Pas ka Pol sogoe uti la ke osep Rom ina 6:3 - Aria New Testament

³ Oglou itodue elio paunimngen ina ke Yesus Krais angaine. E elio tonari nisngen langka itogosok Yesus itemete kodong.

Pas ka Pol sogoe uti la ke osep Rom ina 6:3 ပူးပေါင်းရင်းမြစ်များ

Matyu 28:19

Deka umala ke omur ka pula keniye ke taklak e umodue osep tipolou lou disaipel e umapaunim isak ke Upu Tapolngon ka Pmomu angaine e Upu Tapolngon Otno Arang angaine e Ano Itau angaine.

Aposel 19:5

Alo ari osep ari tiklingen Pol ila pelengon deka tidue elio paunimngen ina ke Ida Puda Yesus angaine.

Aposel 2:38

Deka Pita koli wai ke isak langane. “Eknikane umabauluk aitno lumu ke lumu elio epmes ina bitna bitna e umedidi elio paunimngen ina ke Yesus angaine. Aitno lumu la dagar ke Yesus Krais ka Upu Luangan. Deka ma iye lua umu ke lumu elio epmes ina e ma iye kar Ano Itau ke umu kenmu kenmu deka ma Ano Itau dong ke aitno lumu.

Aposel 8:16

Kesua Ano Itau dau sep ke aitno lisak kovok. Tididi elio paunimngen ina ke Ida Puda Yesus angaine vala.

Pas ka Pol sogoe uti la ke osep Rom ina 6:16

E umeile omur langka umawaiki gute gesa vri mgo ma iye plau umu ma umoklingen ila pelengon e ma umodue ila bokongon. Deka umopolou lumu plaungan tonari ila osep bokongon ina umu. E silang blang langane. Langka umedidi elio epmes ina vala ma elio epmes plau umu e ma umemete ine. E langka umedidi Ida Tapolngon ila elio itau vala ma iye due umu umopolou itau e osuk ke bitna.

Pas ka Pol sogoe uti la ke osep Rom ina 6:8

E silang blang langane. Ite ka itemete kap Yesus aitno lite dagar Ida Tapolngon ma due ite itodong itau blang kap iye.

Pas ka Pol sogoe uti la ke osep Rom ina 7:1

Sipmi. Umoklingen lou pele-ngon ane. Umeile omur ke itosep Yuda ina udo pelengon dagar ka itedidie e ka plau ite. Udo pelengon dagar ka itedidie karanga plau osep ka timete kovok. Aurou. Iye plau osep ka dau tidong vala.

1 Korin 10:2

Deka tididi Moses e elio ka polou ke iye polou ke isak blang. Elio ane langka tidue elio paunimngen ina ke gaup e ke aki.

1 Korin 12:13

Kesua Ano Itau ka kene vala sep ke ite kente kente aitno lite e due ite iteneklep ke Krais deka itopolou langka pampamu ine ka kene vala. Ite ka osep Yuda ina e osep Grik ina e ite ka wokboi nating e ite ka itodong fri. Ida Tapolngon due Ano Itau ka kene vala sep ke ite kente kente aitno lite deka iye dong ine.

1 Korin 15:29

Langka osep ka timete kodong tikaranga tipoga titito ke inarak denga kovok batne lange osep leklou tidue elio paunimngen ina ma lua osep ka timete kodong?

1 Korin 3:16

Umeile umu Ida Tapolngon ila ninu e Ano Itau dong ke aitno lumu kovok? Aurou. Umeile ine.

1 Korin 5:6

Lumu elio ka umakakai angainmu soulu lokono. Batne lange? Umeile yis sasi boto vala karanga due bret pula song polou omba kovok?

1 Korin 6:19

Lange? Umeile langane kovok? Pampamu lumu Ida Tapolngon Ano Itau ila ninu. Ida Tapolngon kar Ano Itau ke umu e iye dong ke aitno lumu. E pampamu lumu umu tona lumu wan kovok.

1 Korin 6:9

Umeile langane. Osep ka tidue elio soulu ma tikaranga tisep ke Ida Tapolngon ila omur kovok. Deka umayak umu pulu ine kovok. Osep ka tidue okwa e osep ka aitno lisak la ke sapingen e osep ka tisu apmang pasinga e osep ka tidue elio ka soulu langka isak mnak isak ine ke osep leklou. Langka arang tidue elio kap arang e apmang tidue elio kap apmang.

1 Korin 9:13

Umeile langane itau kovok i? Osep ka tidue bokongon ke Ida Tapolngon ila ninu tidue inarak ngangon ke urok bokongon tonari. E osep ka tiboko ke bota opmu ina tidue ongwa okurne leklou ka tidue elio opmu ina ine ke osep ma inarak ngangon.

1 Korin 9:24

Umeile langane. Osep ka tidue resis isak keniye tisuong dagar e dau gute kene vala due prais. E umu blang umosuong dagar ma umodue prais.

2 Korin 13:5

Umawade umu itau ke aitno lumu ila dagar. Langka aitno lumu ila dagar dau dong dagar koke aurou. Umeneklep ke Yesus Krais kodong deka iye dong ke aitno lumu. Langka iye dong ke aitno lumu kovok umu ila osep kovok.

Galesia 3:27

Umu ka pula keniye umodue elio paunimngen ina kesua umeneklep ke Krais kodong. E umopolou itau langka Krais polou itau.

Jems 4:4

Umopul dogur ke Ida Tapolngon langka apmang ka songon ila boget e la due okwa. E osep ka tididi elio ka taklak ina tipul dogur ke Ida Tapolngon. Deka gute ka waiki didi elio ka taklak ina iye polou Ida Tapolngon ina oul.

1 Pita 3:21

Aki tonari nisngen ke aki ke elio paunimngen ina. E elio paunimngen ina nisngen ke elio ka Ida Tapolngon lua umu ke lumu elio epmes ina. E aki ke elio paunimngen ina langka ris tarna lumu kovok. Aurou. Ane langka pelengon ka umawai ke Ida Tapolngon ma umedidi iye ma umodong itau ke bitna. Ida Tapolngon due Yesus Krais poga tito ke ina denga e ke batne langane umodong itau ke bitna.