Pas ka Pol sogoe uti la ke osep Rom ina 2:5 - Aria New Testament

⁵ E umabauluk aitno lumu ke lumu elio epmes ina bitna bitna kovok. Aurou. Aitno lumu dagar ine vala. Deka Ida Tapolngon aitno ila engil ma due umu batne lumu elio epmes ina polou pula. E mase oklou kene ma Ida Tapolngon wade osep ka pula keniye urok elio kap ila elio itau. Deka ari ma lumu elio epmes ina bitna bitna tingen umu e ma osep tivati.

Pas ka Pol sogoe uti la ke osep Rom ina 2:5 ပူးပေါင်းရင်းမြစ်များ

Pas ka Pol sogoe uti la ke osep Rom ina 1:18

Ida Tapolngon nis itosep kodong ma iye pagei aitno ila engil duru ke osep epmes ina. Kesua tipli ila elio itau e urok elio bitna bitna keniye tipes ila pelengon lokono.

Pas ka Pol sogoe uti la ke osep Rom ina 11:25

Sipmi. Ngawaiki ma umeile omur ke pelengon ka kukwop ka oglou itosep iteile ine kovok lama aitno lumu mter langka lumu ilengen omba lokono. E ma ngapalongo lumu ke pelengon ka kukwop ane. Osep Israel ina leklou tipono aitno lisak ke Ida Tapolngon ila makaingan. Tidue langane la lama Ida Tapolngon makai osep ka isak osep Yuda ina kovok ka iye rere isak ila osep kodong.

Pas ka Pol sogoe uti la ke osep Rom ina 9:22

Ida Tapolngon ila elio lang-ane blang. Osep pula tidue elio epmes ina bitna bitna ka due aitno engil ke isak. Deka iye waiki aitno ila engil due osep tonari ma osep pula tivati ila arit. Lama iye waiki due elio langane lokono iye due langane kovok. Aurou. Iye dong dau tauni ine e lokono aitno ila engil due isak kovok.

2 Korin 5:10

Iteile mase ma ite kente kente itevri ke Krais bitna ma iye wade ite. Ma iye wade wan bitna bitna ka itodue ke taklak ane. Langka isak elio itau koke elio soulu.

2 Tesalonaika 1:5

Ke wan ka polou ke umu Ida Tapolngon nis ite langane. Iye didi elio itau vala e wade osep ine e ila wadengen osuk vala. E aitno itau ke umu langka aitno itau ke osep ka iye rere isak ma tikaranga tisep ke ila omur. Ke batne langane umanamani wan soulu bitna bitna.

Hibru 3:13

E alo ka umesir oklou kene kene “eknikane” aling aling umosruk aitno lumu pulu ke elio itau. Umodue langane lama gute gesa airavu ke umu pono aitno e elio epmes ina yak iye.

Hibru 3:15

E Ida Tapolngon ila pele-ngon wai langane. “Eknikane umoklingen Upu Tapolngon ila pelengon. E umopono aitno lumu lang-ka lumu seia tidue oglou ari alo ka tipul dogur ke ngong sakam.”

Hibru 4:7

E tobor pula mela yagos deka Ida Tapolngon wai blang. Iye due Devit aitno deka iye wai langane. “Eknikane alo ka umo-klingen Ida Tapolngon ila pelengon umopono aitno lumu ine kovok.” Alo ka Devit dong Ida Tapolngon wai ke “eknikane.” E elio ane nis ite Ida Tapolngon rere taim silang ma osep tikaranga tisep ke omur ka timtong ine.

Jems 5:3

Lumu mani ka gol e silva polou ros kodong. E alo ka Ida Tapolngon wade lumu elio deka ros tonari dong langka nisngen langane. Aitno lumu vri ke mani tonari vala. Deka umanamani lumu elio soulu tonari langka eiou ngen umu. Isuk boto wan ka pula keniye yagos e umu dau umogom lumu brokngon.

2 Pita 2:9

Deka iteile omur langane. Ida Puda karanga lua osep ka tidue elio isuk isuk ka itau ma tikos ke elio ka opru isak. E silang blang iye karanga ules osep epmes ina la lama iding ke oklou ka Ida Tapolngon ma wade osep ka pula keniye ine.

2 Pita 3:7

E eknikane Ida Tapolngon para ma iye due taklak e sirva ka dau dong tipolou yagos. Mase ma iye wade osep ka pula keniye e due agegeng ke osep ka tipul dogur ke iye. Deka alo ari iye ma wai e eiou ma ngen taklak e sirva yagos la.

Pas ka Jut sogoe 1:6

E ngawai ke ensel blang ka oglou tipul dogur ke bokongon ka Ida Tapolngon kare ke isak e tisongon omur ka iye rere ke isak. Deka Ida Tapolngon pou isak ke sen ka dong vala dong. Iye pou isak deka tidong ke omur ka aivoro e tidong tipara ke oklou ka Ida Tapolngon ma wade urok elio ine.

Pelengon kukwopngon 2:21

Ngawaiki ma iye bauluk aitno ke ila elio epmes ina deka ngasongon iye dong isuk boto. E aurou. Iye bauluk aitno e pul dogur ke ila elio okwa ina kovok.”

Pelengon kukwopngon 6:17

Kesua oklou ka osep tonari aitno lisak engil ke osep e tikoli urok elio polou kodong. E imakaranga imomole isak kovok.”