Pas ka Pol sogoe uti la ke osep Rom ina 15:7 - Aria New Testament

⁷ E aitno lumu itau ma umodue osep Kristen ina leklou tidong kap umu. Langka Krais aitno itau ke umu ma umodong kap iye. Ke elio langane ma umakakai Ida Tapol-ngon angaine.

Pas ka Pol sogoe uti la ke osep Rom ina 15:7 ပူးပေါင်းရင်းမြစ်များ

Matyu 10:40

“Gute gesa ka due umu umesep ke ila ninu due ngong ngasep blang. E gute ka due ngong ngasep ke ila ninu due gute ka pagei ngong ngame iye sep blang.

Mak 9:37

“Langka gute gesa aitno itau ke mimi gesa langka mimi ane batne ke ngong deka ila elio ane eriar langka aitno itau ke ngong. Langka gute gesa aitno itau ke ngong deka ila elio ane eriar langka aitno itau ke ngong vala kovok. Aurou. Ila elio ane eriar langka aitno itau ke Ida Tapolngon ka pagei ngong ngame blang.”

Luk 15:2

E osep Farisi ina e osep ka tile itau ke Moses ila sogongon tingurngur ke iye langane. “Gute ane waiki osep epmes ina time ke iye e iye ngen kap isak.”

Luk 9:48

E iye wai ke isak langane. “Gute sei ka lua mimi ane batne iye didi ngong lua ngong blang. E gute ka lua ngong lua gute ka pagei ngong ngame blang. Kesua gute ka angaine daudeng lokono ke umu ma mgo ke umu.”

Jon 13:34

Ngakar pelengon dagar oku ina ke umu langane. Ma umu lana umu pulu. Eriar langka ngong lana ngong ke umu io umu lana umu pulu.

Jon 6:37

Osep ka pula keniye ka Livou kar isak ke ngong io ma time ke ngong e ma ngasapir isak kovok.

Pas ka Pol sogoe uti la ke osep Rom ina 15:9

Silang blang langane. Krais me ma iye lua osep leklou ka isak osep Yuda ina kovok. Deka ma tikakai Ida Tapolngon angaine kesua batne aitno due isak e iye lua isak. Ida Tapolngon ila pelengon wai lang-ane. “Krais wai ke Ida Tapolngon langane. ‘Ma ngakakai angain wom airavu ke osep ka isak osep Yuda ina kovok. Ma ngadue sakul ka kakai angain wom.’”

Pas ka Pol sogoe uti la ke osep Rom ina 5:2

Iye lua ite e Ida Tapolngon ila makaingan kading ite batne ke Yesus ka aitno lite dagar ine kodong. Deka aitno lite neser ke iye kesua iteile omur ma Ida Tapolngon kakai ite kap Yesus.

Efesus 1:12

E langane. Imi osua ka mgo ke osep ka aitno lisak dagar ke Krais. Deka imakakai Ida Tapolngon angaine tito la egim ine.

Efesus 1:18

Ngapmi Ida Tapolngon ma iye lua umu ma umeile omur ke pelengon lokono ka ila poloungon batne ke iye. Ma umeile omur ke wan bitna bitna keniye ka Ida Tapolngon waiki kere ila osep ine e itapara ine.

Kolosi 3:13

Umodue elio itau ke osep ka tidue elio soulu ke umu e langka gute due elio soulu ke umu deka umu kenmu kenmu umasak ila elio soulu ka iye due. Umasak osep urok elio soulu eriar langka oglou Ida Puda sak lumu elio epmes ina.