Pas ka Pol sogoe uti la ke osep Rom ina 5:6 - Aria New Testament

⁶ Oglou elio epmes ina kading itosep. E ari iteile ke ekreng itau gesa ka karanga lua ite ma itomole udo elio epmes ina kovok. Ari Ida Tapolngon didi aitno e pagei Yesus me polou ke ite ma ina metengen kli udo elio epmes ina.

Pas ka Pol sogoe uti la ke osep Rom ina 5:6 ပူးပေါင်းရင်းမြစ်များ

Pas ka Pol sogoe uti la ke osep Rom ina 11:26

Ke elio tonari ma Ida Tapolngon due osep Israel ina keniye tibauluk ke iye e lua isak ke urok elio epmes ina langka ila pelengon wai ine. Ida Tapolngon ila pelengon wai langane. “Gute ka lua osep Israel ina ma polou ke omur Saion ma iye me e lua Jekop ila napakngan keniye ke urok elio epmes ina.”

Pas ka Pol sogoe uti la ke osep Rom ina 4:25

Oglou Yesus mete batne ma iye kli udo elio epmes ina. E Ida Tapolngon due poga tito ke ina denga. Deka iye due ite ka aitno lite dagar ine itopolou itau e osuk ke bitna.

Pas ka Pol sogoe uti la ke osep Rom ina 4:5

E langka aitno lite dagar ke Ida Tapolngon vala ma iye due ite itopolou itau e osuk ke bitna. Iye lua ite langane lama oglou udo elio soulu lokono.

Pas ka Pol sogoe uti la ke osep Rom ina 5:10

Oglou Ida Tapolngon ina oul itosep. E ari iye due Otno Arang ma iye kasip amunte. E elio ka iye due Otno Arang kasip amunte due aitno epen ke ite ma iye due mada ke ite. Iye due mada ke lite e due ite itopolou sisrok batne ke Yesus ka lua ite kodong iye dong.

Pas ka Pol sogoe uti la ke osep Rom ina 5:7

Langka itosep itakaranga itemete ma udo metengen kasip gute silang blang ina metengen kovok. Kesua itosep itakasip amunte pulu langane kovok. Langka gute itau mete ma gute silang blang ma kasip amune e mete ine? Aurou. Ma iye blang mete vala. E silang blang langane. Langka gute gesa ka oglou iye lua itosep aling pula mete. Ma gute silang blang kasip amune e mete ine koke aurou? Aurou. Sei ile?

Pas ka Pol sogoe uti la ke osep Rom ina 5:8

Yesus ulou ke ina metengen ka kasip amunte kovok. Aurou. Iye mete vala. Oglou ari itosep ka pula keniye ite osep epmes ina e itodue elio epmes ina vala. E ari Ida Tapolngon pagei Yesus me polou ke ite ma kasip amunte. E Yesus kasip amunte e mete batne ke udo elio epmes ina. Kesua Ida Tapolngon lana iye ke itosep ka pula keniye.

Pas ka Pol sogoe uti la ke osep Rom ina 8:32

Oglou Ida Tapolngon dangdang Otno Arang Yesus ke itosep kovok. Aurou. Iye pagei Yesus me polou ke ite ma iye kere itosep ka pula keniye ke elio itau lokono. E aitno lumu lange? Ida Tapolngon lua ite ke Yesus kodong deka mase ma iye songon ite? Ma iye lua ite kovok? Aurou. Ma iye lua ite itau lokono vala. Ila luangan dong vala dong ke ite.

Pas ka Pol sogoe uti la ke osep Rom ina 8:34

Ma sinngen elio keniye tibure vala. Kesua Yesus Krais mete e kasip amunte kodong. Ari Ida Tapolngon due poga tito ke ina denga deka eknikane iye lua ite e dong ke Ida Tapolngon limla odung e loulou ke ite.

Galesia 2:20

E ke elio ka eknikane ngadong itau kap Ida Tapolngon ngamana kap Ida Puda Yesus Krais ke ina akai kodong e ngamete kap iye. Deka ngadue mosongon oku. E mosongon tonari lou mosongon kovok. Aurou. Krais dong ke aitno lungong deka lou elio isuk isuk e lou bokongon ka ngadue ke taklak ngadue ke aitno lungong ila dagar vala. Aitno lungong dagar ke Ida Tapolngon Otno Arang e aitno itau lokono ke ngong e iye soro pampamu ine ma lua ngong.

Galesia 4:4

E alo ka Ida Tapolngon rere iye pagei Otno Arang me. Apmang divir iye e iye polou gute e dong moli ke Moses ila sogongon.

