Pas ka Pol sogoe uti la ke osep Rom ina 7:14 - Aria New Testament

¹⁴ Oglou Ano Itau due Moses aitno deka iye sogo ila sogongon ka itau. E ngong gute e elio epmes ina waiki plau ngong ma ngadue elio soulu vala.

Pas ka Pol sogoe uti la ke osep Rom ina 7:14 ပူးပေါင်းရင်းမြစ်များ

Matyu 16:23

E Yesus klingen Pita ila pelengon e bauluk wai ke iye langane. “Satan amla ke dogur lungong. Amwaiki amdangdang ngong kesua emdidi osep aitno lisak vala e emdidi Ida Tapolngon aitno kovok.”

Matyu 18:25

Gute tonari ila mani karanga koli aglunga kovok e gute ka vri mgo ke omur ari wai dagar ma tidue burong ke gute kap ila asap e titno e ila wan bitna bitna keniye ma iye koli ila aglunga ine.

Matyu 5:22

E eknikane ngawai ke umu langane. Langka gute aitno engil ke ila aten ma iye vri ke kot bitna. E langka gute wai pelengon soulu ke ila aten iye ma vri ke kaunsil bitna. E langka gute wai ke ila aten iye manga manga ma iye la ke omur hel ka eiou dong ine.

Matyu 5:28

E eknikane ngawai ke umu langane. Langka gute palem apmang e aitno mter iye waiki due elio kap iye deka iye due okwa kap apmang ke aitno kodong.

Luk 5:8

Alo ka Saimon ka angaine silang Pita vati elio ane iye gene ke Yesus kamla e wai langane. “Puda amla ke ngong kesua ngong gute epmes ina.”

Luk 7:6

E Yesus la kap isak e polou olwo boto ke gute ola ina tonari ila ninu. Deka gute tonari vai ila saten ke Yesus ma tiwai ila pelengon ka langane. “Puda omdue wan silang ka opru wom kovok. Kesua ngong gute soulu e lou elio itau kovok ma emsep ke lou ninu.

Pas ka Pol sogoe uti la ke osep Rom ina 3:9

­E aitno lumu lange? Aitno lumu mter imi osep Yuda ina imomole osep ka isak osep Yuda ina kovok? Aurou. Imomole isak kovok. Kesua osep ka pula keniye ka imi osep Yuda ina e osep ka isak osep Yuda ina kovok udo elio epmes ina dau munu pes ite.

Pas ka Pol sogoe uti la ke osep Rom ina 6:6

E silang blang langane. Eriar langka Yesus mana ke ina akai e mete ine ite blang udo elio oglou ina mana e mete kap iye kodong. Udo elio oglou ina mete kap iye. Ma elio tonari ila arit yagos e ma plau ite aling silang blang kovok.

Pas ka Pol sogoe uti la ke osep Rom ina 7:18

Ngong kenngong aitno lungong karanga mter elio gesa ka itau kovok. Langka ngawaiki ngadue elio itau ngakaranga ngadue kovok e ngadar Moses ila sogongon vala.

Galesia 4:3

E ite blang langane. Alo ka itodong langka mimi daudeng itodong langka wokboi nating. Itodong langane ke ansak ka tiplau wan ke sirva e wan ke taklak.

Efesus 3:8

E angain ngong omba kovok. Aurou. Ida Tapolngon ila osep keniye angainsak timole angain ngong. Lama langane Ida Tapolngon kere ngong ke ila makaingan. E ngapaur Ida Tapolngon ila omon itau ke umu ka osep Yuda ina kovok. Omon tonari palongo udo ke wan keniye ka itau lokono ka Krais kare ke ite e itakaranga iteile aikovoli ine kovok.

Hibru 4:12

Ida Tapolngon ila pelengon dong e ila arit dong ine blang. Ila pelengon dong langka elil omba ka ene orwo e ene lokono. E iye karanga wade gute aitno e ano. E karanga wade gute erine buno e erine aitno. E karanga wade elio ka itawaiki itodue e wan ka aitno lite mter ine.