Pas ka Pol sogoe uti la ke osep Rom ina 3:31 - Aria New Testament

³¹ Aitno lumu lange? Ida Tapolngon due ite itopolou itau e osuk ke bitna deka Moses ila sogongon yagos koke aurou? Aurou. Ma yagos kovok. Kesua alo ka aitno lite dagar ke Yesus deka itakaranga itedidi Moses ila sogongon tonari itau.

Pas ka Pol sogoe uti la ke osep Rom ina 3:31 ပူးပေါင်းရင်းမြစ်များ

Matyu 15:6

Langka iye wai langare iye ma due anit ke timla koke tna kovok. E ke pelengon langane umodue lumu apu mole Ida Tapolngon ila pelengon dagar.

Matyu 3:15

E Yesus koli wai langane. “Omsongone ke oku ane kesua ke elio ane itodue wan ka didi Ida Tapolngon ila elio ka itau e osuk.” Deka Jon didi ila pelengon e paunim Yesus.

Matyu 5:17

“Aitno lumu mter langka ngame ma ngadue Moses ila sogongon e osep napaprangna ina urok sogongon polou yagos kovok. Aurou. Ngame ma ngadue isak tipolou yagos kovok. Ngame ma ngadue isak tipolou lokono.

Matyu 5:20

Ngawai lokono ke umu langane. Langka lumu elio itau ke Ida Tapolngon bitna e mole osep Farisi ina e osep ka tile itau ke Moses ila sogongon urok elio kovok ma umesep ke omur heven ka Ida Tapolngon plaue kovok.”

Luk 20:16

Ma iye la e due agegeng ke osep tonari ma timete deka ma iye due osep leklou tiboko ke yage.” E alo ka osep tiklingen pelengon ano tiwai langane. “Aisudo. Ma elio langane polou kovok.”

Pas ka Pol sogoe uti la ke osep Rom ina 10:4

Krais polou ke ite kodong deka ari iye due Moses ila sogongon ka oglou plau ite ila arit polou yagos. Deka plau ite kovok. E Ida Tapolngon due osep ka aitno lisak dagar ke Krais tipolou itau e osuk ke bitna.

Pas ka Pol sogoe uti la ke osep Rom ina 2:20

Aitno lumu mter umu langka osep parerengen ina ke osep ka isak manga manga. Aitno lumu mter langka umu osep parerengen ina ke osep ka isak dau tile omur kovok. Aitno lumu mter umeile omur ke Moses ila sogongon lana ine itau lokono. Deka aitno lumu mter umu osep ka umeile omur ina. E aitno lumu mter lumu pelengon keniye pelengon lokono.

Pas ka Pol sogoe uti la ke osep Rom ina 3:4

­Umoklingen. Osep ka pula keniye urok pelengon yakngan vala e Ida Tapolngon ila pelengon keniye lokono vala. Oglou osep napaprangan ina tisogo Ida Tapolngon ila pelengon palma ka wai langane. “Osep ka pula keniye tile omur lem pelengon keniye lokono. Langka osep tisin elio vri ke wom urok pelengon mole lem pelengon kovok. Aurou. Ma tibure vala.”

Pas ka Pol sogoe uti la ke osep Rom ina 3:6

Osep tonari ka tiwai Ida Tapolngon due elio soulu tiyakyak vala. Langka Ida Tapolngon ila pelengon keniye soulu iye due sua ma iye karanga wade osep keniye urok pelengon ine?

Pas ka Pol sogoe uti la ke osep Rom ina 4:14

Langka Ida Tapolngon ila promis tonari la ke osep ka tididi Moses ila sogongon vala ma ila promis ari la adai vala. E ma aitno lite ila dagar la adai vala.

Pas ka Pol sogoe uti la ke osep Rom ina 7:22

E aitno lungong dagar lokono ma ngadidi Moses ila sogongon vala.

Pas ka Pol sogoe uti la ke osep Rom ina 8:4

Yesus polou itosep ka pula keniye Ida Kasipngen e kli udo elio epmes ina. Iye kli ite ma itedidi udo elio oglou ina kovok e ma Ano Itau plau ite itau. Ma itodong itau e osuk ke bitna eriar langka osep ka tidar Moses ila sogongon aling kene gesa kovok.

1 Korin 9:21

E alo ka ngadong kap osep ka tididi Moses ila sogongon kovok ngadidi urok elio ma ngalua isak. E dau ngasongon Ida Tapolngon ila pelengon kovok. Aurou. Ngadidi Krais ila pelengon dagar.

Galesia 2:19

E Moses ila sogongon paur ngong ke ekreng ka la ke metengen e Moses ila sogongon nis ngong ngadong langka gute ka mete kodong.

Galesia 2:21

Ngawaiki ngadue Ida Tapolngon ila makaingan polou langka wan adai kovok. Aurou. Langka Moses ila sogongon ka-ranga due ite itopolou itau ke Ida Tapolngon bitna deka Krais mete adai vala.