Efesus 5:2

Krais lana iye ke ite omba deka iye mana ke ina akai e mete ine. Iye pli tarna e polou langka sipsip gesa ka osep tidue elio opmu ina ine deka iye mete. Deka ina metengen e ina marau bakop Ida Tapolngon aitno e aitno itau ine. Deka umu lana umu ke osep eriar langka Krais lana iye ke umu. Ma lumu elio tonari langka amnangan itau lokono ka Ida Tapolngon aitno itau ine.

Kolosi 2:13

Oglou umodue elio soulu bitna bitna e umedidi elio ke aitno lumu oglou ina deka ke elio tonari langka anmu timete. E Ida Tapolngon due umu umodue lumu mosongon oku ina kap Krais deka Ida Tapolngon klok lumu elio epmes ina la.

1 Tesalonaika 5:9

Ida Tapolngon rere ite ma itanamani aitno ila engil kovok. Iye rere ite ma Ida Puda Yesus Krais lua ite ke udo elio epmes ina.

1 Timoti 1:9

Bokongon ka Moses ila sogongon due langka lua osep ka tidue elio itau kovok. Aurou. Ane ma lua osep ka tipul dogur ke Moses ila sogongon e tididi elio ka aitno lisak vri ke isak vala. E lua osep ka tipul dogur ke Ida Tapol-ngon e tidue elio epmes ina. E lua osep ka tididi Ida Tapolngon ila pelengon kovok e tididi ilengen ka taklak ina vala. Moses ila sogongon langka wai dagar ke osep ka timluk sipmarak e titnarak ma timete e osep ka tipagam osep.

Taitus 2:12

Ida Tapolngon ila makaingan nis ite ke elio ka itopul dogur ke elio ka Ida Tapolngon aitno soulu ine. E nis ite ma itepli elio soulu bitna bitna ka taklak ane ina. E nis ite ma itaplau ite itau e itodue elio itau vala ka Ida Tapolngon aitno itau ine alo ka itodong ke taklak ane.

Hibru 8:3

Oglou Ida Tapolngon rere osep loulou ina ka mgo ma tipaur wan ke Ida Tapolngon e tidue elio opmu ina ine. E oku ane Yesus ka udo gute loulou ina ka mgo iye blang ma paur wan ke Ida Tapolngon.

Hibru 9:26

Langka Krais mete aling pula nogrum ke alo ka Ida Tapolngon tapol wan ka pula keniye lila me iye namani doro aling pula. E alo ane iye polou ke taklak aling kene vala isuk boto ke taim ka Ida Tapolngon due wan ka pula keniye yagos. E iye kar iye tona ke Ida Tapolngon langka wan ka osep tidue elio opmu ina ine ma iye klok osep urok elio epmes ina.

1 Pita 1:20

Oglou alo ka Ida Tapolngon dau tapol wan gesa kovok iye rere Krais ma iye polou Ida Luangan. Deka ke taim ane alo ka wan ka pula keniye isuk boto yagos Ida Tapolngon due Krais polou malak.

2 Pita 3:7

E eknikane Ida Tapolngon para ma iye due taklak e sirva ka dau dong tipolou yagos. Mase ma iye wade osep ka pula keniye e due agegeng ke osep ka tipul dogur ke iye. Deka alo ari iye ma wai e eiou ma ngen taklak e sirva yagos la.

Pas ka Jut sogoe 1:15

Iye me ma iye wade osep soulu bitna ka pula keniye ke urok elio soulu ka tidue. Iye ma wade isak ke urok elio soulu ka tipul dogur ke Ida Tapolngon e ke urok pelengon soulu ka tiluk Ida Tapolngon ine.”

Pas ka Jut sogoe 1:18

Tiwai ke umu langane. “Mase alo ka isuk boto wan keniye yagos osep ma tipolou e tidue apok ke umu. Ma tipul dogur ke Ida Tapolngon e tididi aitno lisak ke elio soulu vala.”

Pas ka Jut sogoe 1:4

E oku ane osep yakngan ina leklou tisep ke sios. Ke oglou kodong Ida Tapolngon wai ke isak ma tikluk ke omur hel. Osep tonari tipul dogur ke Ida Tapolngon e tiwaiki tipalele ila makaingan deka tiwai langane. “Langka itodue elio epmes ina bitna bitna are wan gesa kovok kesua Ida Tapolngon ma makai ite.” Tiwai langane e tipul dogur ke Ida Puda Yesus Krais ka iye Ida Plaungan.