Pas ka Pol sogoe uti la ke osep Rom ina 7:7 - Aria New Testament

⁷ Aitno lumu lange? Moses ila sogongon iye sogongon soulu koke aurou? Aurou. Sogongon tonari itau e nis ite ke udo elio epmes ina vala. Sogongon tonari dangdang ite ma itangale osep urok wan kovok. Ngaklingen ke sogongon tonari langane deka lokono ngaile oglou ngadar Moses ila sogongon e ngangale osep urok wan.

Pas ka Pol sogoe uti la ke osep Rom ina 7:7 ပူးပေါင်းရင်းမြစ်များ

Matyu 5:28

E eknikane ngawai ke umu langane. Langka gute palem apmang e aitno mter iye waiki due elio kap iye deka iye due okwa kap apmang ke aitno kodong.

Luk 12:15

Deka iye wai ke osep langane. “Umeile umu itau e umaplau umu itau lama umedidi elio ka umangale osep urok wan. Kesua gute ila mosongon dong itau batne ke ila wan pula pula ka dong kovok. Aurou.”

Luk 20:16

Ma iye la e due agegeng ke osep tonari ma timete deka ma iye due osep leklou tiboko ke yage.” E alo ka osep tiklingen pelengon ano tiwai langane. “Aisudo. Ma elio langane polou kovok.”

Aposel 20:33

Ngadong kap umu e ngangale lumu wan langka silva e gol e klos bitna bitna kovok.

Pas ka Pol sogoe uti la ke osep Rom ina 13:9

Umeile Moses ila sogongon wai langane. “Umoklou lumu sasap e lumu soboget sakam. Umodue burwa ke gute gesa sakam. Uma-panako wan gesa sakam. Umangale gute gesa ila wan sakam.” Moses ila sogongon ane e pelengon dagar silang isak ka pula keniye urok pelengon la ke pelengon dagar ka kene vala. Pelengon dagar tonari langane. “Ma umu lana umu ke osep leklou langka umu lana umu ke umu tona.”

Pas ka Pol sogoe uti la ke osep Rom ina 3:20

Umoklingen. Moses ila sogongon karanga due ite itopolou itau e osuk ke Ida Tapolngon bitna kovok. Aurou. Iye nis ite ke udo elio epmes ina vala.

Pas ka Pol sogoe uti la ke osep Rom ina 3:5

Osep leklou tididi aitno lisak e tiyakyak langane. “Elio soulu ka itodue nis osep pula ke Ida Tapolngon ila elio keniye itau lokono. E langka Ida Tapolngon waiki kot ite ine ma iye due elio soulu kesua udo elio soulu lua iye.” Pelengon ka ngawai ine ane langka itosep udo pelengon vala. Osep ka tiwai langane tiwai lokono kovok e tididi aitno lisak vala.

Pas ka Pol sogoe uti la ke osep Rom ina 4:1

Oglou ari udo eia Abraham dong. Alo ka iye dong iye polou itau e osuk ke Ida Tapolngon bitna. Aitno lumu lange? Abraham due sua deka iye polou itau e osuk ke Ida Tapolngon bitna?

Pas ka Pol sogoe uti la ke osep Rom ina 4:15

Moses ila sogongon nis ite ke udo elio soulu vala. E osep ka tidar sogongon tonari e tidue elio soulu vala Ida Tapolngon aitno ila engil ma due isak. E langka pelengon dagar gesa ka plau ite dong kovok ma itakaranga itadar pelengon dagar tonari kovok.

Pas ka Pol sogoe uti la ke osep Rom ina 5:20

Oglou ari Ida Tapolngon due Moses aitno deka iye sogo Ida Tapolngon ila pelengon ka dong kap osep. E osep ka tile omur ke sogongon tonari tidare aling pula e urok elio epmes ina pula vri ke isak. E alo ari Ida Tapolngon didi aitno e pagei ila makaingan ke osep ari e ila makaingan tonari res polou ombatno e mole elio soulu ka dong ke osep ari.

Pas ka Pol sogoe uti la ke osep Rom ina 6:15

Eknikane Ida Tapolngon ila makaingan plau itosep e Moses ila sogongon plau ite kovok. Aitno lumu lange? Ma itodue elio epmes ina pula kesua Moses ila sogongon plau ite kovok? Aurou. Ma itodue elio epmes ina pula langane kovok.

Pas ka Pol sogoe uti la ke osep Rom ina 7:11

Ngaile Moses ila sogongon dangdang itosep ke elio epmes ina bitna bitna. Ngaile ine e ngawaiki ngadidie. E aitno lungong dau waiki ngadue elio epmes ina bitna bitna. E elio epmes ina waiki pagolgol aitno lungong ine. Deka ngadar sogongon tonari e ngamete ine. Kesua osep ka tidar Moses ila sogongon ma timete ine.

Pas ka Pol sogoe uti la ke osep Rom ina 7:13

E langka ngadar Moses ila sogongon kodong ma ngamete ine. Aitno lumu lange? Ngau metengen ina poloungon batne ke Moses ila sogongon ka itau? Kesua langka ila sogongon ka itau dong kovok ma ngadare ma ngamete ine kovok. Aurou. Ngau metengen ina poloungon batne ke Moses ila sogongon ka itau kovok. Ngong tona ngadar Moses ila sogongon deka ngamete ine. E ngaile Moses ila sogongon nis ngong lou elio soulu lokono.

Pas ka Pol sogoe uti la ke osep Rom ina 7:5

Oglou elio oglou ina pagei pampamu lite e itodue elio epmes ina bitna bitna vala. Alo ari iteile ke Moses ila sogongon kodong. Iteile ila sogongon dangdang ite ke elio epmes ina bitna bitna. Iteile omur ke sogongon tonari e aitno lite dau dagar ke udo elio soulu bitna bitna. E itodue elio epmes ina pula. E udo elio isuk isuk ka pula keniye soulu ma itemete ine.

Pas ka Pol sogoe uti la ke osep Rom ina 7:8

E Moses ila sogongon dangdang ite ma itangale osep urok wan kovok. E aitno lungong mter ngawaiki ngangale osep urok wan. Langka ngaile Moses ila sogongon kovok aitno lungong mtere kovok. E ngaile ke sogongon tonari deka ngadare.

1 Korin 15:56

Metengen karanga due agegeng ke ite kesua itodue elio epmes ina. E elio epmes ina due ila arit ke Moses ila sogongon.

Efesus 5:3

Ida Tapolngon ila osep umu deka umedidi ila elio itau e umodue elio soulu bitna bitna sakam. Umoklou lumu sasap e lumu soboget sakam. Umeisu ulik ulik sakam. Umangale osep leklou urok wan sakam. Lama osep tiwai umodue elio epmes ina gesa ka langane.

Kolosi 3:5

Umemete kap Krais kodong deka umopul dogur ke elio bitna bitna ka taklak ina ka soulu. Elio bitna bitna langka elio ka osep tikepis pulu e elio isungon ina e elio ka aling aling osep tiwaiki tidue elio epmes ina bitna bitna e elio ka osep tingale osep leklou urok wan. Elio ngalengen ina iye langka osep tilotuim sapingen.

1 Tesalonaika 4:5

Lama pampamu lumu e aitno lumu tipagei umu e umodue okwa langka osep ka tile Ida Tapolngon kovok tidue.

Hibru 7:19

E Moses ila sogongon karanga due osep tipolou itau lokono ke Ida Tapolngon bitna kovok. Deka Ida Tapolngon due ekreng oku ka mole Moses ila sogongon ma itakaranga itopolou olwo boto ke Ida Tapolngon ine.