Pas ka Pol sogoe uti la ke osep Rom ina 4:18 - Aria New Testament

¹⁸ Oglou alo ka Ida Tapolngon wai dagar ke Abraham ma esna divir otno arang ari Abraham aitno orwo ine kovok. Aurou. Aitno dagar ine lama tipolou lapun kodong e lama tikaranga tidivir titorok gesa kovok. Lama tipolou lapun kodong Abraham aitno dau dagar lokono ke Ida Tapolngon ila promis ma ila napakngan tipolou pula pula.

Pas ka Pol sogoe uti la ke osep Rom ina 4:18 ပူးပေါင်းရင်းမြစ်များ

Luk 1:18

Deka Sekaraia wai ke ensel langane. “Lange ka ngakaranga ngaile lem pelengon lokono? Kesua ngong lapun kodong e lou asap ina tobor pula blang.”

Aposel 27:25

Deka umoulou tarna lumu kovok. Aitno lungong dagar ke Ida Tapolngon ma elio polou ke ite eriar langka ngaklingen ine kodong.

Pas ka Pol sogoe uti la ke osep Rom ina 4:17

Oglou Moses sogo Ida Tapolngon ila pelengon palma ka la ke Abraham. Iye sogo oglou Ida Tapolngon wai dagar ke Abraham langane. “Ma ngadue wom ompolou osep pula pula pmarak.” Ida Tapolngon ila promis pelengon lokono vala. Alo ari Abraham klingen ine e lokono aitno la dagar ke iye. Aitno dagar ke Ida Tapolngon ka karanga due osep ka timete kodong ma tipoga titito ke inarak denga. Aitno dagar ke Ida Tapolngon ka karanga wai deka wan ka oglou dong kovok ma polou.

Pas ka Pol sogoe uti la ke osep Rom ina 4:19

Abraham dong la lama ina tobor isuk boto buno kene e ari iye dau divir otno gesa kovok. Lama ari iye dau divir otno arang kovok aitno dau dagar ke Ida Tapolngon ila pelengon dagar. Aitno dau dagar ke Ida Tapolngon ila pelengon dagar lama ari esna Sara dau opon.

Pas ka Pol sogoe uti la ke osep Rom ina 5:5

Deka elio ka itapara ke alo ka itodong kap iye ma la adai kovok. Aurou. Ma elio tonari polou lokono vala deka ma itodong itau kap iye. Kesua iye nis ite kodong iye lana iye ke ite alo ka iye tuktuk Ano Itau karanga ke ite kente kente.

Pas ka Pol sogoe uti la ke osep Rom ina 8:24

Aitno lite la dagar ke Ida Tapolngon deka iye lua ite. E aitno lite dagar ma iye due pampamu lite tipolou itau lokono. E iye due pampamu lite tipolou itau lokono dau kovok. E dau itapara ine.

Hibru 6:19

Elio ka itodong itapara ke wan itau ka Ida Tapolngon wai ine lua aitno lite ma aitno lite ila dagar dong langka anka omba ka lua sip lama boitini bakule. Deka aitno lite ila dagar ma dong dagar vala e itala itesep ke eliang daudeng ka dong batne ke molo ka botom lokono.