Pas ka Pol sogoe uti la ke osep Rom ina 16:18 - Aria New Testament

¹⁸ Osep tonari tididi Ida Puda Krais ila elio kovok. Aurou. Isak langka wokboi nating ka tididi pampamu lisak vala. E ke urok pelengon ka dikngen e urok pelengon ka timter osep aitno lisak ine tiyakyak osep vala. Kesua tiwaiki ma osep aitno lisak la dagar ke urok pelengon. Deka ma osep ka tile isak itau lokono kovok ma aitno lisak dagar ke urok pelengon.

Pas ka Pol sogoe uti la ke osep Rom ina 16:18 ပူးပေါင်းရင်းမြစ်များ

Matyu 24:11

E osep napaprangan yakngan ina pula ma tipolou e tidue osep pula tididi elio soulu.

Matyu 24:24

Kesua osep yakngan ina ma tipolou ka tisir isak Krais koke tisir isak osep napaprangan ina. E ma tidue elio arit ina ka omba ma osep tididi isak ke elio soulu. E tiwaiki titok osep ka Ida Tapolngon rere isak ila osep blang.

Matyu 6:24

“Gute karanga boko ke osep orwo urok bokongon ke aling kene kovok. Aurou. Ma aitno itau ke gute kene e aitno soulu ke gute silang koke iye klingen gute kene ila pelengon e pli gute silang ila pelengon. Umakaranga umoboko ke Ida Tapolngon ila bokongon e umoboko ke mani ke aling kene kovok.”

Matyu 7:15

“Umaplau umu itau ke osep napaprangan yakngan ina. Tiwaiki osep aitno lisak mter urok elio molil molil langka sipsip e dau isak langka gemle kevena ka tiwaiki tingen wan.

Jon 12:26

Langka gute due lou bokongon ma iye didi ngong. E lou gute bokongon ina ma dong ke omur ka ngadong ine. Langka gute due lou bokongon ma Livou due anit ke iye.”

Pas ka Pol sogoe uti la ke osep Rom ina 14:18

E gute ka didi Krais ila elio tonari ma Ida Tapolngon aitno itau ke ila elio e ma osep pula aitno lisak itau ke iye blang.

Pas ka Pol sogoe uti la ke osep Rom ina 16:19

Umedidi Ida Tapolngon ila pelengon e osep ka pula keniye tiklingen ke lumu elio kodong. E aitno lungong itau lokono ke umu. E ngawaiki ma umeile itau lokono ke elio itau e ma umepli elio soulu.

2 Korin 11:3

Oglou mota ka ila aiding yakngan yak Eva e Eva didi iye. E aitno lungong kro lokono lama osep leklou tiyak umu e aitno lumu ila dagar segesege e dong dagar ke Krais kovok.

2 Korin 2:17

Osep pula leklou tiboko langka Ida Tapolngon ila pelengon iye wan ka tidue burong ine. E imi langka isak kovok. Aurou. Ida Tapolngon rere imi ila osep bokongon ina e imawai pelengon lokono ke Krais angaine e imawai ke Ida Tapolngon bitna.

2 Korin 4:2

Imopul dogur ke elio bitna bitna ka osep tikukwop isak kesua batne isak mnak isak ine alo ka tidue. Imedidi elio ka yakngan kovok e imobuli wan sasi kap Ida Tapolngon ila pelengon kovok. Aurou. Imanapapra pelengon ka lokono malak ma osep tikaranga tiwade limem elio e tikaranga tile omur ke limem mosongon ke Ida Tapolngon bitna.

Galesia 1:10

E aitno lumu lange? Pele-ngon ka eknikane ngawai ine ma lange? Ngawaiki ma osep aitno lisak itau ke ngong koke ngawaiki ma Ida Tapolngon aitno itau ke ngong? Koke lange? Ngawai dikngen ke umu vala? Umoklingen. Langka ngawai dikngen ke osep ngong Krais ila gute bokongon ina kovok.

