Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Pas ka Pol sogoe uti la ke osep Rom ina 16:21 - Aria New Testament

21 Lou aten Timoti ka boko kap ngong wai “oklou itau” ke umu. E gute Lusius e gute Jeson e gute Sosipater ka lou osua isak tiwai “oklou itau” ke umu.

အခန်းကိုကြည့်ပါ။ ကော်ပီ




Pas ka Pol sogoe uti la ke osep Rom ina 16:21
24 ပူးပေါင်းရင်းမြစ်များ  

Alo ari Ida Tapolngon ila osep leklou tidong ke Antiok. Ke armok ari osep leklou isak osep napaprangan ina e osep leklou blang isak osep parerengen ina. Angainsak Barnabas e Simeon ka osep tisir iye Niger e Lusius ka omur Sairini ina e Manain ka dong kap Herot ka vri mgo ke omur ari alo ka iye dau dauding e Sol.


Deka lokono osep Kristen tipagei Pol duru ke misuon. E Sailas orwo Timoti isak dau tidong ke Beria.


E osep Yuda ina leklou blang aitno lisak rim ke isak deka tidue osep ropo leklou e tiduni pulu e osep Yuda ina tisruk osep pula ka tidong ke armok aitno lisak. E tisuong kla ke gute Jeson ila ninu e tikrim ke Pol e Sailas ine ma tidue isak tipolou ke osep pula amtarsak.


Mase Sailas orwo Timoti tisongon provins Masedonia e time tipolou ke Korin. E ari Pol due elio kene vala. Iye napapra ke osep Yuda ina langane. “Yesus gute ka Ida Tapolngon rere Krais ka lua osep ke urok elio epmes ina.”


Pol aitno mter langane deka iye pagei osep orwo ka Timoti e Erastus ka tilua iye ma isak kla tipolou ke Masedonia mgo. E Pol dau dong ke provins Esia isuk boto.


Ari Pirus otno arang Sopater ka gute Beria ina la kap iye. E gute Aristarkus e gute Sekundus ka isak osep Tesalonaika ina tigosok iye. E gute Gaius ka gute Derbe ina gosok iye. E gute Timoti blang gosok iye. E gute Tikikus orwo gute Trofimus ka provins Esia ina tigosok Pol blang. E isak keniye kla.


Umawai “oklou itau” ke gute Herodion. Iye dong ke lou osua. E umawai “oklou itau” ke osep ka tidong ke gute Narsisus ila osua. Aitno lisak dagar ke Ida Puda blang.


Umawai “oklou itau” ke gute Andronikus orwo gute Junias. Isak lou osua e oglou tidong ke kalabus kap ngong. Isak orwo osep aposel blang e osep pula tile ke isak. E aitno lisak la dagar ke Krais mgo ke ngong.


E aitno lungong langane. Ngawaiki ngalua osep Israel ina ka lou osua ma Ida Tapolngon kot isak kovok. Ngawaiki ngakasip osep tonari amunsak ma Ida Tapolngon kot isak kovok e ngawaiki ma ila kotngon due ngong vala. Langka elio langane karanga lua osep Yuda ina ngawaiki ma Ida Tapolngon kot ngong ine. E elio tonari karanga polou kovok.


Ngong Pol ngong Krais Yesus ila aposel gesa. Ida Tapolngon didi aitno e rere ngong aposel. Ngong imorwo udo aten Timoti imosogo pas ane uti ke umu ka pula keniye ka umodong ke Ida Tapolngon ila sios ke Korin kap Ida Tapolngon ila osep ke armok keniye ke provins Akaia.


Ngong e Sailas e Timoti imanapapra Ida Tapolngon Otno Arang Krais Yesus ke umu. E iye tona ila pelengon segesege kovok. Iye wai “Ee” deka iye didi ila pelengon.


Ngong Pol imorwo Timoti imi Krais Yesus ila osep bokongon ina. E imosogo pas ane uti la ke umu ka Krais Yesus ila osep ka umodong ke armok Filipai kap osep plaungan ina e osep luangan ina ka tilua Ida Tapolngon ila osep.


Ngong Pol e ngong Yesus Krais ila aposel gesa. Ke Ida Tapolngon aitno iye rere ngong gute aposel. Ngong imorwo Timoti ka iye sudo gesa imosogo pas ane.


Ngong Pol ngagosok Sailas e Timoti imosogo pas ane uti la ke umu ka umodong ke sios ke armok Tesalonaika. Umu ka pula keniye umodong ke Ida Tapolngon ka Pmada e Ida Puda Yesus Krais urok osua. Ma Ida Tapolngon ila makaingan dong kap umu e due aitno lumu tidong epen.


E imapagei Timoti la ke umu. Timoti iye limen aten e boko kap imi ke Ida Tapolngon ila bokongon ka imanapapra omon itau ka la ke Krais ke osep. Imapagei iye uti lumu ma iye due umu umevri dagar e aitno lumu ila dagar dong dagar.


Io Timoti vati umu kodong deka songon umu e bauluk ke imi. E iye wai ke lumu elio. Iye wai aitno lumu dong dagar e umu lana umu ke osep. Iye wai aling aling omtomu sisir ke imi e aitno lumu itau ke imi. E umawaiki umavati imi eriar langka imi blang imawaiki imavati umu. Deka omon tonari due aitno limi itau.


Ngong Pol ngagosok Sailas e Timoti imosogo pas ane uti la ke umu ka umodong ke sios ke Tesalonaika. Umeneklep ke Ida Tapolngon ka Pmada e Ida Puda Yesus Krais.


Ngasogo pas ane uti ke wom Timoti. Ngaparere wom ke Ida Tapolngon ila pelengon e ompolou langka erigu ke aitno lite ila dagar. Ma Ida Tapolngon ka Pmada orwo Ida Puda Krais Yesus aitno lisak tidue wom e timakai wom e tidue aitno lugom dong epen.


Deka Timoti wom ka Ida Tapolngon ila gute ompul dogur ke elio soulu bitna bitna e ma omulou ine vala. E omboko engil ma omdue elio itau e omdue Ida Tapolngon ila bokongon e aitno lugom dagar lokono ke Krais. E wom lana wom itau lokono ke osep leklou e omdong dagar ke elio bitna bitna ka opru wom e omdue mada ke osep pula.


Timoti. Ma amplau boko-ngon ka Ida Tapolngon kare ke wom itau lokono. E ma ompul dogur ke osep ka tiwai pelengon bitna bitna ka didi Ida Tapolngon aitno kovok. E omdong mawa ke osep ka tiwai pelengon adai ka para pulu ke Ida Tapolngon ila pelengon. Aitno lisak langka urok ilengen omba e tile itau lokono. E dau tile lokono kovok.


Ngasogo pas ane uti ke wom Timoti ka wom langka erigu ka ngong lana ngong ke wom. Ngawaiki Ida Tapolngon ka Pmada kap Ida Puda Krais Yesus timakai wom e aitno lisak due wom e tidue aitno lugom dong epen.


E ngawaiki umeile osep tisongon udo aten Timoti ke kalabus kodong. Langka suong iye polou ke ngong deka ma imorwo imouti ke umu e imavati umu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