Pas ka Pol sogoe uti la ke osep Rom ina 3:4 - Aria New Testament

⁴ ­Umoklingen. Osep ka pula keniye urok pelengon yakngan vala e Ida Tapolngon ila pelengon keniye lokono vala. Oglou osep napaprangan ina tisogo Ida Tapolngon ila pelengon palma ka wai langane. “Osep ka pula keniye tile omur lem pelengon keniye lokono. Langka osep tisin elio vri ke wom urok pelengon mole lem pelengon kovok. Aurou. Ma tibure vala.”

Pas ka Pol sogoe uti la ke osep Rom ina 3:4 ပူးပေါင်းရင်းမြစ်များ

Matyu 11:19

E Gute Ka Polou Langka Osep me e ngen ngangon e inim aki wain e osep tiwai langane. ‘Gute are iye ngen ngangon pula e inim aki wain ma bitna balilu e ila saten isak osep ka tidue takis e osep epmes ina.’ E dau Ida Tapolngon ila osep tidue elio itau e elio are nis osep Ida Tapolngon ila ilengen iye pelengon lokono.”

Luk 20:16

Ma iye la e due agegeng ke osep tonari ma timete deka ma iye due osep leklou tiboko ke yage.” E alo ka osep tiklingen pelengon ano tiwai langane. “Aisudo. Ma elio langane polou kovok.”

Jon 3:33

Gute ka klingen ila pelengon e aitno dagar ke iye ane langka iye wai langane. ‘Ida Tapolngon ila pelengon iye pelengon lokono.’

Pas ka Pol sogoe uti la ke osep Rom ina 11:1

Eknikane ngapmi umu lang-ane. Ida Tapolngon pul dogur ke ila osep Israel ina kodong ma isak ila osep kovok koke aurou? Aurou lokono. Ngong gute Israel ina. Ngong Abraham ila napakngan gesa. E ngong gute ke Benjamin ila osua.

Pas ka Pol sogoe uti la ke osep Rom ina 11:11

E ngapmi umu langane. Osep Israel ina tipono aitno lisak ke Ida Tapolngon deka ma isak yagos koke aurou? Aurou lokono. E tipul dogur ke Ida Tapolngon e ke elio langane Ida Tapolngon lua osep leklou ka isak osep Israel ina kovok e makai isak. Ida Tapolngon waiki osep Israel ina tivati ila elio ka iye lua osep leklou ma tingale urok mosongon.

Pas ka Pol sogoe uti la ke osep Rom ina 3:31

Aitno lumu lange? Ida Tapolngon due ite itopolou itau e osuk ke bitna deka Moses ila sogongon yagos koke aurou? Aurou. Ma yagos kovok. Kesua alo ka aitno lite dagar ke Yesus deka itakaranga itedidi Moses ila sogongon tonari itau.

Pas ka Pol sogoe uti la ke osep Rom ina 6:15

Eknikane Ida Tapolngon ila makaingan plau itosep e Moses ila sogongon plau ite kovok. Aitno lumu lange? Ma itodue elio epmes ina pula kesua Moses ila sogongon plau ite kovok? Aurou. Ma itodue elio epmes ina pula langane kovok.

Pas ka Pol sogoe uti la ke osep Rom ina 6:2

Aurou. Ma itodue elio epmes ina kovok. Kesua itemete kap Yesus kodong. E ma itodue elio epmes ina bitna bitna kovok kesua osep ka timete kodong tikaranga tidue elio epmes ina kovok.

Pas ka Pol sogoe uti la ke osep Rom ina 7:13

E langka ngadar Moses ila sogongon kodong ma ngamete ine. Aitno lumu lange? Ngau metengen ina poloungon batne ke Moses ila sogongon ka itau? Kesua langka ila sogongon ka itau dong kovok ma ngadare ma ngamete ine kovok. Aurou. Ngau metengen ina poloungon batne ke Moses ila sogongon ka itau kovok. Ngong tona ngadar Moses ila sogongon deka ngamete ine. E ngaile Moses ila sogongon nis ngong lou elio soulu lokono.

Pas ka Pol sogoe uti la ke osep Rom ina 7:7

Aitno lumu lange? Moses ila sogongon iye sogongon soulu koke aurou? Aurou. Sogongon tonari itau e nis ite ke udo elio epmes ina vala. Sogongon tonari dangdang ite ma itangale osep urok wan kovok. Ngaklingen ke sogongon tonari langane deka lokono ngaile oglou ngadar Moses ila sogongon e ngangale osep urok wan.

