Pas ka Pol sogoe uti la ke osep Rom ina 5:7 - Aria New Testament

⁷ Langka itosep itakaranga itemete ma udo metengen kasip gute silang blang ina metengen kovok. Kesua itosep itakasip amunte pulu langane kovok. Langka gute itau mete ma gute silang blang ma kasip amune e mete ine? Aurou. Ma iye blang mete vala. E silang blang langane. Langka gute gesa ka oglou iye lua itosep aling pula mete. Ma gute silang blang kasip amune e mete ine koke aurou? Aurou. Sei ile?

Pas ka Pol sogoe uti la ke osep Rom ina 5:7 ပူးပေါင်းရင်းမြစ်များ

Matyu 13:15

Kesua osep aitno lisak tikaranga timter itau kovok e talsak tiklingen isuk boto vala e tikading amtarsak. Lama amtarsak tivati wan e talsak tiklingen wan e aitno lisak timter itau e tiding ke ngong ka Inarak Tapolngon e ngadue isak tidong itau.’”

Jon 15:13

Langka gute lana iye ke osep e iye pli tarna e mete ma iye lua ila saten deka iteile omur iye lana iye lokono ke osep. E elio tonari mole elio ka pula keniye leklou ka osep lana isak ke osep leklou.

Aposel 11:24

Barnabas wai langane kesua ila elio isuk isuk itau. Aitno dagar lokono ke Yesus e Ano Itau plau iye itau. Alo ari osep pula leklou aitno lisak la dagar ke Ida Puda blang.

Pas ka Pol sogoe uti la ke osep Rom ina 16:4

Aitno lisak omba lokono ma tiwaiki tilua ngong. E tiulou tarna lisak ke osep ka tiwaiki timke isak kovok. Aurou. Tilua ngong vala. E ngong kap Ida Tapolngon ila osep ka isak osep Yuda ina kovok imawai aitno limi itau ke isak.

Pas ka Pol sogoe uti la ke osep Rom ina 5:6

Oglou elio epmes ina kading itosep. E ari iteile ke ekreng itau gesa ka karanga lua ite ma itomole udo elio epmes ina kovok. Ari Ida Tapolngon didi aitno e pagei Yesus me polou ke ite ma ina metengen kli udo elio epmes ina.

Pas ka Pol sogoe uti la ke osep Rom ina 5:8

Yesus ulou ke ina metengen ka kasip amunte kovok. Aurou. Iye mete vala. Oglou ari itosep ka pula keniye ite osep epmes ina e itodue elio epmes ina vala. E ari Ida Tapolngon pagei Yesus me polou ke ite ma kasip amunte. E Yesus kasip amunte e mete batne ke udo elio epmes ina. Kesua Ida Tapolngon lana iye ke itosep ka pula keniye.

1 Jon 3:16

Yesus lana iye ke ite e pli tarna deka mete ma lua ite. E ila elio tonari nis ite ke elio ka ma ite lana ite ke sudo. Ma itepli tarna lite ma itolua osep leklou.