Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Pas ka Pol sogoe uti la ke osep Rom ina 3:25 - Aria New Testament

25 Ida Tapolngon rere Yesus ma iye polou Ida Kasipngen ma ina metengen e ina marau kasip amunte. E Ida Tapolngon due osep ka pula keniye ka aitno lisak la dagar ke iye urok elio epmes ina noklok la. Ida Tapolngon rere Yesus Ida Kasipngen kesua iye waiki osep ka pula keniye tile omur ke ila elio itau lokono. Oglou alo ka Ida Tapolngon vati osep ka pula keniye urok elio epmes ina lokono iye koli urok elio kovok. Aurou. Iye dong tauni ine vala.

အခန်းကိုကြည့်ပါ။ ကော်ပီ




Pas ka Pol sogoe uti la ke osep Rom ina 3:25
51 ပူးပေါင်းရင်းမြစ်များ  

Ngawai lokono ke umu langane. Gute ka aitno dagar ke ngong ma iye due mosongon ka dong vala dong.


Oglou osep ka pula keniye tididi Ida Tapolngon ila elio kovok e tididi aitno lisak vala deka iye songon isak ine.


Ida Puda wai pelengon tonari kodong e due osep tile ine oglou lila me kodong.’”


Oglou ari itosep aitno lite kaka ke Ida Tapolngon e aitno mter ine vala. E iye ules ite ine kovok. Eknikane Ida Tapolngon wai dagar ke osep ka pula keniye ma tibauluk aitno lisak ke urok elio epmes ina e aitno lisak la dagar ke iye vala.


Oglou ari kodong Ida Tapolngon didi aitno deka rere gute Yesus ma iye mete e kasip amunte. Mase tauni kovok e Yesus dong kap ite. Deka umodue osep epmes ina aitno lisak engil ke Yesus deka tidue agegeng ke iye e tinilim kamla e limla e iye mana ke ina akai deka mete ine.


Oglou ari Ida Tapolngon due osep napaprangan ina aitno lisak deka tiwai ke elio soulu ma polou ke gute ka iye rere Krais ka lua osep. Mase dau tauni Yesus me dong kap itosep. Deka ari umeile iye itau kovok e umodue elio soulu bitna bitna ke ke iye eriar langka oglou osep napaprangan ina tisogo ine.


Tiduni pulu e tidue elio bitna bitna ka oglou emrere ma tipolou ke iye.


Ida Tapolngon dong para ke umu e iye waiki due mada ke umu. Dau tauni kodong iye dong e makai umu e lokono koli lumu elio soulu kovok. Aurou. Iye dong para ke umu vala. Kesua iye waiki aitno lumu mter ila makaingan ma umabauluk aitno lumu ke lumu elio epmes ina. Lama dau tauni iye makai umu kodong aitno lumu mter ila makaingan langka wan adai vala e umodue elio soulu vala.


Mase iye pagei Yesus ka Ida Kasipngen polou ke ite. Kesua iye waiki iteile omur ke ila elio itau lokono. E eknikane iye due osep ka pula keniye ka aitno lisak dagar ke Yesus tipolou itau e osuk ke bitna. Kesua iye tona itau lokono.


Eknikane itopolou itau e osuk ke Ida Tapolngon bitna kodong kesua batne aitno lite ila dagar la ke Ida Puda Yesus Krais mgo. Deka iye lua ite e due Ida Tapolngon aitno epen ke ite batne ke iye.


E silang blang langane. Aitno lite itau lokono ke Ida Tapolngon. Kesua iye due mada ke ite e itopolou sisrok batne ke Ida Puda Yesus Krais.


E silang blang langane. Oglou gute kene Adam dong e due elio kene ka mgo ke elio epmes ina ka pula keniye. Deka elio epmes ina duru dong ke itosep ka pula keniye. E udo elio epmes ina bitna bitna tivri ke ite. La lama mase dau tauni gute silang me polou ke ite e ari iye due elio kene ka karanga lua osep ka pula keniye ma tipolou itau e osuk ke Ida Tapolngon bitna. E osep ka tipolou itau e osuk ke Ida Tapolngon bitna urok mosongon itau lokono.


E eknikane Ida Tapolngon due ite itopolou itau e osuk ke bitna batne ke Yesus ina metengen e ina marau ka kasip amunte. Itopolou itau e osuk ke Ida Tapolngon bitna batne ke Ida Kasipngen ka kasip amunte kodong. Deka Ida Tapolngon aitno epen ke ite. E ma aitno ila engil due ite kovok kesua batne Yesus kasip amunte kodong.


E langane. Ma umasapir yis ka oglou ina e ma umodong langka bret ka oku ina ka yis dong ine kovok. E ngaile umodong langka bret ka yis dong ine kovok. Kesua osep tidue elio opmu ina ke Krais kodong. Ane langka osep timluk sipsip e tidue elio opmu ina ine ke oklou ka amtada sisir Ida Tapolngon lua osep Yuda ina tisongon omur Isip.