Pas ka Pol sogoe uti la ke osep Rom ina 9:14

Ida Tapolngon due elio langane e aitno lite lange ine? Ma itawai Ida Tapolngon due elio soulu ine koke aurou? Aurou. Ma itawai langane kovok.

1 Korin 6:15

Lange? Umeile langane ko-vok? Pampamu lumu kene kene Krais pampamu ine ongwa ine. E langka ngadue Krais pampamu ine ongwa ine e ngadue neklep ke apmang ekreng palma ina elio langane itau? Aurou lokono.

2 Korin 1:18

Eriar langka Ida Tapolngon wai deka iye didi ila pelengon lou pelengon ke umu segesege kovok.

Galesia 2:17

Alo ka aitno lite dagar ke Krais itopolou itau ke Ida Tapolngon bitna. Langka langane e dau ite blang itodue elio epmes ina langka osep ka isak osep Yuda ina kovok deka lange? Ane langka Krais iye gute ka due elio epmes ina polou dagar i? Aurou lokono.

Galesia 2:21

Ngawaiki ngadue Ida Tapolngon ila makaingan polou langka wan adai kovok. Aurou. Langka Moses ila sogongon ka-ranga due ite itopolou itau ke Ida Tapolngon bitna deka Krais mete adai vala.

Galesia 6:14

Ngong tona ngakaranga ngakakai angain ngong kovok. Aurou. Ngakakai Ida Puda Yesus Krais angaine vala. Iye mete ke ina akai e aitno lungong itau ke elio langane. E elio ka taklak ane ina iye mete ke aitno lungong kodong batne ke bokongon ka Krais due ke ina akai. E langka ngong tona ngamete kap Krais ke ina akai deka ngakaranga ngadidi elio ka taklak ane ina kovok.

1 Timoti 3:16

E iteile langane. Ida Tapolngon ila pelengon langka wan ka omba lokono. Ida Tapolngon nis ite ine langane. Krais polou langka itosep e osep pula tivati iye. E Ano Itau nis ine langane. Ila elio keniye itau lokono e ensel tivati iye. Osep kla tipalongo ila ke osep pula ke omur omur. Deka osep ka taklak ina aitno lisak la dagar ke iye. E Ida Tapolngon due bauluk tito la ke omur Heven e iye dong kap Ida Tapolngon.

Taitus 1:2

Ngaboko ma ngalua aitno lisak ila dagar ma aitno lisak mter ke urok mosongon ka dong vala dong alo ka itodong kap Ida Tapolngon. Oglou oglou ari alo ka Ida Tapolngon dau tapol wan gesa kovok iye wai dagar ma iye kar mosongon tonari ke ite. E iteile iye yakyak kovok.

Hibru 6:18

Ida Tapolngon ila pelengon orwo dong ka karanga segesege kovok. Pelengon kene ina iye ila promis e pelengon orwo ina iye ila pelengon dagar ka iye sir iye tona angaine ine. E iteile Ida Tapolngon karanga yakyak kovok. Deka ite ka itakalu ke Ida Tapolngon ma aitno lite mter ke Ida Tapolngon ila promis. E itodong dagar e itapara ke alo ka itodue wan ka Ida Tapolngon wai ine.

1 Jon 5:10

Langka gute gesa aitno dagar ke Ida Tapolngon Otno Arang deka Ida Tapolngon ila pelengon dong ke aitno. E langka gute aitno dagar ke Ida Tapolngon ila pelengon kovok ane langka iye sir Ida Tapolngon gute yakngan ina. Kesua aitno dagar ke pelengon ka Ida Tapolngon wai ine ka la ke Otno Arang kovok.

1 Jon 5:20

Iteile Ida Tapolngon Otno Arang duru me ke taklak e kar ilengen ke ite ma itakaranga iteile Ida Tapolngon ka lokono. E itodong kap iye ka lokono e itodong kap Otno Arang Yesus Krais. Ida Tapolngon iye tona Tapolngon ka lokono e itodue mosongon ka dong vala dong batne ke iye.

Pelengon kukwopngon 3:7

Gute tonari wai blang langane. “Omsogo pelengon ke ensel ka dong ke sios ke Filadelfia. Pelengon tonari langane. Gute ka itau lokono e elio soulu dong ine kovok e iye wai pelengon lokono vala wai langane. ‘Ngakis Devit ila ki deka wansua ka ngakloke gute gesa karanga divae kovok e wansua ka ngadivae gute gesa karanga kloke kovok.