Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Pas ka Pol sogoe uti la ke osep Rom ina 2:4 - Aria New Testament

4 Ida Tapolngon dong para ke umu e iye waiki due mada ke umu. Dau tauni kodong iye dong e makai umu e lokono koli lumu elio soulu kovok. Aurou. Iye dong para ke umu vala. Kesua iye waiki aitno lumu mter ila makaingan ma umabauluk aitno lumu ke lumu elio epmes ina. Lama dau tauni iye makai umu kodong aitno lumu mter ila makaingan langka wan adai vala e umodue elio soulu vala.

အခန်းကိုကြည့်ပါ။ ကော်ပီ




Pas ka Pol sogoe uti la ke osep Rom ina 2:4
51 ပူးပေါင်းရင်းမြစ်များ  

Pelengon ane la ke osep Yuda ina e ke osep ka isak osep Yuda ina kovok blang. Kesua osep keniye tonari Inarak Puda kene ka kere osep keniye itau ka tiwai itau ke iye.


Aitno lumu mter ke Ida Tapolngon ila elio. Ida Tapolngon makai osep leklou e due agegeng ke osep leklou. Osep ka tisongon Ida Tapolngon ila elio e aitno lisak dagar ke iye kovok ma iye due agegeng ke isak. E iye makai umu e due elio itau ke umu langka aitno lumu dong dagar ke iye. Langka aurou ma iye tuktuk umu blang.


Umoklingen. Ida Tapolngon due elio itau lokono ke osep ka pula keniye. E ila ilengen omba lokono e iye ile omur ke elio keniye. Itosep itakaranga iteile ke Ida Tapolngon ila ilengen kovok. Itakaranga iteile ke ila elio keniye batne kovok.


Ida Tapolngon rere Yesus ma iye polou Ida Kasipngen ma ina metengen e ina marau kasip amunte. E Ida Tapolngon due osep ka pula keniye ka aitno lisak la dagar ke iye urok elio epmes ina noklok la. Ida Tapolngon rere Yesus Ida Kasipngen kesua iye waiki osep ka pula keniye tile omur ke ila elio itau lokono. Oglou alo ka Ida Tapolngon vati osep ka pula keniye urok elio epmes ina lokono iye koli urok elio kovok. Aurou. Iye dong tauni ine vala.


Aitno lumu lange? Ma itodue elio epmes ina pula kesua itawaiki Ida Tapolngon ila makaingan pula polou ke ite?


Eknikane Ida Tapolngon ila makaingan plau itosep e Moses ila sogongon plau ite kovok. Aitno lumu lange? Ma itodue elio epmes ina pula kesua Moses ila sogongon plau ite kovok? Aurou. Ma itodue elio epmes ina pula langane kovok.


Wan pula tipolou ka opru isak e dau aitno lisak neser omba. E lama urok wan bitna bitna isuk boto vala dau aitno lisak mter ke osep Kristen leklou e tituktuk urok mani e tikare ke isak e aitno lisak mter ke isak tona vala kovok.


Ngapmi Ida Tapolngon ma iye lua umu ma umeile omur ke pelengon lokono ka ila poloungon batne ke iye. Ma umeile omur ke wan bitna bitna keniye ka Ida Tapolngon waiki kere ila osep ine e itapara ine.


E Yesus ina metengen e ina marau kli udo elio epmes ina deka elio epmes ina tonari munu pes ite kovok. Deka Ida Tapolngon didi ila makaingan ka ombatno lokono e klok udo elio epmes ina.


Lama itodong soulu langane Ida Tapolngon ka aitno due ite lana iye omba ke ite.


Deka Ida Tapolngon due ila makaingan polou lite ma dong nisngen ke osep ka pula keniye ka mase tipolou tidong ma tile omur ke ila makaingan ka ombatno lokono batne ke Krais Yesus dong.


Ida Tapolngon ila arit ka ombatno dong ke omur heven. Deka ngapmi iye ma Ano Itau lua umu ke ila arit. Ngapmi iye ma ila arit due aitno lumu ma aitno lumu tidong dagar.


