Pas ka Pol sogoe uti la ke osep Rom ina 2:6 - Aria New Testament

⁶ Alo ari ma Ida Tapolngon koli batne ke osep ka pula keniye urok elio ka oglou tidue. Langka oglou tidue elio itau ma iye kar isak elio itau. E langka oglou tidue elio soulu ma iye kar isak elio soulu.

Pas ka Pol sogoe uti la ke osep Rom ina 2:6 ပူးပေါင်းရင်းမြစ်များ

Matyu 16:27

Kesua Gute Ka Polou Langka Osep ma me ke Timla ila bublongon kap ila ensel. E alo ari ma iye kar klingen ke elio bitna bitna ka osep tidue.

Pas ka Pol sogoe uti la ke osep Rom ina 14:22

Wan ka aitno lumu ila dagar mter ine are dong ke umu kenmu kenmu e ke Ida Tapolngon vala. Langka gute gesa aitno mter langka wan gesa itau e iye kene mulu iye tona ine kovok deka are aitno itau ine.

1 Korin 3:8

Gute ka usak wan e gute ka baser aki duru ine isak eriar e isak orwo Ida Tapolngon ila osep bokongon ina. E isak kensak kensak ma tidue urok klingen karanga ke urok bokongon.

1 Korin 4:5

Kesua kot ina taim dau kovok e umawade gute silang ila elio kovok. Ma umapara ke alo ka Ida Puda ma me. Ma iye due wan ka dong kukwop ke aivoro dong malak lokono. Langka gute kukwop ila elio ma iye due polou malak blang. Ke alo ari ma Ida Tapolngon wai ke ite kente kente langka udo bokongon itau koke soulu.

2 Korin 11:15

E Satan ila osep bokongon ina ka isak osep aposel yakngan ina tonari tibisi urok elio langka osep ka tidue elio itau. Deka itedigrik ine kovok. Mase Ida Tapolngon ma koli batne ke urok elio soulu ka tidue.

2 Korin 5:10

Iteile mase ma ite kente kente itevri ke Krais bitna ma iye wade ite. Ma iye wade wan bitna bitna ka itodue ke taklak ane. Langka isak elio itau koke elio soulu.

2 Timoti 4:14

Ke oglou gute Aleksander ka due wan bitna bitna ke bras due elio soulu lokono ke ngong. Ma Ida Puda koli batne ke ila elio soulu ka iye due.

Pelengon kukwopngon 2:23

E osep ka tididi iye ma ngamluk isak ma timete. Deka sios ka pula keniye ma tile omur langane. Ngakaranga ngawade osep ka pula keniye aitno lisak. E ngakoli batne ke umu kenmu kenmu karanga ke elio ka umodue.”

Pelengon kukwopngon 20:12

E ngavati osep ka pula keniye ka timete kodong langka angainsak omba koke angainsak omba kovok tidong mgongon ke kova. Deka ensel tiklok buk ka sogongon dong ine ka wai ke elio isuk isuk ka osep tidue alo ka tidong ke taklak. E tiklok buk silang ka mosongon ina ka osep ka tidue mosongon ka dong vala dong angainsak dong ine. Deka Ida Tapolngon wade osep ka timete kodong ke sogongon ka dong ke buk orwo tonari.

Pelengon kukwopngon 22:12

Deka Yesus wai langane. “Umoklingen. Isuk boto ma ngame. E ma ngapaur osep ka pula keniye inarak klingen kap ngong. Ma ngakar osep kensak kensak inarak klingen ke elio isuk isuk ka tidue.