Pas ka Pol sogoe uti la ke osep Rom ina 16:7 - Aria New Testament

⁷ Umawai “oklou itau” ke gute Andronikus orwo gute Junias. Isak lou osua e oglou tidong ke kalabus kap ngong. Isak orwo osep aposel blang e osep pula tile ke isak. E aitno lisak la dagar ke Krais mgo ke ngong.

Pas ka Pol sogoe uti la ke osep Rom ina 16:7 ပူးပေါင်းရင်းမြစ်များ

Jon 14:20

E alo ka elio tonari polou ma umeile ngadong kap Livou e umodong kap ngong e ngadong kap umu.

Jon 15:2

E Livou blou galou wain palma tonari tetna ka tiusu otna kovok e uri isak la. E galou wain palma tetna ka tiusu otna Livou pi elilo ka sasi ma tetna tonari usu otna pula.

Jon 6:56

Gute sei ka ngen pampamu lungong e inim ngau marau ngadong kap iye e iye dong kap ngong.

Pas ka Pol sogoe uti la ke osep Rom ina 16:10

Umawai “oklou itau” ke gute Apeles. Iye didi Krais itau lokono. E umawai “oklou itau” ke gute Aristobulus gosok ila osua blang.

Pas ka Pol sogoe uti la ke osep Rom ina 16:11

Umawai “oklou itau” ke gute Herodion. Iye dong ke lou osua. E umawai “oklou itau” ke osep ka tidong ke gute Narsisus ila osua. Aitno lisak dagar ke Ida Puda blang.

Pas ka Pol sogoe uti la ke osep Rom ina 16:21

Lou aten Timoti ka boko kap ngong wai “oklou itau” ke umu. E gute Lusius e gute Jeson e gute Sosipater ka lou osua isak tiwai “oklou itau” ke umu.

Pas ka Pol sogoe uti la ke osep Rom ina 16:3

Umawai “oklou itau” ke gute Akwila orwo esna Prisila. Isak orwo tiboko kap ngong ke Krais Yesus ila bokongon.

Pas ka Pol sogoe uti la ke osep Rom ina 16:6

Umawai “oklou itau” ke apmang Maria. Iye due bokongon omba lokono ka lua umu.

Pas ka Pol sogoe uti la ke osep Rom ina 16:8

Umawai “oklou itau” ke gute Ampliatus. Ngong lana ngong ke iye ke Ida Puda.

Pas ka Pol sogoe uti la ke osep Rom ina 16:9

Umawai “oklou itau” ke gute Urbanus. Iye lou aten lokono ke Krais ila bokongon. E umawai “oklou itau” ke gute Stakis blang. E ngong lana ngong ke iye blang.

Pas ka Pol sogoe uti la ke osep Rom ina 8:1

E eknikane Ida Tapolngon aitno engil ke itosep ka iteneklep ke Krais Yesus kodong kovok. Aurou. Aitno epen ke ite vala e ma iye mulu ite kovok.

Pas ka Pol sogoe uti la ke osep Rom ina 8:11

Oglou Yesus mete deka ari Ida Tapolngon due poga tito ke ina denga. E umu ka Ano Itau dong ke aitno lumu ma Ida Tapolngon due umu umopoga umetito ke upu denga. Ma iye due elio ke umu langka oglou iye due ke Yesus. E ma iye due pampamu lumu tipoga titito ke inarak denga.

Pas ka Pol sogoe uti la ke osep Rom ina 9:3

E aitno lungong langane. Ngawaiki ngalua osep Israel ina ka lou osua ma Ida Tapolngon kot isak kovok. Ngawaiki ngakasip osep tonari amunsak ma Ida Tapolngon kot isak kovok e ngawaiki ma ila kotngon due ngong vala. Langka elio langane karanga lua osep Yuda ina ngawaiki ma Ida Tapolngon kot ngong ine. E elio tonari karanga polou kovok.

1 Korin 1:30

E Ida Tapolngon due umu umeneklep ke Krais Yesus. E Krais tona udo ilengen ka itau batne. Krais due ite itopolou itau e osuk ke Ida Tapolngon bitna. Iye due ite itopolou Ida Tapolngon ila osep ka itau lokono. Deka udo elio epmes ina munu pes ite kovok.