Filipai 2:21

Osep leklou aitno lisak vri ke isak kensak kensak e aitno lisak mter langka tidue Yesus Krais ila bokongon kovok.

Filipai 3:19

Osep tonari tidue wan ka pampamu lisak waiki tidue vala. Aitno lisak neser ke wan ka osep pula mnak isak ine e aitno lisak mter ke wan bitna bitna ka taklak ina vala. Osep ka tidue elio langane ma tikluk ke omur hel.

Kolosi 2:4

Ngawaiki ma gute gesa karanga wai dikngen ke umu e yak umu kovok deka ngawai pelengon ane.

Kolosi 3:24

Umodue lumu bokongon itau kesua umeile omur umodue Upu Puda Krais ila bokongon. Deka ma iye kar kerengen ke umu ka iye wai ine kodong.

2 Tesalonaika 2:10

E iye due elio yakngan ina ka soulu lokono ma iye yak osep pula ma timete deka tikluk ke omur hel. Osep tonari ma tikluk kesua alo ka tiklingen pelengon lokono ka karanga lua isak ke urok elio epmes ina aitno lisak itau ine kovok e la dagar ine kovok.

1 Timoti 6:5

E ma tituk orsak pulu e aitno lisak soulu ke osep leklou. Osep ka aitno lisak langane aitno lisak kaka lokono e tile pelengon lokono kovok. Aitno lisak langka Ida Tapolngon ila elio e ila pelengon ekreng ka tididie e ma urok brokngon polou.

Jems 1:1

Ngong Jems ngong Ida Tapol-ngon e Ida Puda Yesus Krais urok gute bokongon ina. Ngasogo pas ane uti ke umu ka umodong ke osua songotno orwo ke osep Israel ina. Umu ka umadardar e umodong ke omur pula. Ngawai “oklou itau” ke umu.

2 Pita 2:3

Osep parerengen yakngan ina tiwaiki tidue mani pula e tiwai basikngen adai ma tidue lumu mani ine. E ke oglou lila me Ida Tapolngon dong para e isuk boto ma iye wade isak e due agegeng ke isak.

Pas ka Jut sogoe 1:1

Ngong Jut e ngong Yesus Krais ila wokboi nating e ngong Jems ina aiver. Ngasogo pas ane uti ke umu ka Ida Tapolngon rere umu ila osep umu. Ngaile Ida Tapolngon ka Pmada lana iye ke umu e Yesus Krais plau umu itau.

Pas ka Jut sogoe 1:12

Ngaile aling leklou umu ka Ida Tapolngon ila osep umoduni pulu ma umangen ngangon kesua umu lana umu pulu. E osep yakngan ina tonari tisep tidong kap umu blang. E isak tidong langka wan ka amum ka soulu lokono ke lumu duningen. Aitno lisak mter ke urok elio soulu kovok e aitno lisak mter ke isak tona vala. Isak langka gaup ke erei aitno ka aragu dong ine kovok e engen ipu isak kla suong. E silang isak langka akai ka tiusu otna kovok e osep tiblou isak tiduru ke taklak e tipi gigitno ke taklak. Osep soulu bitna tonari isak langka timete aling orwo kodong.

Pas ka Jut sogoe 1:16

Tingurngur e aitno lisak soulu ke wan bitna bitna ka polou ke isak. E tididi aitno lisak e tidue elio soulu. Tikakai isak tona angainsak e tiwai dikngen ke osep ma tidue wan bitna bitna ke isak.

Pelengon kukwopngon 1:1

Pelengon ka oglou dong kukwop eknikane Yesus Krais due polou malak. Ida Tapolngon palongo pelengon tonari ke Yesus ma iye palongo ila osep wokboi nating ke wansua ka ma polou. Deka Yesus pagei ila ensel gesa me kar pelengon tonari ke ngong Jon ka ngong ila wokboi nating.