Alo ka Krais dong ke taklak iye due elio epmes ina kovok. E Ida Tapolngon waiki lua osep deka iye due udo elio epmes ina ina klingen munu pes Krais e iye kasip amunte. Iye due langane ma itakaranga itodong itau e osuk ke bitna batne ke Krais.


E Yesus ina metengen e ina marau kli udo elio epmes ina deka elio epmes ina tonari munu pes ite kovok. Deka Ida Tapolngon didi ila makaingan ka ombatno lokono e klok udo elio epmes ina.


Oglou umodong mawa ke Ida Tapolngon. E eknikane umeneklep ke Krais Yesus e umodong olwo boto ke iye. Kesua batne ke Yesus ina marau ka baser la ka lua umu ke lumu elio epmes ina.


Pelengon ane lokono. Krais Yesus me ke taklak ma iye lua osep epmes ina. E ma iteklingen ine e ma aitno lite la dagar ine. Deka aitno lungong kro lokono kesua ngong tona ngadue elio epmes ina pula e ngadong langka gute ka mgo ke osep epmes ina.


Kesua Ida Tapolngon karanga klok osep urok elio epmes ina batne ke bulmakau bole koke meme inarak marau kovok.


Alo ka osep tiwai langane iteile omur tikrim omur ka isak tona urok omur.


Ke oglou Ida Tapolngon wai dagar ke Abraham langane. “Lem napakngan ma tipolou pula pula lokono batne ke etim arang Aisak.” Ida Tapolngon wai dagar ke Abraham langane e mase iye tok Abraham e wai ke iye langane. “Omdue elio opmu ina ke etim arang Aisak.” Abraham aitno dagar ke Ida Tapolngon e iye redi ma iye due elio opmu ina ke Aisak.


Noa aitno dagar ke Ida Tapol-ngon e Ida Tapolngon palongo iye ke wan ka mase ma polou ka iye ile ine kovok. Ida Tapolngon wai deka Noa due anit ke iye e uri sip ombatno ma iye kap ila osua tidong itau ine. Noa aitno dagar deka ila elio tonari nis osep ka tidong ke taklak urok elio soulu. E Noa polou itau e osuk ke Ida Tapolngon bitna langka osep leklou ka aitno lisak dagar ke iye.


Krais mete langka wan ka osep tidue elio opmu ina ine aling kene vala. Deka ma iye polou aling silang blang ma kli udo elio epmes ina aling silang blang kovok. Aurou. Iye ma iding e lua osep ka tipara ke iye.


E ke karoro tonari tona tisapi ensel orwo e pena lisak klou karoro. Ensel tonari nisngen Ida Tapolngon dong ke omur tonari. E omur tonari omur ka Ida Tapolngon klok osep urok elio epmes ina. E dau eknikane itakaranga itawai pula ke wan tonari kovok.


E langka itawai itodue elio epmes ina kovok ane langka itesir Ida Tapolngon gute yakngan ina e ila pelengon dong ke aitno lite kovok.


Iye tona kli udo elio epmes ina. E iye kli ite tona udo elio epmes ina vala kovok. Aurou. Iye kli osep ka pula keniye ka tidong ke taklak urok elio epmes ina.


Ida Tapolngon lana iye ke ite lokono va. E ite lana ite ke Ida Tapolngon mgo kovok. Aurou. Iye lana iye ke ite mgo deka pagei Otno Arang duru ke taklak ma kli udo elio epmes ina.


E makaingan blang me ke Yesus Krais ka iye palongo udo malak ke ila pelengon ka lokono lokono. Iye mgo ke osep ka pula keniye ka timole inarak denga e tipoga titito blang. E iye gute ka mgo ke osep ka tivri mgo ke omur omur ke taklak ane. Iye lana iye ke ite e ina marau klok udo elio epmes ina la.


Osep ka pula keniye ka tidong ke taklak tilotuim ongwa kevena tonari. E oglou oglou ari alo ka Ida Tapolngon dau due taklak kovok iye sogo osep angainsak ke Sipsip Otno ka timter iye ma iye mete ila buk ka mosongon ina. E osep ka tilotuim ongwa kevena angainsak tidong ke buk tonari kovok.


Deka osep ka angainsak dong ke buk ka mosongon ina tonari kovok tiuri isak kla ke eiou ombatno blang.


E tidue sakul oku gesa langane. “Amkaranga omdue buk e amkaranga emkles pou-ngon lumorwo ke buk tonari. Kesua osep timluk wom emmete e ngap marau baser e emkli osep urok elio epmes ina e tipolou Ipem Tapolngon ila osep ine. Emkli osep ke osua ka pula keniye e osep ka tiwai tokples bitna bitna e osep ka tarna lisak bitna bitna e osep ke omur ka pula keniye ke taklak.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