2 Korin 11:23

Tiwai langka isak Krais ila osep bokongon ina i? Ma ngawai langka gute ka kaka. Ngong Krais ila gute bokongon ina e ngamole isak. Ngaboko engil lokono e aling pula osep tidue ngong ngasep ke kalabus e aling pula osep timluk ngong omba e aling pula isuk boto ngamete.

2 Korin 12:2

Oglou ke tobor songotno apanal la kodong Ida Tapolngon due gute Kristen kene tito ke omur heven ka Ida Tapolngon dong ine. E ngaile kovok langka gute tonari pampamu ine la kap ano ke omur heven koke ano vala la ke omur heven. Ida Tapolngon vala ile ine.

2 Korin 5:17

Langka gute gesa nepir ke Krais iye polou gute oku ina. Ila mosongon oglou ina yagos la e ila mosongon oku ina polou kodong.

2 Korin 5:21

Alo ka Krais dong ke taklak iye due elio epmes ina kovok. E Ida Tapolngon waiki lua osep deka iye due udo elio epmes ina ina klingen munu pes Krais e iye kasip amunte. Iye due langane ma itakaranga itodong itau e osuk ke bitna batne ke Krais.

Galesia 1:22

E osep ka tidong ke Krais ila osua ka tidong ke omur Judia tivati ngong dau kovok.

Galesia 2:2

Ngala kesua Ida Tapolngon nis ngong ma ngala are. E alo ka ngadong ke Jerusalem ngawai ke osep namormor ka tiplau sios vala. E ngapalongo urok ke omon itau ka oglou nganapapra ine ke osep ka isak osep Yuda ina kovok. Ngadue langane kesua aitno lungong kro lama bokongon ka eknikane ngadue e ke oglou blang ngadue polou adai.

Galesia 2:6

Osep leklou tidong langka sios ina plaungan. E langka angainsak omba koke angainsak omba kovok are wan gesa kovok ke ngong. Ida Tapolngon aitno mter ke gute angaine kovok. E osep ka angainsak omba tidue pelengon gesa nepir ke lou pelengon kovok.

Galesia 5:6

Langka gute dong ke Krais Yesus deka elio ulangngan ina iye wan adai vala e elio ka gute due elio ulangngan ina kovok iye wan adai blang. E elio ka aitno lite ila dagar sruk ite ma ite lana ite ke osep leklou elio langane iye wan lokono.

Galesia 6:15

Elio ulangngan ina iye wan adai e elio ka gute gesa ulang merge kovok iye blang wan adai. Ida Tapolngon due ite itopolou oku ina e elio ane iye wan omba lokono.

Efesus 2:10

Ida Tapolngon due ite itopolou itau e due ite iteneklep ke Krais Yesus. Iye due langane kesua iye waiki ma itodue elio isuk isuk ka itau vala. Oglou iye rere elio ka itau vala ka iye waiki itodue.

Kolosi 4:10

Gute Aristarkus ka iye dong ke kalabus kap ngong wai “oklou itau” ke umu. E gute Mak ka iye Barnabas ila aidagu wai “oklou itau” ke umu blang. Oglou ngapagei pas uti ke umu ka wai langane. Langka Mak polou ke umu deka aitno lumu itau ke iye e umodue elio itau ke iye.

Filemon 1:23

Ngong imorwo Epafras imodong ke kalabus ane kesua imodue Krais ila bokongon. E Epafras wai “oklou itau” ke wom.

1 Jon 4:13

Ida Tapolngon kar Ano Itau ke ite kodong e ke batne langane iteile itodong kap iye e iye dong kap ite.

1 Jon 5:20

Iteile Ida Tapolngon Otno Arang duru me ke taklak e kar ilengen ke ite ma itakaranga iteile Ida Tapolngon ka lokono. E itodong kap iye ka lokono e itodong kap Otno Arang Yesus Krais. Ida Tapolngon iye tona Tapolngon ka lokono e itodue mosongon ka dong vala dong batne ke iye.

Pelengon kukwopngon 1:9

Ngong Jon e ngong ngagosok umu itodong ke Yesus ila osua. Agegeng ka polou ke umu polou ke ngong blang kesua ngadong langka umu e itodong dagar ke elio ka opru ite. Nganapapra Ida Tapolngon ila pelengon e ngawai pelengon lokono ka la ke Yesus. Deka osep tisapir ngong e tidue ngong ngadong ke aidunu ka angaine Patmos.