Pas ka Pol sogoe uti la ke osep Rom ina 5:18 - Aria New Testament

¹⁸ E silang blang langane. Oglou gute kene Adam dong e due elio kene ka mgo ke elio epmes ina ka pula keniye. Deka elio epmes ina duru dong ke itosep ka pula keniye. E udo elio epmes ina bitna bitna tivri ke ite. La lama mase dau tauni gute silang me polou ke ite e ari iye due elio kene ka karanga lua osep ka pula keniye ma tipolou itau e osuk ke Ida Tapolngon bitna. E osep ka tipolou itau e osuk ke Ida Tapolngon bitna urok mosongon itau lokono.

Pas ka Pol sogoe uti la ke osep Rom ina 5:18 ပူးပေါင်းရင်းမြစ်များ

Jon 1:7

Iye me ma iye palongo osep ke bublongon tonari ma tiklingen ila pelengon e aitno lisak la dagar ke bublongon.

Jon 12:32

E oku ane ngadong ke taklak e mase ma osep tidue burwa ke ngong e tidue ngong ngamana ke ngau akai. E ma ngadada osep ka pula keniye time ke ngong.”

Jon 3:26

Deka isak kla ke Jon e tiwai langane. “Rabai gute ka amwai ke osep ine alo ka iye dong kap wom ke aki Jordan burla iye paunim osep blang. E osep pula pula isak kla ke iye.”

Aposel 13:39

Iye lua osep ka pula keniye ka aitno lisak dagar ke iye ke urok elio epmes ina e due noklok la. E pelengon dagar ka Moses kare ke osep karanga due elio epmes ina noklok la kovok.

Pas ka Pol sogoe uti la ke osep Rom ina 3:25

Ida Tapolngon rere Yesus ma iye polou Ida Kasipngen ma ina metengen e ina marau kasip amunte. E Ida Tapolngon due osep ka pula keniye ka aitno lisak la dagar ke iye urok elio epmes ina noklok la. Ida Tapolngon rere Yesus Ida Kasipngen kesua iye waiki osep ka pula keniye tile omur ke ila elio itau lokono. Oglou alo ka Ida Tapolngon vati osep ka pula keniye urok elio epmes ina lokono iye koli urok elio kovok. Aurou. Iye dong tauni ine vala.

Pas ka Pol sogoe uti la ke osep Rom ina 4:25

Oglou Yesus mete batne ma iye kli udo elio epmes ina. E Ida Tapolngon due poga tito ke ina denga. Deka iye due ite ka aitno lite dagar ine itopolou itau e osuk ke bitna.

Pas ka Pol sogoe uti la ke osep Rom ina 5:12

Oglou ari Adam due elio epmes ina gesa ka mgo ke elio epmes ina ka pula keniye. Deka ari elio epmes ina e metengen duru dong ke iye. Deka elio epmes ina e metengen tonari pakes duru ke itosep ka pula keniye. Kesua batne elio epmes ina ka mgongon ka Adam due.

Pas ka Pol sogoe uti la ke osep Rom ina 5:15

E Adam ka mgo ke ite e gute ka mase dau tauni me polou ke ite urok elio la pulu kovok. Kesua oglou Adam due elio epmes ina. Deka osep ka pula keniye ka tipolou batne ke iye timete batne ke elio epmes ina tonari ka iye due. E gute Yesus due elio epmes ina gesa langka oglou Adam due kovok. Aurou. Yesus me polou ke ite e lua ite vala e dong itau vala. Deka Ida Tapolngon due ila makaingan polou ke osep ka pula keniye e lua isak ke urok elio epmes ina. Iye lua osep langane batne ke gute kene Yesus Krais vala.

Pas ka Pol sogoe uti la ke osep Rom ina 5:19

Oglou gute kene Adam dar Ida Tapolngon ila pelengon deka itosep ka pula keniye itopolou osep epmes ina ine. E mase dau tauni Yesus me dong e didi Ida Tapolngon ila pelengon keniye. E eknikane Ida Tapolngon due itosep pula itopolou itau e osuk ke bitna. Kesua batne oglou Yesus didi ila elio keniye vala.

Pas ka Pol sogoe uti la ke osep Rom ina 6:14

Umadangdang elio epmes ina ma iye dong upu puda kovok. Kesua eknikane umedidi elio langka Ida Tapolngon ila makaingan. E umedidi Moses ila sogongon kovok.

1 Korin 15:22

Eriar langka osep ka pula keniye ka tidong ke Adam ila osua timete deka osep ka pula keniye ka tidong ke Krais ila osua ma tipoga titito ke inarak denga.

Hibru 2:9

Iteile oglou Ida Tapolngon due Yesus polou langka itosep e ke sasi boto vala iye dong moli ke ensel. Ida Tapolngon due elio langane kesua batne iye makai ite e Yesus mete e kasip amunte. E eknikane Ida Tapolngon kakai Yesus angaine tito la egim e osep tidue anit ke iye.

2 Pita 1:1

Ngong Saimon Pita ngong Yesus Krais ila wokboi nating e ila aposel gesa. Iye Ida Tapolngon e Ida Luangan blang. Iye due elio itau e osuk e kar ila elio tonari ke ite ma aitno lite la dagar ine. Ngasogo pas ane uti ke umu ka aitno lumu ila dagar eriar langka aitno limi ila dagar.

1 Jon 2:20

E Ida Tapolngon due Ano Itau sep ke aitno lumu kodong e umu keniye umeile pelengon ka lokono.