Pas ka Pol sogoe uti la ke osep Rom ina 3:5 - Aria New Testament

⁵ Osep leklou tididi aitno lisak e tiyakyak langane. “Elio soulu ka itodue nis osep pula ke Ida Tapolngon ila elio keniye itau lokono. E langka Ida Tapolngon waiki kot ite ine ma iye due elio soulu kesua udo elio soulu lua iye.” Pelengon ka ngawai ine ane langka itosep udo pelengon vala. Osep ka tiwai langane tiwai lokono kovok e tididi aitno lisak vala.

Pas ka Pol sogoe uti la ke osep Rom ina 3:5 ပူးပေါင်းရင်းမြစ်များ

Pas ka Pol sogoe uti la ke osep Rom ina 12:19

Sipmi. Umu tona umokoli batne ke elio soulu ka osep tidue ke umu sakam. E umosongon Ida Tapolngon ma iye koli batne. Umeile Ida Puda ila pelengon ka wai langane. “Ngong vala ma ngakoli urok elio soulu batne ma tinamani ine.”

Pas ka Pol sogoe uti la ke osep Rom ina 2:5

E umabauluk aitno lumu ke lumu elio epmes ina bitna bitna kovok. Aurou. Aitno lumu dagar ine vala. Deka Ida Tapolngon aitno ila engil ma due umu batne lumu elio epmes ina polou pula. E mase oklou kene ma Ida Tapolngon wade osep ka pula keniye urok elio kap ila elio itau. Deka ari ma lumu elio epmes ina bitna bitna tingen umu e ma osep tivati.

Pas ka Pol sogoe uti la ke osep Rom ina 3:19

E iteile omur Moses ila sogongon plau osep Yuda ina ka pula keniye. Moses ila sogongon tonari dong e dangdang osep pula ka tididie ka tiwaiki tibisi ke urok elio epmes ina. Deka osep ka pula keniye urok elio soulu vri ke isak ke Ida Tapolngon bitna.

Pas ka Pol sogoe uti la ke osep Rom ina 3:7

Umoklingen. Osep leklou tiwai urok elio yakngan ina nis osep Ida Tapolngon ila pelengon lokono. E tiwai pulu langane. “Ina lange Ida Tapolngon ila wadengen due ite langka ite osep epmes ina? Kesua udo elio yakngan ka itodue kakai iye tona angaine.”

Pas ka Pol sogoe uti la ke osep Rom ina 4:1

Oglou ari udo eia Abraham dong. Alo ka iye dong iye polou itau e osuk ke Ida Tapolngon bitna. Aitno lumu lange? Abraham due sua deka iye polou itau e osuk ke Ida Tapolngon bitna?

Pas ka Pol sogoe uti la ke osep Rom ina 5:8

Yesus ulou ke ina metengen ka kasip amunte kovok. Aurou. Iye mete vala. Oglou ari itosep ka pula keniye ite osep epmes ina e itodue elio epmes ina vala. E ari Ida Tapolngon pagei Yesus me polou ke ite ma kasip amunte. E Yesus kasip amunte e mete batne ke udo elio epmes ina. Kesua Ida Tapolngon lana iye ke itosep ka pula keniye.

Pas ka Pol sogoe uti la ke osep Rom ina 6:1

Aitno lumu lange? Ma itodue elio epmes ina pula kesua itawaiki Ida Tapolngon ila makaingan pula polou ke ite?

Pas ka Pol sogoe uti la ke osep Rom ina 6:19

­Ma ngakar pelengon ane ke umu ma kere lou pelengon tonari. Kesua lou pelengon tonari lana ine opru umu. Oglou aitno lumu itau ke elio epmes ina bitna bitna vala e umodue elio epmes ina pula ka soulu lokono. E eknikane aitno lumu itau ke elio itau vala. E ngawaiki elio itau plau pampamu lumu vala ma umopolou Ida Tapolngon ila osep ka itau.

