ke ite.

Pas ka Pol sogoe uti la ke osep Rom ina 8:39

Omur ka egim koke omur ka moli tikaranga tidangdang Ida Tapolngon ma iye lana iye ke ite kovok. Wan kene gesa dong ke omur ka pula keniye ka karanga dangdang Ida Tapolngon ma iye lana iye ke ite kovok. Aurou. Iye lana iye ke ite vala kesua batne ke Ida Puda Krais Yesus dong.

Pas ka Pol sogoe uti la ke osep Rom ina 8:4

Yesus polou itosep ka pula keniye Ida Kasipngen e kli udo elio epmes ina. Iye kli ite ma itedidi udo elio oglou ina kovok e ma Ano Itau plau ite itau. Ma itodong itau e osuk ke bitna eriar langka osep ka tidar Moses ila sogongon aling kene gesa kovok.

Pas ka Pol sogoe uti la ke osep Rom ina 8:9

E langka umu io elio oglou ina pagei pampamu lumu kovok. Kesua Ida Tapolngon Ano Itau ka dong ke aitno lumu plau umu vala. E osep ka Krais Ano Itau dong ke aitno lisak kovok isak Krais ila osep kovok.

1 Korin 1:30

E Ida Tapolngon due umu umeneklep ke Krais Yesus. E Krais tona udo ilengen ka itau batne. Krais due ite itopolou itau e osuk ke Ida Tapolngon bitna. Iye due ite itopolou Ida Tapolngon ila osep ka itau lokono. Deka udo elio epmes ina munu pes ite kovok.

1 Korin 15:22

Eriar langka osep ka pula keniye ka tidong ke Adam ila osua timete deka osep ka pula keniye ka tidong ke Krais ila osua ma tipoga titito ke inarak denga.

2 Korin 12:2

Oglou ke tobor songotno apanal la kodong Ida Tapolngon due gute Kristen kene tito ke omur heven ka Ida Tapolngon dong ine. E ngaile kovok langka gute tonari pampamu ine la kap ano ke omur heven koke ano vala la ke omur heven. Ida Tapolngon vala ile ine.

2 Korin 5:17

Langka gute gesa nepir ke Krais iye polou gute oku ina. Ila mosongon oglou ina yagos la e ila mosongon oku ina polou kodong.

Galesia 3:13

Moses ila sogongon wai langane. “Ite ka pula keniye itedidi Moses ila sogongon keniye kovok e ma iteimina.” E Krais lua ite alo ka iye mana ke ina akai e mete e kasip amunte. Ida Tapolngon ila pelengon wai langane. “Ida Tapolngon vati osep ka timana ke akai langka osep ka agegeng polou lisak.”

Galesia 3:26

Umu ka pula keniye aitno lumu dagar ke Krais Yesus e umeneklep ke iye e ke elio langane umopolou Ida Tapolngon titno.

Galesia 3:28

Ke Krais ila osua osep tidong langka osep Yuda ina e osep Grik ina kovok. E osep tidong langka wokboi nating e osep ka tidong fri kovok. E osep tidong langka osep arang e apmang kovok. Aurou. Ke Krais Yesus umu ka pula keniye umodong langka osua kene vala.

Galesia 5:16

Lou pelengon langane. Umedidi Ano Itau ila plaungan ma iye plau umu ke lumu mosongon. Langka umodue langane ma umedidi aitno lumu oglou ina kovok.

Galesia 5:25

Ano Itau iye kar mosongon itau ke ite kodong deka ma itosongon Ano Itau ma iye nis ite ke udo langan.

Efesus 1:1

Ngong Pol ka Ida Tapolngon rere ngong Krais Yesus ila aposel gesa e ngasogo pas ane. Ngasogoe uti la ke umu ka Ida Tapolngon ila osep ka umodong dagar lokono ke Krais Yesus ka umodong ke armok Efesus.

Filipai 3:9

Ngadong kap Krais e ngadong itau e osuk ke Ida Tapolngon bitna batne ke elio ka ngadidi Moses ila sogongon kovok. Aurou. Eknikane ngadong itau e osuk batne aitno lungong la dagar ke Krais. Elio ka Ida Tapolngon due ngong ngadong itau ke bitna batne aitno lungong la dagar ke Krais.