Pas ka Pol sogoe uti la ke osep Rom ina 2:8 - Aria New Testament

⁸ E osep ka aitno lisak vri ke isak e tipul dogur ke elio itau e tidue elio soulu vala ma Ida Tapolngon aitno engil ke isak. Ma aitno engil lokono ke isak e ila wadengen ma due isak.

Pas ka Pol sogoe uti la ke osep Rom ina 2:8 ပူးပေါင်းရင်းမြစ်များ

Pas ka Pol sogoe uti la ke osep Rom ina 1:18

Ida Tapolngon nis itosep kodong ma iye pagei aitno ila engil duru ke osep epmes ina. Kesua tipli ila elio itau e urok elio bitna bitna keniye tipes ila pelengon lokono.

Pas ka Pol sogoe uti la ke osep Rom ina 10:16

Osep Israel ina leklou aitno lisak dagar ke Ida Tapolngon ila omon itau kovok. Elio ane eriar langka oglou Aisaia sogo ine langane. “Ngau Puda osep seisei tidong ka aitno lisak dagar ke pelengon ka imanapapra ine?”

Pas ka Pol sogoe uti la ke osep Rom ina 15:18

E ma ngawai ke wan silang blang kovok. Aurou. Ma ngawai ke wan kene vala. Ngawai ke bokongon ka Krais lua ngong ine. Kesua lou bokongon e lou pelengon due osep ka isak osep Yuda ina kovok ma tini Ida Tapolngon ila pelengon.

Pas ka Pol sogoe uti la ke osep Rom ina 6:17

Oglou elio epmes ina plau umu e umodue elio epmes ina bitna bitna vala. Mase osep tiparere umu ke Ida Tapolngon ila pelengon deka aitno lumu la dagar ine. Aitno lumu dong dagar ine e ngakakai Ida Tapolngon angaine tito ine.

Pas ka Pol sogoe uti la ke osep Rom ina 9:22

Ida Tapolngon ila elio lang-ane blang. Osep pula tidue elio epmes ina bitna bitna ka due aitno engil ke isak. Deka iye waiki aitno ila engil due osep tonari ma osep pula tivati ila arit. Lama iye waiki due elio langane lokono iye due langane kovok. Aurou. Iye dong dau tauni ine e lokono aitno ila engil due isak kovok.

1 Korin 11:16

E langka gute gesa waiki tuk pelengon ane ma iye ile langane. Imedidi elio silang blang kovok. E Ida Tapolngon ila sios leklou blang urok elio silang blang kovok.

2 Korin 12:20

Ma ngapolou ke umu e dau aitno lungong nesik lama lumu elio langka elio ka ngawaiki umodue kovok. E silang blang ngawaiki aitno lumu itau ke lou elio blang. Aitno lungong kro lama ngavati elio soulu ke umu ka langane. Opmu mluk pulu e aitno lumu rim ke osep leklou e aitno lumu nevlik amnga. E aitno lumu mter ke umu kenmu kenmu vala e umawai soulu ke osep e umodue adis. E aitno lumu mter langka umomole osep leklou e umodue elio ulik ulik vala.

Galesia 5:20

E osep tilotuim sapingen e tidue muso e tidue burwa e aitno lisak engil e tidue amnga e aitno lisak soulu. E tingale gute silang ila wan e aitno lisak vri ke isak tona e orsak mluk pulu e tidardar ke osua osua.

Filipai 1:17

E osep leklou tonari tinapapra Krais ila omon itau kesua batne tiwaiki tikakai isak tona angainsak e aitno lisak mter itau kovok. E tiwaiki tidue wan ka opru ngong alo ka ngadong ke kalabus.

Filipai 2:3

Umu kenmu kenmu aitno lumu mter ke umu tona vala e umawaiki umakakai angainmu kovok. Aurou. Umodong moli ke osep leklou e aitno lumu mter langka urok elio mole lumu elio.

2 Tesalonaika 1:8

Deka ma iye due agegeng ke osep ka tipul dogur ke Ida Tapolngon e osep ka tididi omon itau ka la ke Ida Puda kovok.

Taitus 3:9

E ompul dogur ke elio ka umotuk opmu pulu. E ke basikngen bitna bitna ka la ke osep urok seia angainsak. E ke elio ka umotuk opmu pulu ke Moses ila sogongon lana ine. Kesua pelengon langane manga manga e pelengon adai vala e karanga lua ite ma itedidi elio itau kovok.

Hibru 10:27

Langka osep tidue langane deka ma tilim omba kesua Ida Tapolngon ma wade isak ine. E Ida Tapolngon ila eiou ma ngen ina oul keniye.

Hibru 11:8

Abraham aitno dagar ke Ida Tapolngon. E Ida Tapolngon wai ke iye ma iye songon ila omur e la dong ke omur silang ka mase ma polou ila omur. Deka iye didi Ida Tapolngon aitno e la ke omur silang lama iye ile omur tonari kovok.

Hibru 5:9

Elio tonari polou ke iye deka iye polou gute ka lua osep ke urok elio epmes ina. Deka iye lua osep ka tini iye ke urok elio epmes ina dong vala dong.

Jems 3:14

E langka aitno lumu rim ke osep leklou e aitno lumu vri ke umu kenmu kenmu deka umakakai angainmu kovok. Kesua langka aitno lumu langane umayak umu tona e umedidi pelengon ka lokono kovok.

Jems 3:16

Kesua alo ka osep aitno lisak rim pulu e tiwaiki timgo ke osep leklou deka aitno lisak manga manga e elio bitna bitna ka soulu lokono dong.

1 Pita 3:1

E umu apmang umeini lumu soboget urok pelengon. E ngaile isak leklou aitno lisak dagar ke Ida Tapolngon ila pelengon kovok. E dau umeini isak ma tivati lumu elio itau e lumu elio itau mter aitno lisak ma aitno lisak la dagar ke Ida Tapolngon.

1 Pita 4:17

Taim ka Ida Tapolngon wade osep urok elio isuk isuk polou kodong. E mgo iye wade ila osep urok elio isuk isuk. Deka mase ma iye wade osep ka aitno lisak dagar ke omon itau kovok. Deka lange? Langka iye wade ila osep paide deka wansua ma polou ke osep ka aitno lisak dagar ke iye kovok?

Pelengon kukwopngon 14:10

Deka ma tinim aki dagar ka lana ine la ke Ida Tapolngon aitno ila engil. Ida Tapolngon baser aki dagar tonari ke kap ka aitno ila engil dong ine. E tibuli aki ine kovok. Deka ke Ida Tapolngon ila ensel amtarsak e ke Sipsip Otno bitna osep tonari ma tinamani omba ke eiou e opmu salfa ka eiou ngene.

Pelengon kukwopngon 16:19

E orgi tonari dardar armok Babilon la ke omur eklu e armok ka pula keniye ke taklak ka pula keniye tidardar tiduru blang. Ida Tapolngon bitna sisir elio epmes ina ka armok Babilon ka ombatno due deka iye kare aki dagar ke ina kap. Aki dagar tonari lana ine la ke Ida Tapolngon aitno ila engil ka engil lokono.