Pas ka Pol sogoe uti la ke osep Rom ina 3:21 - Aria New Testament21 E eknikane Ida Tapolngon nis itosep malak ke elio ka iye due ite itopolou itau e osuk ke bitna. Moses ila sogongon karanga due osep ma tipolou itau e osuk ke Ida Tapolngon bitna kovok. E elio ka osep tipolou itau e osuk ke Ida Tapolngon bitna didi pelengon silang blang ka oglou Moses e osep napaprangan ina tisogo ine. အခန်းကိုကြည့်ပါ။ |
E tirere oklou gesa ma tiduni pulu kap Pol ma tiklingen ila pelengon. E ke oklou tonari osep pula time tiduni pulu ke ninu ka Pol dong ine. E ke kotkotu la iding ke epmes Pol parere isak. Iye palongo urok ke alo ka Ida Tapolngon ma plau omur ka pula keniye. Iye parere isak ke Moses ila sogongon e osep napaprangan ina urok sogongon ka la ke Yesus. E iye kere sogongon tonari ma tile omur ke lana ine.
Ida Tapolngon ila omon itau nis ite ke elio ka Ida Tapolngon due ite itopolou itau e osuk ke bitna. Eriar langka aitno lite dagar ine ma Ida Tapolngon sir ite ila osep itau lokono. Deka udo mosongon ka itau lokono dong vala dong. Oglou osep napaprangan ina tisogo Ida Tapolngon ila pelengon langane. “Osep seisei ka aitno lisak dagar ke Ida Tapolngon ma iye lua isak ma tipolou itau e osuk ke bitna.”
Eknikane Ida Tapolngon ka ila poloungon kovok ila omon itau dong kap ite e iteile ine. Iteile ine kesua osep napaprangan ina tisogo ine deka urok sogongon tonari dong ke ite. Ida Tapolngon due aitno lisak deka tisogo ine ma osep ka pula keniye ka tidong ke omur ka pula keniye talsak klingen ine e aitno lisak karanga la dagar ine.
Oglou gute kene Adam dar Ida Tapolngon ila pelengon deka itosep ka pula keniye itopolou osep epmes ina ine. E mase dau tauni Yesus me dong e didi Ida Tapolngon ila pelengon keniye. E eknikane Ida Tapolngon due itosep pula itopolou itau e osuk ke bitna. Kesua batne oglou Yesus didi ila elio keniye vala.
Ke oglou lokono Ida Tapolngon ile langane. Mase osep ka isak osep Yuda ina kovok ma aitno lisak la dagar ke omon itau. Deka elio langane polou e iye due isak ma tipolou itau lokono ke bitna. Oglou iye palongo Abraham ke omon itau e Ida Tapolngon ila pelengon wai langane. “Mase ma ngakere osep ka pula keniye itau batne ke wom.”