Pas ka Pol sogoe uti la ke osep Rom ina 4:11 - Aria New Testament

¹¹ Oglou Abraham aitno dagar lokono ke Ida Tapolngon kodong deka lokono Ida Tapolngon due polou itau e osuk ke bitna. Iye polou itau e osuk ke bitna e mase Ida Tapolngon kar iye elio ulangngan ina. E elio ulangngan ina nisngen gesa ka nis osep Ida Tapolngon aitno itau ke Abraham. Aitno itau ke iye kesua oglou Abraham aitno la dagar ke iye. E eknikane osep ka pula keniye ka aitno lisak dagar ke Ida Tapolngon e tipolou itau e osuk ke bitna pmarak Abraham. Iye pmarak lama oglou tididi elio ulangngan ina kovok.

Pas ka Pol sogoe uti la ke osep Rom ina 4:11 ပူးပေါင်းရင်းမြစ်များ

Matyu 16:16

E Saimon Pita wai langane. “Wom gute Krais ka Ida Tapolngon rere ma iye lua osep ke urok elio epmes ina. Wom Ida Tapolngon ka dong vala dong Otno Arang.”

Matyu 8:11

Mase osep pula ma time ke omur ka oklou tito ine e omur ka oklou duru ine e tidong e tingen ngangon kap Abraham e Aisak e Jekop ke omur heven ka Ida Tapolngon plaue.

Luk 19:9

E Yesus wai ke iye langane. “Eknikane Ida Tapolngon lua osep ka tidong ke ninu ane ke urok elio epmes ina. Kesua wom blang Abraham ila napakngan gesa.

Jon 3:33

Gute ka klingen ila pelengon e aitno dagar ke iye ane langka iye wai langane. ‘Ida Tapolngon ila pelengon iye pelengon lokono.’

Jon 3:36

Osep seisei ka aitno lisak la dagar ke Ida Tapolngon Otno Arang ma tidue urok mosongon ka dong vala dong. E osep seisei ka tipli iye ma tidue mosongon ka dong vala dong kovok e Ida Tapolngon aitno ila engil ma dong ke isak.”

Jon 6:35

Deka Yesus wai ke isak langane. “Ngong bret ka kar mosongon ke osep. Gute sei ka me ke ngong ma sapanga due kovok e gute sei ka aitno la dagar ke ngong ma aki vel iye kovok.

Jon 6:40

E Livou aitno langane. Osep seisei ka tivati Otno Arang e aitno lisak la dagar ke iye ma tidue urok mosongon ka dong vala dong. E ma ngadue isak titito e tidong blang ke oklou ka Ida Tapolngon wade osep ka pula keniye urok elio ine.”

Jon 6:47

Ngawai lokono ke umu langane. Gute ka aitno dagar ke ngong ma iye due mosongon ka dong vala dong.

Jon 8:33

Deka tikoli ke iye tiwai langane. “Imi Abraham ila napakngan e oglou imodong wokboi nating ke osep leklou kovok. Ina lange amwai ma imopolou fri?”

Pas ka Pol sogoe uti la ke osep Rom ina 10:11

Ida Tapolngon ila pelengon wai osep keniye ka aitno lisak dagar ke Inarak Luangan Yesus ma isak mnak isak ine kovok.

Pas ka Pol sogoe uti la ke osep Rom ina 10:4

Krais polou ke ite kodong deka ari iye due Moses ila sogongon ka oglou plau ite ila arit polou yagos. Deka plau ite kovok. E Ida Tapolngon due osep ka aitno lisak dagar ke Krais tipolou itau e osuk ke bitna.

Pas ka Pol sogoe uti la ke osep Rom ina 10:6

E Ida Tapolngon ila pelengon wai itopolou itau e osuk ke bitna kesua aitno lite ila dagar la dagar ke iye. Deka lange? Ma itawai ke aitno lite langane kovok. “Sei ma tito ke omur heven e due Krais duru polou ke ite?”

Pas ka Pol sogoe uti la ke osep Rom ina 3:22

Eknikane elio kene vala dong ka Ida Tapolngon didie e due osep tipolou itau e osuk ke bitna. Iye due osep ka pula keniye ka aitno lisak la dagar ke Yesus Krais tipolou itau e osuk ke bitna. Iye due ila elio kene langane ke osep ka pula keniye.

Pas ka Pol sogoe uti la ke osep Rom ina 3:26

Mase iye pagei Yesus ka Ida Kasipngen polou ke ite. Kesua iye waiki iteile omur ke ila elio itau lokono. E eknikane iye due osep ka pula keniye ka aitno lisak dagar ke Yesus tipolou itau e osuk ke bitna. Kesua iye tona itau lokono.

Pas ka Pol sogoe uti la ke osep Rom ina 3:30

Ida Tapolngon iye kene vala dong. E osep ka pula keniye ka aitno lisak dagar ke iye ma iye due isak tipolou itau e osuk ke bitna langka tididi elio ulangngan ina koke tididi elio ulangngan ina kovok.

