Pas ka Pol sogoe uti la ke osep Rom ina 6:16 - Aria New Testament

¹⁶ E umeile omur langka umawaiki gute gesa vri mgo ma iye plau umu ma umoklingen ila pelengon e ma umodue ila bokongon. Deka umopolou lumu plaungan tonari ila osep bokongon ina umu. E silang blang langane. Langka umedidi elio epmes ina vala ma elio epmes plau umu e ma umemete ine. E langka umedidi Ida Tapolngon ila elio itau vala ma iye due umu umopolou itau e osuk ke bitna.

Pas ka Pol sogoe uti la ke osep Rom ina 6:16 ပူးပေါင်းရင်းမြစ်များ

Matyu 20:4

E iye wai ke isak langane. ‘Umu blang umala umoboko ke lou yage e ma ngakli umu ke klingen itau.’

Matyu 6:24

“Gute karanga boko ke osep orwo urok bokongon ke aling kene kovok. Aurou. Ma aitno itau ke gute kene e aitno soulu ke gute silang koke iye klingen gute kene ila pelengon e pli gute silang ila pelengon. Umakaranga umoboko ke Ida Tapolngon ila bokongon e umoboko ke mani ke aling kene kovok.”

Jon 8:34

E Yesus koli wai ke isak langane. “Ngawai lokono ke umu langane. Osep ka pula keniye ka tidue elio epmes ina tidong langka wokboi nating ke elio epmes ina.

Pas ka Pol sogoe uti la ke osep Rom ina 11:2

Ke oglou kodong Ida Tapolngon rere isak ila osep. E iye karanga pul dogur ke isak kovok. Lange? Umeile ke basikngen ke gute Elaija ka dong ke Ida Tapolngon ila pelengon kovok? Umeile ine. Elaija wai ke Ida Tapolngon e sin elio vri ke osep Israel ina langane.

Pas ka Pol sogoe uti la ke osep Rom ina 12:1

Sipmi. Ida Tapolngon aitno due ite kodong deka ngawai dagar ke umu langane. Ma umakar pampamu lumu ke Ida Tapolngon langka wan ka ila wan. Alo ka umu dau umodong ma umodong langka Ida Tapolngon ila osep ka itau lokono ma umodue elio itau ka Ida Tapolngon aitno itau ine. Umodue langane deka elio ka langane langka aitno lumu la dagar ke Ida Tapolngon vala.

Pas ka Pol sogoe uti la ke osep Rom ina 6:17

Oglou elio epmes ina plau umu e umodue elio epmes ina bitna bitna vala. Mase osep tiparere umu ke Ida Tapolngon ila pelengon deka aitno lumu la dagar ine. Aitno lumu dong dagar ine e ngakakai Ida Tapolngon angaine tito ine.

1 Korin 3:16

Umeile umu Ida Tapolngon ila ninu e Ano Itau dong ke aitno lumu kovok? Aurou. Umeile ine.

1 Korin 5:6

Lumu elio ka umakakai angainmu soulu lokono. Batne lange? Umeile yis sasi boto vala karanga due bret pula song polou omba kovok?

1 Korin 6:2

Lange? Umeile langane kovok? Ida Tapolngon ila osep ma tiwade osep ka tidong ke taklak ane urok elio. E langka umodue langane ina lange umakaranga umawade elio isuk isuk ka polou airavu ke umu tona kovok?

1 Korin 6:3

Umeile mase ma itawade ensel urok elio blang. E langka itodue langane itakaranga itawade pelengon ke wan bitna bitna ka taklak ane ina.

1 Korin 6:9

Umeile langane. Osep ka tidue elio soulu ma tikaranga tisep ke Ida Tapolngon ila omur kovok. Deka umayak umu pulu ine kovok. Osep ka tidue okwa e osep ka aitno lisak la ke sapingen e osep ka tisu apmang pasinga e osep ka tidue elio ka soulu langka isak mnak isak ine ke osep leklou. Langka arang tidue elio kap arang e apmang tidue elio kap apmang.

1 Korin 9:13

Umeile langane itau kovok i? Osep ka tidue bokongon ke Ida Tapolngon ila ninu tidue inarak ngangon ke urok bokongon tonari. E osep ka tiboko ke bota opmu ina tidue ongwa okurne leklou ka tidue elio opmu ina ine ke osep ma inarak ngangon.

1 Korin 9:24

Umeile langane. Osep ka tidue resis isak keniye tisuong dagar e dau gute kene vala due prais. E umu blang umosuong dagar ma umodue prais.

2 Pita 2:19

Osep parerengen yakngan ina tiwai ke osep tonari ma tidong fri e dau isak tona tidong langka wokboi nating ke urok elio soulu ka plau isak. Kesua wan ka mole gute gesa karanga plau iye blang.