Pas ka Pol sogoe uti la ke osep Rom ina 6:17 - Aria New Testament

¹⁷ Oglou elio epmes ina plau umu e umodue elio epmes ina bitna bitna vala. Mase osep tiparere umu ke Ida Tapolngon ila pelengon deka aitno lumu la dagar ine. Aitno lumu dong dagar ine e ngakakai Ida Tapolngon angaine tito ine.

Pas ka Pol sogoe uti la ke osep Rom ina 6:17 ပူးပေါင်းရင်းမြစ်များ

Aposel 11:18

Osep ka tiluk Pita tiklingen ila pelengon deka tikoli ila pele-ngon kovok. Aurou. Tikakai Ida Tapolngon angaine tito ine e tiwai langane. “Eknikane Ida Tapolngon due elio itau ke osep ka isak osep Yuda ina kovok e lua isak ma tikaranga tibauluk aitno lisak ke urok elio epmes ina e kar isak mosongon oku ina.”

Aposel 28:15

Alo ka imi dau imopolou ke Rom kovok sipmi leklou ka isak osep Kristen ka tidong ine tiklingen ke limem langan. E tisongon armok e time e imososon isak leklou ke bilmu Apius e imososon isak leklou blang ke omur ka tisire Ninu Kaulei Eklu. Pol vati osep Kristen ka tipolou ke imi deka aitno neser e iye wai itau ke Ida Tapolngon ine e iye arit iye ine.

Pas ka Pol sogoe uti la ke osep Rom ina 1:5

E silang blang langane. Ida Tapolngon makai imi e rere imi ma imi ila aposel leklou batne Yesus dong. Iye rere imi ma imapaur ila omon itau la ke osep ka pula keniye ka tidong ke omur pula. Iye rere imi kesua iye waiki ma osep ka pula keniye aitno lisak la dagar ke ila pelengon e ma tididie.

Pas ka Pol sogoe uti la ke osep Rom ina 1:8

Lou pelengon mgongon lang-ane. Eknikane elio ka aitno lumu dagar ke Yesus kodong ina omon pakes lila ke omur ka pula keniye. E ngawai itau ke Ida Tapolngon ke Yesus Krais angaine kesua omon tonari itau. Ngawai ke Ngau Tapolngon langane. Aitno lungong itau ke wom kesua osep Rom ina leklou aitno lisak la dagar ke Yesus kodong.

Pas ka Pol sogoe uti la ke osep Rom ina 15:18

E ma ngawai ke wan silang blang kovok. Aurou. Ma ngawai ke wan kene vala. Ngawai ke bokongon ka Krais lua ngong ine. Kesua lou bokongon e lou pelengon due osep ka isak osep Yuda ina kovok ma tini Ida Tapolngon ila pelengon.

Pas ka Pol sogoe uti la ke osep Rom ina 16:26

Eknikane Ida Tapolngon ka ila poloungon kovok ila omon itau dong kap ite e iteile ine. Iteile ine kesua osep napaprangan ina tisogo ine deka urok sogongon tonari dong ke ite. Ida Tapolngon due aitno lisak deka tisogo ine ma osep ka pula keniye ka tidong ke omur ka pula keniye talsak klingen ine e aitno lisak karanga la dagar ine.

Pas ka Pol sogoe uti la ke osep Rom ina 2:8

E osep ka aitno lisak vri ke isak e tipul dogur ke elio itau e tidue elio soulu vala ma Ida Tapolngon aitno engil ke isak. Ma aitno engil lokono ke isak e ila wadengen ma due isak.

1 Korin 1:4

Aling pula ngawai itau ke Ida Tapolngon ke umu. Ngawai itau ke iye kesua iye makai umu itau ke ila makaingan batne Yesus Krais dong.

1 Korin 14:6

Sipmi. Ma umeile umu itau ke pelengon ane. Langka ngame ke umu e ngawai ke umu ke tokples gesa ka umeile ine kovok lange ma ngalua umu? Langka ngawaiki ngalua umu ma ngawai ke umu ke Ida Tapolngon ila pelengon ka iye nis ngong ine koke ngakar ilengen itau ke umu koke nganapapra Ida Tapolngon ila pelengon ke umu koke ngaparere umu.