Pas ka Pol sogoe uti la ke osep Rom ina 4:10

Aitno lumu lange? Alo ari Abraham due elio ulangngan ina kodong deka Ida Tapolngon due polou itau e osuk ke bitna? Aurou. Ida Tapolngon due Abraham polou itau e osuk ke bitna mgo e mase Abraham due elio ulangngan ina.

Pas ka Pol sogoe uti la ke osep Rom ina 9:30

E aitno lite lange ke elio tonari? Kesua oglou ari osep ka isak osep Yuda ina kovok tikrim ekreng ma tipolou itau e osuk ke Ida Tapolngon bitna kovok. Lama langane Ida Tapolngon due isak tipolou itau e osuk ke bitna kesua aitno lisak dagar ke iye.

Pas ka Pol sogoe uti la ke osep Rom ina 9:33

E elio tonari eriar langka Ida Tapolngon ila pelengon ano ka wai langane. “Osep umoklingen. Ngadue opmu gesa dong ke omur Saion e osep pula kamsak tinepir ine e tigene ine. E osep keniye ka aitno lisak dagar ine ma aitno lisak soulu ine kovok. Aurou. Ma aitno lisak itau ine vala.”

Pas ka Pol sogoe uti la ke osep Rom ina 9:6

Gute Israel ila napakngan isak keniye Ida Tapolngon ila osep kovok. Lama langane Ida Tapolngon ila pelengon dagar ka la ke isak dau dong lokono.

2 Korin 1:22

Iye due ila nisngen ke ite ka nis osep ite ila osep ite e iye kar Ano Itau ke ite ka dong ke aitno lite. Deka iteile omur ma iye kar wan ka itau lokono ke ite kesua Ano Itau dong ke aitno lite.

Galesia 3:22

Ida Tapolngon ila pelengon wai elio epmes ina due ite ka pula keniye ka itodong ke taklak itodong langka itodong ke kalabus. E Ida Tapolngon songon elio tonari polou ma aitno lite dagar ke Yesus Krais. Deka ma itodue wan ka Ida Tapolngon wai dagar kodong ka ma iye kare ke osep ka aitno lisak dagar ke iye.

Galesia 3:29

E langka umodong ke Krais ila osua umodong langka Abraham titno blang. E ma umodue wan ka oglou Ida Tapolngon wai dagar ine ke Abraham deka iye kare ke Abraham.

Galesia 3:7

E umeile langane. Osep ka aitno lisak dagar ke Ida Tapolngon isak Abraham titno lokono.

Galesia 5:5

Ke Ano Itau ila arit aitno lite dagar ke Ida Tapolngon e itapara ma iye sir ite osep itau.

Galesia 6:16

Ida Tapolngon aitno due osep ka tididi elio langane e iye due aitno lisak tidong epen. Isak Ida Tapolngon ila osep ka osep Israel ina lokono.

Efesus 1:13

E umu blang alo ka umo-klingen Ida Tapolngon ila pelengon lokono ka omon itau aitno lumu la dagar ine. Deka Ida Tapolngon lua umu ke lumu elio epmes ina e umeneklep ke Krais. Deka iye tuk Ano Itau me dong ke aitno lumu. Are eriar langka nisngen umu ila osep umu langka oglou iye wai dagar ine.

Efesus 4:30

Umodue elio soulu ka due Ida Tapolngon Ano Itau kro ine kovok. Kesua Ida Tapolngon due Ano Itau sep ke aitno lumu deka iye rere umu ila osep umu. E Ano Itau ka dong ke aitno lumu iye nisngen umu Yesus ila osep. Deka mase ma Ida Tapolngon due umu ka Ano Itau dong ke aitno lumu ma lumu elio epmes ina munu pes umu kovok e umodong kap iye.

Filipai 3:9

Ngadong kap Krais e ngadong itau e osuk ke Ida Tapolngon bitna batne ke elio ka ngadidi Moses ila sogongon kovok. Aurou. Eknikane ngadong itau e osuk batne aitno lungong la dagar ke Krais. Elio ka Ida Tapolngon due ngong ngadong itau ke bitna batne aitno lungong la dagar ke Krais.

Hibru 11:7

Noa aitno dagar ke Ida Tapol-ngon e Ida Tapolngon palongo iye ke wan ka mase ma polou ka iye ile ine kovok. Ida Tapolngon wai deka Noa due anit ke iye e uri sip ombatno ma iye kap ila osua tidong itau ine. Noa aitno dagar deka ila elio tonari nis osep ka tidong ke taklak urok elio soulu. E Noa polou itau e osuk ke Ida Tapolngon bitna langka osep leklou ka aitno lisak dagar ke iye.

2 Pita 1:1

Ngong Saimon Pita ngong Yesus Krais ila wokboi nating e ila aposel gesa. Iye Ida Tapolngon e Ida Luangan blang. Iye due elio itau e osuk e kar ila elio tonari ke ite ma aitno lite la dagar ine. Ngasogo pas ane uti ke umu ka aitno lumu ila dagar eriar langka aitno limi ila dagar.

Pelengon kukwopngon 9:4

Deka Ida Tapolngon wai ke kakan tonari langane. “Umodue agegeng ke gras e ke wan ka nobolbol ke taklak e ke akai sakam. Ma umodue agegeng ke osep ka lou nisngen dong ke bara lisak kovok vala.