E angain ngong omba kovok. Aurou. Ida Tapolngon ila osep keniye angainsak timole angain ngong. Lama langane Ida Tapolngon kere ngong ke ila makaingan. E ngapaur Ida Tapolngon ila omon itau ke umu ka osep Yuda ina kovok. Omon tonari palongo udo ke wan keniye ka itau lokono ka Krais kare ke ite e itakaranga iteile aikovoli ine kovok.


Deka langane. Langka lumu wan isuk boto ma Ngau Tapolngon due Krais Yesus ila wan ka pula lokono e lua umu ine.


Ida Tapolngon didi aitno e nis ila osep ke pelengon ka oglou dong kukwop ma tile omur ine. Pelengon tonari itau lokono e karanga lua osep ka pula keniye. Pelengon ka kukwop langane. Krais dong kap umu e ma umapara ke iye ma iye me kum umu e umala umodong kap iye ma umodue wan ka pula keniye ka omur heven ina.


Ngadue bokongon tonari ma umodong dagar e ma umu ka pula keniye lana umu pulu e elio langane res polou omba. Ngawaiki ma umodue ilengen itau e ma umeile omur ke pelengon lokono. E ngawaiki ma umeile batne lokono ke Ida Tapolngon ila pelengon ka dong kukwop. Krais iye tona pelengon ka dong kukwop batne.


E Ida Tapolngon aitno due ngong e Yesus Krais ila elio molil ka iye para ma ngabauluk aitno lungong polou langka nisngen ke osep ka pula keniye amtarsak. Ma tivati wan ka iye due ke ngong. E ma isak blang aitno lisak dagar ke iye e ma tidue urok mosongon ka dong vala dong.


Ma amwai dagar ke osep ka urok mani pula ke taklak ane ma tikaranga tikakai angainsak kovok. Ma aitno lisak la ke wan ka paide okus langka mani kovok. E ma aitno lisak dagar lokono ke Ida Tapolngon. Kesua iye kar ite wan bitna bitna pula ka due aitno lite neser.


Ansak tonari isak ansak ke osep ka tipul dogur ke Ida Tapolngon ila pelengon alo ka Noa uri sip ombatno. Alo ari tidue elio soulu pula e dau Ida Tapolngon wade isak ine kovok e iye dong para ma tibauluk aitno lisak ke urok elio soulu. Iye para la lama Noa uri sip kodong. Iye uri sip kodong deka osep lumeklu vala tisep ke sip tonari. Tisep kodong deka ongon ombatno polou e isak lumeklu vala tidong itau ke sip.


Umodue langane deka alo ka umemete kodong e umetito ke omur heven Ida Tapolngon ma klok ekreng bitna ke umu. Ma umesep ke omur ka Ida Puda e Ida Luangan Yesus Krais tiplaue ka dong vala dong.


E aitno lumu mter ke elio ka Ida Puda aitno omba ke umu e iye dong para ke umu. Iye due langane ma osep aitno lisak la dagar ke iye e iye lua isak ke urok elio epmes ina. E Ida Tapolngon kar ilengen ke ida tovro Pol ka ngong lana ngong ke iye deka iye sogo ine ke umu blang.


Pelengon omba ka ngawaiki aitno lumu mter ine langane. Alo ka isuk boto wan keniye yagos osep ma time e tidue apok ke umu e tididi aitno lisak ke elio epmes ina bitna bitna ka tiwaiki tidue.


E osep leklou tiwai langane. “Ida Puda dong tauni e didi ila promis molil molil vala.” E langane kovok. Aitno omba ke umu e dong para ma osep tibauluk aitno lisak ke urok elio epmes ina. Kesua iye waiki gute kene gesa mete ke ila elio epmes ina kovok.


Ngawaiki ma iye bauluk aitno ke ila elio epmes ina deka ngasongon iye dong isuk boto. E aurou. Iye bauluk aitno e pul dogur ke ila elio okwa ina kovok.”


“Umoklingen. Ngavri ke ekreng bitna e lungu nopolpol ine. Langka gute klingen kre lungong e klok ekreng bitna ma ngasep ke ninu e ma ngadong kap iye. Deka ma ngangen kap iye e iye ma ngen kap ngong.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