Pas ka Pol sogoe uti la ke osep Rom ina 2:10 - Aria New Testament

¹⁰ E silang blang langane. Ma Ida Tapolngon koli elio ka itau ke osep keniye ka oglou tidue elio itau. Ma iye due elio itau ke osep Israel ina mgo. Deka ma iye due elio itau ke osep ka isak osep Yuda ina kovok blang. Ma aitno epen ke osep keniye ka tidue elio itau. E ma iye kakai angainsak e ma tidong itau kap iye.

Pas ka Pol sogoe uti la ke osep Rom ina 2:10 ပူးပေါင်းရင်းမြစ်များ

Matyu 10:13

E langka osep ka tidong ke ninu tonari isak osep itau ma lumu pelengon dong kap isak. E langka isak osep itau kovok ma lumu pelengon iding ke umu.

Luk 1:79

E bublo ke osep ka tidong ke aivoro e ka metengen kading isak langka wan ano kadinge ma bublongon tonari nis ite ke ekreng ma itodong aitno lite epen.”

Luk 12:37

Langka alo ka gute tonari iding iye vati ila osep bokongon ina tidong tipara ke iye ma aitno lisak itau itau. Ngawai lokono langane. Ma iye tnei ila bokongon ina klos deka due isak tidong ke bota e ma iye kar ngangon ke isak.

Luk 19:42

E iye wai langane. “Umu osep Jerusalem ina ngawaiki eknikane umeile omur ke elio ka due aitno lumu epen kap Ida Tapolngon. E oku ane elio ane dong kukwop e umakaranga umeile ine kovok.

Luk 22:14

Taim ka tingen rogo omba ina ngangon polou e Yesus kap ila aposel tidong ke bota.

Luk 9:48

E iye wai ke isak langane. “Gute sei ka lua mimi ane batne iye didi ngong lua ngong blang. E gute ka lua ngong lua gute ka pagei ngong ngame blang. Kesua gute ka angaine daudeng lokono ke umu ma mgo ke umu.”

Jon 12:26

Langka gute due lou bokongon ma iye didi ngong. E lou gute bokongon ina ma dong ke omur ka ngadong ine. Langka gute due lou bokongon ma Livou due anit ke iye.”

Jon 14:27

“Ngasongon umu e dau ngadue lou elio ka aitno lumu dong epen dong kap umu. Ngakar elio tonari ke umu e iye langka elio ka osep ka taklak ina aitno lisak dong epen kovok. Aitno lumu kro ke wan bitna bitna kovok e umelim kovok.

Jon 16:33

Ngawai pelengon ane ke umu ma aitno lumu karanga tidong epen batne ke ngong. Ke taklak ane ma umanamani elio soulu e dau aitno lumu tidong dagar kesua ngamole osep ka pula keniye ka tidong ke taklak.”

Aposel 10:35

Eknikane Ida Tapolngon aitno itau ke osep ka pula keniye ka tidong ke omur ka pula keniye ka tidue anit ke iye e tidue elio itau.

Pas ka Pol sogoe uti la ke osep Rom ina 14:17

Ke omur ka Ida Tapolngon plaue wan ka itangene e wan ka iteinime isak wan omba kovok. Aurou. E elio ka itau e osuk e elio ka aitno lite epen pulu e elio ka aitno lite neser ke Ano Itau isak wan ka omba lokono.

Pas ka Pol sogoe uti la ke osep Rom ina 15:13

Ida Tapolngon wai dagar ma iye kar wan ka pula keniye ka itau ke ite deka itapara ine. Aitno lumu dagar ke iye ma iye due aitno lumu itau lokono e due aitno lumu dong epen e ma aitno lumu neser omba lokono. E ke Ida Tapolngon Ano Itau ila arit elio ka umapara ke Ida Tapolngon ma iye kar wan itau ke umu ma polou omba ke umu.

Pas ka Pol sogoe uti la ke osep Rom ina 2:7

E osep ka tidong dagar ke elio itau tiwaiki ma Ida Tapolngon kar isak urok mosongon ka itau lokono ka dong vala dong. Tiwaiki ma tidong kap iye e ma iye kakai angainsak. E ma Ida Tapolngon due osep urok mosongon itau lokono dong vala dong.

