Pas ka Pol sogoe uti la ke osep Rom ina 2:27 - Aria New Testament

²⁷ Silang blang lang-ane. Osep ka isak osep Yuda ina kovok urok elio leklou mole umu osep Israel ina lumu elio leklou. Kesua lama isak tididi elio ulangngan ina kovok isak dau tididi Moses ila sogongon itau. E umeile Moses ila sogongon e umedidi elio ulangngan ina. Lama umedidi elio ulangngan ina umu dau umadar Moses ila sogongon pula. E osep ka isak osep Yuda ina kovok tiwai langane. “Osep Yuda ina tidar Moses ila sogongon vala.”

Pas ka Pol sogoe uti la ke osep Rom ina 2:27 ပူးပေါင်းရင်းမြစ်များ

Matyu 3:15

E Yesus koli wai langane. “Omsongone ke oku ane kesua ke elio ane itodue wan ka didi Ida Tapolngon ila elio ka itau e osuk.” Deka Jon didi ila pelengon e paunim Yesus.

Aposel 13:22

Sol vri mgo ke isak tobor isapanal deka Ida Tapolngon pli iye e rere Devit ma iye kasip Sol amune. Ida Tapolngon wai ke Devit ila elio isuk isuk langane. ‘Devit ka Jesi otno arang iye lana iye omba lokono ke ngong e didi aitno kovok. E iye didi aitno lungong vala.’

Pas ka Pol sogoe uti la ke osep Rom ina 13:10

Gute ka lana iye ke osep ka pula keniye ma due elio soulu ke gute gesa kovok. E langka gute lana iye ke osep ka pula keniye deka lokono iye didi Moses ila sogongon.

Pas ka Pol sogoe uti la ke osep Rom ina 2:15

­Osep tonari urok elio isuk isuk nis itosep Moses ila sogongon dong ke osep aitno lisak kodong. Kesua aitno lisak mter urok elio isuk isuk ka itau isak elio itau. E silang blang langane. Aling leklou aitno lisak wai lisak kensak kensak langane. “Osep umodue elio soulu.” E aling leklou aitno lisak wai ke isak kensak kensak langane. “Osep umodue elio itau.”

Pas ka Pol sogoe uti la ke osep Rom ina 2:20

Aitno lumu mter umu langka osep parerengen ina ke osep ka isak manga manga. Aitno lumu mter langka umu osep parerengen ina ke osep ka isak dau tile omur kovok. Aitno lumu mter umeile omur ke Moses ila sogongon lana ine itau lokono. Deka aitno lumu mter umu osep ka umeile omur ina. E aitno lumu mter lumu pelengon keniye pelengon lokono.

Pas ka Pol sogoe uti la ke osep Rom ina 2:25

Oglou Ida Tapolngon kar umu nisngen ka elio ulangngan ina. Langka umedidi Moses ila sogo-ngon itau ma lumu elio ulangngan ina nis osep umu Ida Tapolngon ila osep. E langka umadar Moses ila sogongon vala ma lumu elio ka ulangngan ina lua umu kovok. E ma umodong langka osep ka tididi elio ulangngan ina kovok.

Pas ka Pol sogoe uti la ke osep Rom ina 2:26

Si-lang blang langane. Langka osep ka isak osep Yuda ina kovok tididi elio ulangngan ina kovok e dau tididi Moses ila sogongon itau ma Ida Tapolngon aitno itau ke isak koke aurou? Ma aitno itau ke isak langka oglou tididi elio ulangngan ina lokono.

Pas ka Pol sogoe uti la ke osep Rom ina 3:30

Ida Tapolngon iye kene vala dong. E osep ka pula keniye ka aitno lisak dagar ke iye ma iye due isak tipolou itau e osuk ke bitna langka tididi elio ulangngan ina koke tididi elio ulangngan ina kovok.

Pas ka Pol sogoe uti la ke osep Rom ina 8:4

Yesus polou itosep ka pula keniye Ida Kasipngen e kli udo elio epmes ina. Iye kli ite ma itedidi udo elio oglou ina kovok e ma Ano Itau plau ite itau. Ma itodong itau e osuk ke bitna eriar langka osep ka tidar Moses ila sogongon aling kene gesa kovok.

1 Korin 7:19

Elio ka gute didi elio ulangngan ina langka wan adai. E elio ka gute didi elio ulangngan ina kovok elio langane wan adai blang. E elio ka osep tididi Ida Tapolngon ila pelengon dagar ane wan ombatno lokono.

2 Korin 3:6

Iye vala due imi imopolou ila osep bokongon ina ke kontrak oku. Kontrak oku iye wan ka tisogoe ke buk kovok. Aurou. Iye wan ka me ke Ano Itau. Kesua wan ka tisogoe ke buk paur metengen e wan ka me ke Ano Itau kar mosongon ka dong vala dong ke osep.

Galesia 5:14

Pelengon ka pula keniye ke Moses ila sogongon dong sep ke pelengon kene. Pelengon tonari langane. Umu lana umu ke supmu langka umu lana umu ke umu tona.

Efesus 2:11

E omtomu sisir langane. Oglou umodong ke osep Yuda ina urok osua kovok. E osep Yuda ina ka tisir isak osep ka tididi elio ulangngan ina ka osep tidue ke tarna lisak tisir umu osep ka umedidi elio ulangngan ina kovok.

2 Timoti 3:15

E alo ka wom dau agau osep tiparere wom ke Ida Tapolngon ila pelengon ka oglou osep napaprangan ina tisogoe. Pelengon tonari parere wom ke elio ka Ida Tapolngon ma lua wom ke lem elio epmes ina. Ida Tapolngon lua wom alo ka aitno lugom la dagar ke Krais Yesus.

Hibru 11:3

E aitno lite dagar e iteile omur langane. Ke oglou Ida Tapolngon wai vala deka wan ka pula keniye tipolou. Deka wan ka pula keniye ka itakaranga itavati Ida Tapolngon due isak tipolou ke wan ka itakaranga itavati kovok.