2 Korin 2:14

E eknikane ngakakai Ida Tapolngon angaine tito la egim. Kesua aling aling iye mgo ke imi e iye mole wan ka pula keniye e imedidi iye deka imala ke omur omur e imanapapra Krais ila omon itau e osep tiklingen ine e tile ke iye. E pelengon ka osep tiklingen ine langka amnangan itau ka engen ipue la ke omur omur.

Efesus 1:16

Ngaklingen ine deka alo ari me iding ke eknikane oklou aling aling ngakakai Ida Tapolngon angaine ine. Kesua batne lumu elio tonari itau. E alo ka ngawai itau ke Ida Tapolngon ngapmi iye ke umu.

1 Tesalonaika 3:9

Imawai tenkyu ke Ida Tapolngon kesua iye due aitno limi neser omba batne ke umu. Umodong dagar deka imakakai Ida Tapolngon angaine tito la egim ine.

2 Tesalonaika 1:3

Sipmi. Aling aling imawai tenkyu ke Ida Tapolngon e iye sruk aitno limi ma imawai itau ke umu. E elio ane ka itodue iye elio itau. Kesua aitno lumu ila dagar polou dagar lokono e umu lana umu pulu deka aling aling elio langane res polou omba lokono. E Ida Tapolngon waiki itodue elio langane. E ma imakakai Ida Tapolngon angaine tito la egim ine.

2 Timoti 1:13

Emkis dagar ke pelengon ka ngaparere wom ine e amkana lou elio. Aitno lugom dagar ke Krais Yesus kodong e ngawaiki omdong dagar ine. E ngawaiki wom lana wom ke Ida Tapolngon e ila osep blang.

Filemon 1:4

Lou aten Filemon. Aling aling alo ka ngawai itau ke Ida Tapolngon aitno lungong mter ke wom deka ngawai tenkyu ke iye batne ke wom e ngawai itau ke wom.

Hibru 11:8

Abraham aitno dagar ke Ida Tapolngon. E Ida Tapolngon wai ke iye ma iye songon ila omur e la dong ke omur silang ka mase ma polou ila omur. Deka iye didi Ida Tapolngon aitno e la ke omur silang lama iye ile omur tonari kovok.

Hibru 5:9

Elio tonari polou ke iye deka iye polou gute ka lua osep ke urok elio epmes ina. Deka iye lua osep ka tini iye ke urok elio epmes ina dong vala dong.

1 Pita 1:22

Umedidi pelengon ka lokono e Ida Tapolngon due lumu elio epmes ina noklok la deka umodong itau lokono. E aitno lumu omba e umu lana umu lokono ke Ida Tapolngon ila osua. E ngawaiki umu lana umu omba ke isak.

1 Pita 2:9

E Ida Tapolngon rere umu ma umodong ila osep. E Ida Tapolngon ka vri mgo ke ite e plau ite rere umu ila osep loulou ina. E iye rere umu ila osua ka itau itau lokono. Iye rere umu ila osep kesua iye waiki umanapapra osep pula ke ila elio itau ka iye due. Iye gi umu ma umosongon lumu elio epmes ina e umesep ke ila bublongon ka itau lokono. Ila bublongon tonari itau itau lokono.

1 Pita 3:1

E umu apmang umeini lumu soboget urok pelengon. E ngaile isak leklou aitno lisak dagar ke Ida Tapolngon ila pelengon kovok. E dau umeini isak ma tivati lumu elio itau e lumu elio itau mter aitno lisak ma aitno lisak la dagar ke Ida Tapolngon.

1 Pita 4:17

Taim ka Ida Tapolngon wade osep urok elio isuk isuk polou kodong. E mgo iye wade ila osep urok elio isuk isuk. Deka mase ma iye wade osep ka aitno lisak dagar ke omon itau kovok. Deka lange? Langka iye wade ila osep paide deka wansua ma polou ke osep ka aitno lisak dagar ke iye kovok?

2 Jon 1:4

Ngaklingen titim leklou tididi pelengon lokono langka Pmada wai dagar ine ma itodue. Ngaklingen langane deka aitno lungong neser omba ine.

3 Jon 1:3

Oglou udo osua leklou tipolou ke ngong e tipalongo lou ke lem elio. E tiwai emdidi pelengon lokono. Ngaklingen pelengon are deka aitno lungong neser omba ine.