E umadangdang pampamu lumu lama umodue elio epmes ina bitna bitna ine. Umadangdang pampamu lumu keniye ma umodue elio epmes ina ine kovok. Ida Tapolngon waiki pampamu lumu dong itau vala. Kesua umodong eriar langka osep ka oglou timete deka mase tipoga titito ke inarak denga. Ma umakar pampamu lumu ke Ida Tapolngon ma iye plau isak e ma umodue elio itau ine vala.
Pas ka Pol sogoe uti la ke osep Rom ina 7:23 - Aria New Testament23 Aitno lungong dagar ma ngadue elio itau vala e elio gesa dong ke pampamu lungong ka para pulu kap aitno lungong ma ngadue elio soulu vala. Deka aling pula elio tonari mole aitno lungong e ngadue elio soulu vala. အခန်းကိုကြည့်ပါ။ |
Pas ka Pol sogoe uti la ke osep Rom ina 7:23
16 ပူးပေါင်းရင်းမြစ်များ
Ma ngakar pelengon ane ke umu ma kere lou pelengon tonari. Kesua lou pelengon tonari lana ine opru umu. Oglou aitno lumu itau ke elio epmes ina bitna bitna vala e umodue elio epmes ina pula ka soulu lokono. E eknikane aitno lumu itau ke elio itau vala. E ngawaiki elio itau plau pampamu lumu vala ma umopolou Ida Tapolngon ila osep ka itau.
Oglou elio oglou ina pagei pampamu lite e itodue elio epmes ina bitna bitna vala. Alo ari iteile ke Moses ila sogongon kodong. Iteile ila sogongon dangdang ite ke elio epmes ina bitna bitna. Iteile omur ke sogongon tonari e aitno lite dau dagar ke udo elio soulu bitna bitna. E itodue elio epmes ina pula. E udo elio isuk isuk ka pula keniye soulu ma itemete ine.
ကြော်ငြာတွေ