Pas ka Pol sogoe uti la ke osep Rom ina 2:9

Ma elio soulu e agegeng ka soulu due osep ka pula keniye ka tidue elio soulu vala. Ma due osep Israel ina mgo mase ma due osep ka isak osep Yuda ina kovok.

Pas ka Pol sogoe uti la ke osep Rom ina 5:1

Eknikane itopolou itau e osuk ke Ida Tapolngon bitna kodong kesua batne aitno lite ila dagar la ke Ida Puda Yesus Krais mgo. Deka iye lua ite e due Ida Tapolngon aitno epen ke ite batne ke iye.

Pas ka Pol sogoe uti la ke osep Rom ina 8:6

Silang blang langane. Osep ka aitno lisak mter ke elio epmes ina bitna bitna vala ma timete ine. E osep ka Ano Itau plau isak ma tidue mosongon ka itau dong vala dong e ma aitno lisak tidong epen vala.

Pas ka Pol sogoe uti la ke osep Rom ina 9:21

Wan tonari ma wai langane kovok. Langka gute gesa waiki boko ke taklak oplok ma due ulo ine iye karanga due langane. Langka iye waiki kapo ulo itau ma ina ngangon dong ine iye karanga due langane. E langka iye waiki kapo ulo ma iye due tokonkon sep ine iye karanga due langane blang.

Pas ka Pol sogoe uti la ke osep Rom ina 9:23

Iye dong dau tauni ine kesua batne ke osep leklou ka iye waiki aitno due isak. Iye waiki osep tonari tidong itau ke ila bublongon ka itau lokono. Kesua oglou ari kodong iye rere osep tonari ma tidong itau ke ila bublongon.

Galesia 5:22

E Ano Itau sruk aitno lite ma itodue elio itau langane. Ite lana ite ke sudo lelkou e aitno lite neser kap sudo e aitno lite epen pulu e aitno lite epis alo ka wan polou ka opru ite. E itodue mada ke osep leklou e itodue elio itau ke isak e itawai deka itedidi udo pelengon.

Galesia 5:6

Langka gute dong ke Krais Yesus deka elio ulangngan ina iye wan adai vala e elio ka gute due elio ulangngan ina kovok iye wan adai blang. E elio ka aitno lite ila dagar sruk ite ma ite lana ite ke osep leklou elio langane iye wan lokono.

Filipai 4:7

Alo ka Ida Tapolngon due aitno lumu dong epen elio are wan ka itau lokono e itosep itakaranga iteile ine kovok. Ida Tapolngon due aitno lumu dong epen e elio ane plau aitno lumu.

1 Timoti 1:17

Ida Tapolngon plau omur ka pula keniye dong vala dong e iye mete kovok. Iye ano e itakaranga itavati iye kovok. Iye kene vala Ida Tapolngon lokono. Deka aling aling ma itakakai angaine dong mgo ke wan ka pula keniye. Lokono.

Hibru 2:7

Ke sasi boto vala omdue imi imodong moli ke ensel e amkakai angainmi tito la egim e osep tidue anit ke imi.

Jems 2:22

Aitno lumu mter itau. Abraham aitno dagar ke Ida Tapolngon e iye due elio itau blang. Deka ila elio ka iye due nepir ke aitno ila dagar.

Jems 3:13

Gute gesa dong kap umu ka aitno mter itau ke elio bitna bitna e ila ilengen itau koke aurou? Langka gute langane dong kap umu ma iye due elio isuk isuk ka itau e iye pes iye tona. Deka osep ka tivati iye ma tile gute tonari ile omur itau.

1 Pita 1:7

Tokngon bitna bitna tonari polou ke umu ma tok aitno lumu ila dagar langka iye wan lokono koke aurou. Iteile gol karanga polou yagos e dau langka osep tiwaiki tile gol tonari gol lokono tidue eiou ngene ma tile langka wan sasi dong ine koke aurou. E aitno lite ila dagar mole gol lokono deka tokngon tonari tok aitno lumu ila dagar. Deka ke oklou ka Yesus Krais iding me Ida Tapolngon ma kakai angainmu e due anit ke umu.

1 Pita 5:4

Umu osep plaungan ina umodue langane e alo ka Udo Plaungan Ka Mgongon Ina polou iye ma kar umu lumu prais ka karanga polou yagos kovok.