Pas ka Pol sogoe uti la ke osep Rom ina 4:13 - Aria New Testament

¹³ Oglou ari Ida Tapolngon wai promis ke Abraham ma omur ka pula keniye polou ina omur. Iye wai ila promis la ke Abraham gosok ila napakngan blang. Aitno lumu lange? Ida Tapolngon wai ila promis ke Abraham kesua Abraham didi Moses ila sogongon koke aurou? Aurou. Ida Tapolngon wai ila promis ke Abraham kesua Abraham aitno dagar ke iye vala. E ari Ida Tapolngon due polou itau e osuk ke bitna.

Pas ka Pol sogoe uti la ke osep Rom ina 4:13 ပူးပေါင်းရင်းမြစ်များ

Aposel 13:32

“Eknikane imawai ke umu ke omon itau ka la ke Ida Tapolngon ila promis ke oglou iye wai ke udo seia. Deka ke ite ka urok napakngan eknikane ila promis tonari polou lokono. Iye due Yesus poga tito ke ina denga eriar langka oglou ila pelengon ka dong ke Buk Song sapta orwo wai ine. Pelengon tonari wai langane. ‘Eknikane wom tona erigu wom e abo ngong.’”

Pas ka Pol sogoe uti la ke osep Rom ina 4:12

E silang blang langane. Itosep Yuda ina ka itedidi elio ulangngan ina pmada Abraham blang. Aitno lumu lange? Ina lange itosep Yuda ina pmada Abraham? Pmada Abraham kesua itedidi elio ulangngan ina vala? Aurou. Iye pmada kesua aitno lite la dagar ke Ida Tapolngon eriar langka oglou Abraham aitno dagar ine. Oglou alo ka iye dau didi elio ulangngan ina kovok aitno dagar ke Ida Tapolngon ila pelengon vala.

Pas ka Pol sogoe uti la ke osep Rom ina 9:8

E langane. Abraham ila napakngan leklou Ida Tapolngon titno kovok. E Abraham ila napakngan ka tipolou kesua batne ke Ida Tapolngon wai dagar ke Abraham ine iye vati isak kensak kensak langka Abraham ila napakngan lokono.

Galesia 3:29

E langka umodong ke Krais ila osua umodong langka Abraham titno blang. E ma umodue wan ka oglou Ida Tapolngon wai dagar ine ke Abraham deka iye kare ke Abraham.

Hibru 11:7

Noa aitno dagar ke Ida Tapol-ngon e Ida Tapolngon palongo iye ke wan ka mase ma polou ka iye ile ine kovok. Ida Tapolngon wai deka Noa due anit ke iye e uri sip ombatno ma iye kap ila osua tidong itau ine. Noa aitno dagar deka ila elio tonari nis osep ka tidong ke taklak urok elio soulu. E Noa polou itau e osuk ke Ida Tapolngon bitna langka osep leklou ka aitno lisak dagar ke iye.

Hibru 7:6

E gute Melkisedek polou ke gute Livai ila osua kovok e dau iye due emkil songotno ina ke Abraham. Ida Tapolngon kar promis ke Abraham e dau Melkisedek wai ila kerengen duru dong ke iye.