Pas ka Pol sogoe uti la ke osep Rom ina 16:13 - Aria New Testament

¹³ Umawai “oklou itau” ke gute Rufus. Iye gute ka due Ida Puda ila bokongon itau. E umawai aitno lungong itau lokono ke tna blang. Iye dong langka iye nina blang.

Pas ka Pol sogoe uti la ke osep Rom ina 16:13 ပူးပေါင်းရင်းမြစ်များ

Matyu 20:16

E Yesus wai langane. “Osep ka time batne oku ane ma timgo e osep ka timgo oku ane ma time batne.”

Mak 15:21

Osep ola ina tipaur Yesus la deka tipolou ke gute Saimon ka ila armok batne Sairini. Iye gute Aleksander e gute Rufus pmarak. Osep ola ina tonari tivati iye deka tipagei iye ma iye kalke Yesus ina akai la.

Mak 3:35

Gute sei ka didi Ida Tapolngon aitno iye ngau aiver e luku e nina.”

Jon 15:16

“E umerere ngong ma ngadong kap umu kovok. Aurou. Ngarere umu ke bokongon ka ngawaiki umodue. Deka ngawaiki umodue bokongon tonari e osep pula ma tipolou lou osep ine. Are langka galou wain tetna usu otna pula e otna tonari dong. E alo ka umepmi Livou ke wan gesa batne ke ngong ma iye kare ke umu.

Jon 19:27

Deka iye wai ke ila disaipel langane. “Oku ane apmang are langka ngap aiya.” E ke alo ari e la ine Yesus ila disaipel tonari due apmang e iye dong ke ila ninu kap iye.

Pas ka Pol sogoe uti la ke osep Rom ina 16:12

Umawai “oklou itau” ke apmang Trifina orwo apmang Trifosa. Isak orwo tiboko engil ma tidue Ida Puda ila bokongon. E umawai “oklou itau” ke apmang Persis. Iye lou aten lokono e ngong lana ngong ke iye. Iye boko engil lokono ke Ida Puda ila bokongon.

Pas ka Pol sogoe uti la ke osep Rom ina 16:14

Umawai “oklou itau” ke gute Asinkritus e gute Flegon e gute Hermes e gute Patrobas. E ke gute Hermas e ke osep Kristen leklou ka tidong kap isak.

Efesus 1:4

Oglou oglou ari alo ka Ida Tapolngon dau tapol taklak ka pula keniye kovok iye rere ite ka ila osep kodong ma iteneklep ke Krais. Iye rere ite ma itodong itau lokono e ma elio kene gesa vri lite kovok.

2 Tesalonaika 2:13

Deka sipmi Ida Puda lana iye ke umu e aling aling imawai tenkyu ke Ida Tapolngon ke umu. Ke oglou Ida Tapolngon rere umu ma iye lua umu ke lumu elio epmes ina e umopolou ila osep ka itau lokono. E Ano Itau due umu umopolou Ida Tapolngon ila osep e aitno lumu la dagar ke pelengon lokono vala.

1 Timoti 5:2

E omdue elio itau blang ke apmang ka namor langka omdue ke ngap aiya. E omdue elio itau blang ke apmang belbela langka omdue ke sulup. Aitno lugom mter ke elio silang blang kovok.

2 Jon 1:1

Ngong gute ka ngaplau Ida Tapolngon ila osep e ngasogo pas ane uti ke wom apmang ka Ida Tapolngon rere wom ila apmang e ngasogoe uti ke titim blang. Ngawai lokono langane. Ngong lana ngong ke wom. E osep leklou ka tile pelengon lokono isak lana isak ke wom blang.