Pas ka Pol sogoe uti la ke osep Rom ina 5:3 - Aria New Testament

³ Aitno lumu lange? Ma elio ka opru polou ke ite e ma aitno lite kro ine? Aurou. Ma aitno lite kro ine kovok. Ma itakakai Ida Tapolngon angaine tito ine vala. Ma itakakai angaine tito ine kesua iteile elio ka opru ite ma due aitno lite tipolou dagar lokono.

Pas ka Pol sogoe uti la ke osep Rom ina 5:3 ပူးပေါင်းရင်းမြစ်များ

Luk 21:19

E langka umodong dagar ke aitno lumu ila dagar ma umodue lumu mosongon ka dong vala dong.”

Aposel 5:41

Deka osep aposel tisongon osep kaunsil ina amtarsak e kla ke dogur. E aitno lisak itau ke Ida Tapolngon kesua iye rere isak e tinamani agegeng ka polou ke isak batne aitno lisak dagar ke Yesus.

Pas ka Pol sogoe uti la ke osep Rom ina 5:11

E silang blang langane. Aitno lite itau lokono ke Ida Tapolngon. Kesua iye due mada ke ite e itopolou sisrok batne ke Ida Puda Yesus Krais.

Pas ka Pol sogoe uti la ke osep Rom ina 8:23

E ite ka titno lokono aitno lite kro ine blang. Aitno lite kro ine kesua itapara ke alo ka itodong kap Ida Tapolngon. Iye kar Ano Itau ke ite kodong e itapara ke alo ka iye due pampamu lite tipolou itau lokono.

Pas ka Pol sogoe uti la ke osep Rom ina 9:10

Silang blang langane. Rebeka divir titno arang orwo ka pmarak gute kene ka Aisak ka udo apa.

2 Korin 4:17

Imeile elio ka polou ka opru imi tidong isuk boto vala e isak wan gesa kovok. Elio tonari kere imi ma imodue mosongon ka itau lokono ka dong vala dong. E mosongon tonari mole wan ka pula keniye.

2 Korin 8:19

E silang blang sios tonari tirere iye ma iye la kap imi e lua imi alo ka imogom mani e imakalke la ke Jerusalem. Imodue bokongon tonari ma osep tikakai Ida Puda angaine tito la egim e silang blang ma imenis osep imawaiki imolua isak.

Efesus 3:13

E langane. Umeile omur osep tidue elio soulu bitna bitna ke ngong kesua batne ngaboko ke Ida Puda ila bokongon ma lou bokongon lua umu. E ngawai ke umu ma aitno lumu kro ine kovok. Kesua elio bitna bitna ka opru ngong karanga lua umu e aitno lungong itau ine.

Filipai 1:29

Ida Tapolngon due elio itau ke umu kodong e aitno lumu la dagar ine. E silang blang Ida Tapolngon songon umu ma umanamani elio ka opru umu batne ke Krais.

Jems 1:12

Gute ka vri dagar alo ka wan polou ka opru iye ma Ida Tapolngon aitno itau ke iye e kere iye itau. Kesua mase ma Ida Tapolngon kar iye wan itau langka osep ka timole resis tidue. Wan ane mosongon itau ka iye wai promis ine ke osep ka isak lana isak ke iye.

1 Pita 3:14

E langka umodue elio itau vala e osep dau tidue elio soulu ke umu ine Ida Tapolngon ma kere umu itau. Umelim ke isak kovok e aitno lumu kro ine kovok.