Pas ka Pol sogoe uti la ke osep Rom ina 7:7

Aitno lumu lange? Moses ila sogongon iye sogongon soulu koke aurou? Aurou. Sogongon tonari itau e nis ite ke udo elio epmes ina vala. Sogongon tonari dangdang ite ma itangale osep urok wan kovok. Ngaklingen ke sogongon tonari langane deka lokono ngaile oglou ngadar Moses ila sogongon e ngangale osep urok wan.

Pas ka Pol sogoe uti la ke osep Rom ina 8:31

Ida Tapolngon lua ite itau lokono kodong deka aitno kene ke ite. E aitno lumu lange ine? Sei dong ka karanga paiavu ite ma mole ite? Kesua Ida Tapolngon aitno kene ke ite kodong. Aurou lokono.

Pas ka Pol sogoe uti la ke osep Rom ina 9:30

E aitno lite lange ke elio tonari? Kesua oglou ari osep ka isak osep Yuda ina kovok tikrim ekreng ma tipolou itau e osuk ke Ida Tapolngon bitna kovok. Lama langane Ida Tapolngon due isak tipolou itau e osuk ke bitna kesua aitno lisak dagar ke iye.

1 Korin 15:32

Langka ngadidi aitno lungong vala e ngadue bokongon ane ina lange ngadue evlei ke ongwa kevena ke armok Efesus? Langka osep ka timete kodong tikaranga tipoga titito ke inarak denga kovok deka ma itedidi osep leklou urok pelengon ka wai langane vala. “Eknikane ma itangen ida ngangon e iteinim ida aki kesua masalang ma itemete.”

1 Korin 9:8

Aitno lumu lange? Ngadidi osep aitno lisak vala e ngawai langane? Aurou. Moses ila sogongon wai langane blang.

2 Korin 6:4

Aurou. Imodue elio itau vala ka nis osep imi Ida Tapolngon ila osep bokongon ina. Imodong dagar lokono alo ka agegeng e wan soulu e wan polou ka opru imi.

2 Korin 7:11

Umeile elio ka Ida Tapolngon due aitno lumu soulu due elio bitna bitna itau tipolou. Elio tonari langane. Umawaiki umomosi pelengon ka mter umu e aitno lumu engil ke gute ka due elio epmes ina. E umodue anit ke Ida Tapolngon e aitno lumu kro ke imi e umoboko dagar ma umomosi gute ka due elio soulu ila elio. Ke wan ka pula keniye ka umodue umenis imi langane. Elio gesa vri ke umu ine kovok.

Galesia 2:18

Langka ngasongon Moses ila sogongon mase ngabauluk ngadidie blang ngapolou langka gute ka ngadue elio epmes ina vala.

Galesia 3:15

Sipmi. Ngawai nisngen ke itosep udo elio langane. Langka gute gesa aitno mter langka isuk boto iye ma mete deka iye sogo pelengon langka iye ma kar ila wan bitna bitna ke titno. Deka ila pelengon tonari polou langka promis dagar. E gute gesa karanga wai langane kovok. “Ma itedidi promis dagar are kovok.” Aurou.

Pelengon kukwopngon 15:3

E tidue Moses ka iye Ida Tapolngon ila gute bokongon ina ila sakul e tidue Sipsip Otno ila sakul blang. Sakul tonari langane. “Ipem Puda wom Ipem Tapolngon blang e lem arit ombatno lokono. Omdue elio isuk isuk ka itau lokono deka imedigrik ine. Aling aling amplau osep ka pula keniye e lem elio keniye itau e osuk lokono.

Pelengon kukwopngon 18:20

“Umu ka umodong ke omur heven e umu ka Ida Tapolngo ila osep e ila aposel e ila osep napaprangan ina umasandir ke wan ka polou ke armok tonari. Kesua Ida Tapolngon due agegeng ine. Kesua batne ke ila elio soulu iye due ke umu.”